خليّك بالبيت !!!

حاولت امشّيها على الكيف ..واحتلت=وبغيت ارسّيها على البر...وازريت
ورغم الأسى ..من قوّ عزمي تحاملت= كأنّي ..انحت جوف صخرة جرانيت
وان جيت اعدّل ما تمايل ..تطاولت!!=وان قلت اعديّها قالوا لي .. تعدّيت !!
وان جيت اطفي نارها . قالوا اشعلت !!=الماء بيديني بس يشوفونه ... الزيت
وان قلت انا عن حق نفسي ..تنازلت=ضلّيت مطلوبٍ بتهمة .. تراخيت !!
ما الله مجمّلني ..لو اني ..تجمّلت=الشك مغطـّيني ...ليا اقبلت واقفيت
ولا القا جوابٍ زين ..مهما تسائلت=كني احقق في قضية ... ووتر قيت !!
ولو جيت للعطار ومن الشذا ..شلت=قدّامهم ..مرّه ..وصبره ..وحلتيت
ولولا مباديّ القديمه ..ولا زلت=قصرتها ..من شان .. "خليـّك بالبيت"
وضعٍ يهدّ الحيل ..مهما تحملت=لابليت دنياً تتعب القلب .. لابليت
وخلاصة الموضوع .. خلْت وتأمّلت=بس الصراحه .. مثل ما رحت به جيت
بغيت اجمّع ما تفرّق وحاولت=وتشتت ..اوراقها .. واستكنّيت !!
حالة فشل كامل ..ولو قلت ما قلت=لكن .. تعزّيني ..لو انّي ...وياليت

***********
خلف

صح لسان من قالها و تسلم على النــــقل

الغالي فهد مبارك
صح بدنك والقصيده لاخيك وليست منقوله
لاهنت
................

صح لسانك ابو عبدالعزيز وقدرك كبير وهامتك مرفوعة والدنيا مثل ماقال المثل الذي أوردت

لا يمكن أن يعدل مايلها ! وتعودنا منك احلام وردية وصبر وتحمل ونريدك كما عهدناك



صح لسانك وقصيدة جميلة جدا تصور حال الدنيا وحال من يريد أن يعدل ما مال من اطرافها

عادتك الجزل .



نازف الحرف

قصيدة جميلة وحقيقة فيها حكم كثيرة وتحكي واقع نعيشه في هذا الزمن للأسف

سلمت يمينك يا ابن العم

تقبل تحياتي ابو عبدالعزيز وتقديري

يالله تعدلها عن العسربالين --والاتميلها على الناس كله

اخوي خلف ليش كل هذا الأحباط عهدناك رجل المهمات

الصعبه صبرك جلاد عموماً صح السانك

قصيدك روعه وأخذت من بحر السجع ما أخذت

بصراحه بصراحه أعجبتني من جد روعه روعه

خلف سجل أعجابي

.
.
أبــــــو عبدالعـــزيز
.
صح لسانك وأعتلا شانك
يابن الفـــــريد
.
قصيدة جـــزله ومـــوضوعها يحكي نوع من الأستياء
.
لكـــن تبقى هامتك فوق

والمثل يقول
إن لم يكن لك حاسد فلا خير فيك
.
.
~*¤ô§ô¤*~دمت بصحه وسلامه~*¤ô§ô¤*~

خلف

الإستياء ماهو من طبعك

خابرك جمل محامل ومجملك الله

والناس رواى الحديث إتحكيبه ياخلف ولاهى

عليك الحالك

قصيده جزله كما عودتنا على الجزل يالفريد دائماً

تقبل مرورى وتقبل تحياتي

تحياتي للجميع

صح لسانك يابوعبدالعزيز

معودنا على الجزل وجميل المعنى
بس هااي ماحبيتها منك

نستمد من هامتك الصمود
والوقوف في وجه العواصف دون ان تنحني لك قامه

لاهنت ولاعدمناك

أبو عبد العزيز

صح لسانك وإعتلا شأنك

بس هااي ماحبيتها منك

ودمت بخير وصحه وسلامه