قالوا لكم رخصه اليابيض الديك

كان الشاعر الرائع جايز جزا الحويمضي الحربي
مبتعث الى لندن وكتب هالقصيده الى من يحب
بعد مارفض مدير مدرسته اعطاءه اجازه ليعود للوطن ,,

اللي على بالك على بـال مغليـك=نبغى الوصل وظروفنا مااسعفتنـا
انته تبي قربي وانـا ميـت فيـك=لكن دورة العيـش عنـك ابعدتنـا
عكس الطريق اللي يجيبك يوديـك=للصدفه اللـي جابتـك وجرحتنـا
قدامهـا ماكنـت متولـع فـيـك=ياليـن فرصـة وقتنـا جمعتـنـا
أصبحت احبك واكره انسان يطريك=اغـار والغيـره عليـك انكبتنـا
والمشكله بادلتني نفس ما اعطيـك=بـس الليالـي القاسيـة فرقتـنـا
خلتني ابعد عن وطنكـم واخليـك=لاني جهة دارك ولا انتـه جهتنـا
انته سكنت بدار ربعـك واهاليـك=بالمملكـة دار عـزيـزه ربتـنـا
وانا ورى لندن ولا قـادر اجيـك=نطلب اجازة والبشر مـا عطتنـا
لا وافق المعهـد وقالـو نمشيـك=الملحقـيـه بالطـلـب عقدتـنـا
قالو لكم رخصة اذا بيّـض الديـك=وعيا يبيض الديك فـي مدرستنـا
لكن خلاصة هرجتي مولـع فيـك=منساك لـو سـود الليالـي نستنـا

وهذا قصيده اخرى للشاعر

ياطير ياللي بالسمـا مرتفـع فـوق=تكفى طلبتـك شيـل منـي رسالـه
اطلع سما والحق على كـل ملحـوق=حتى تصيـر الأرض مثـل البيالـه
وانزل على دار نزل دون ساحـوق=دارالحروب أهل الوفـاء والشكالـه
ريف الخوي والضيف والعلم ماثـوق=عندي علـى ماقلـت علـم ودلالـه
اقلوبهم للي صفـا ريـش غرنـوق=وعلـى العـدو سـم تـورم حبالـه
وسلم وسلم لي على عقب مـرزوق=واختص عودي وانشده عن حوالـه
واسرع لعماني قبـل كـل منطـوق=وحاول تبـرز ببـو غالـب لحالـه
وان سايلك عني قل الطاق مطبـوق=جايـز ندبنـي بعـد شـي جرالـه
ياعم أنا قلبي مـن الهـم محـروق=وعزي لمن ظرف الزمان ارتكالـه
صبرت حتى أزريت والعبد مخلـوق=جاملـت عيـت لاتفيـد الجمـالـه
الشمس شمس القيض والغرب مشقوق=والبيـر هدمـت والعـزا بالمحالـه
وبضاعتي بارت قبل لانزل السـوق=وأسباب ماعانيـت طيـب وجهالـه
لأجل الحميه ماطلبنـا بهـا حقـوق=والله يعيـن اللـي رفيقـه حثـالـه
قلنا يبا ينـدم بعـد وقـت ويفـوق=لكن تمادى ليـن صـارت طوالـه
وشرهت أنا عاتق ومعتق ومعتـوق=لكن زمـان اليـوم مامـن رجالـه
راحوا هل الطولات والعلم والـذوق=اللـي يخلـون الصعايـب سهالـه
وراعي الغنم ماهو مثل راعي النوق=ماكل فارس قـوم قـام وغـزا لـه
وراعي الاباعرجوه قوم لهـم شـوق=أن ماكسرهم روحـوا فـي حلالـه
حصلت لي دانه لها بوسط صنـدوق=(الطيب مع بعـض الاوادم خبالـه )

صح لسانك يا جايز
وسلمت يمينك يا تاج راسي
قصائد رايعة وختيار موفق

الاخ منصور الوسوس تسلم على الجهود هذا المنتدى مدان لك بكل جديد

الله لايحرمنا منك

وصح السان الشاعر المبدع جايز جزا الحويمضي الحربي

الله لايهينك

القسومي
شكرا لك هذه الاطلالة الطيبة لاهنت ولاعليك زود

علي الجضعان
مرحبا باطلالتك الغالية
اشكر حضورك ودمت لنا مبدعا

صح لسانك أخي منصور وصح لسان الشاعر .......

صح للسان الشاعر المبدع

ومشكور ابو محمد على الاختيارات المميزه

الاخ : ماجد ذاكر
الاخ : رياض الود
صحت ابدانكم ومشكورين على الاطلاع الجميل
تقبلوا اجمل تحية

ابو محمد

صح لسانك ولسان الشاعر

مبدع وإختيارات موفقه وذائقة جميلة

وشاعر يستحق المتابعة


تحيتي