مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   خليّك بالبيت !!! (http://www.alfredah.net/forum/threads/alfredah8225/)

خلف الفريد 19-06-08 03:40 PM

خليّك بالبيت !!!
 
حاولت امشّيها على الكيف ..واحتلت=وبغيت ارسّيها على البر...وازريت
ورغم الأسى ..من قوّ عزمي تحاملت= كأنّي ..انحت جوف صخرة جرانيت
وان جيت اعدّل ما تمايل ..تطاولت!!=وان قلت اعديّها قالوا لي .. تعدّيت !!
وان جيت اطفي نارها . قالوا اشعلت !!=الماء بيديني بس يشوفونه ... الزيت
وان قلت انا عن حق نفسي ..تنازلت=ضلّيت مطلوبٍ بتهمة .. تراخيت !!
ما الله مجمّلني ..لو اني ..تجمّلت=الشك مغطـّيني ...ليا اقبلت واقفيت
ولا القا جوابٍ زين ..مهما تسائلت=كني احقق في قضية ... ووتر قيت !!
ولو جيت للعطار ومن الشذا ..شلت=قدّامهم ..مرّه ..وصبره ..وحلتيت
ولولا مباديّ القديمه ..ولا زلت=قصرتها ..من شان .. "خليـّك بالبيت"
وضعٍ يهدّ الحيل ..مهما تحملت=لابليت دنياً تتعب القلب .. لابليت
وخلاصة الموضوع .. خلْت وتأمّلت=بس الصراحه .. مثل ما رحت به جيت
بغيت اجمّع ما تفرّق وحاولت=وتشتت ..اوراقها .. واستكنّيت !!
حالة فشل كامل ..ولو قلت ما قلت=لكن .. تعزّيني ..لو انّي ...وياليت

***********
خلف

فهد بن مبارك 19-06-08 05:35 PM

رد: خليّك بالبيت !!!
 
صح لسان من قالها و تسلم على النــــقل

خلف الفريد 20-06-08 01:37 AM

رد: خليّك بالبيت !!!
 

الغالي فهد مبارك
صح بدنك والقصيده لاخيك وليست منقوله
لاهنت
................

ضيف الله بن علي 20-06-08 07:57 AM

رد: خليّك بالبيت !!!
 
صح لسانك ابو عبدالعزيز وقدرك كبير وهامتك مرفوعة والدنيا مثل ماقال المثل الذي أوردت

لا يمكن أن يعدل مايلها ! وتعودنا منك احلام وردية وصبر وتحمل ونريدك كما عهدناك



صح لسانك وقصيدة جميلة جدا تصور حال الدنيا وحال من يريد أن يعدل ما مال من اطرافها

عادتك الجزل .



نازف الحرف

الفريدي 20-06-08 05:11 PM

رد: خليّك بالبيت !!!
 
قصيدة جميلة وحقيقة فيها حكم كثيرة وتحكي واقع نعيشه في هذا الزمن للأسف

سلمت يمينك يا ابن العم

تقبل تحياتي ابو عبدالعزيز وتقديري

علي الجضعان 21-06-08 12:07 AM

رد: خليّك بالبيت !!!
 
يالله تعدلها عن العسربالين --والاتميلها على الناس كله

اخوي خلف ليش كل هذا الأحباط عهدناك رجل المهمات

الصعبه صبرك جلاد عموماً صح السانك

قصيدك روعه وأخذت من بحر السجع ما أخذت

بصراحه بصراحه أعجبتني من جد روعه روعه

خلف سجل أعجابي

عبدالعزيز العبلان 21-06-08 02:22 AM

رد: خليّك بالبيت !!!
 
.
.
أبــــــو عبدالعـــزيز
.
صح لسانك وأعتلا شانك
يابن الفـــــريد

.
قصيدة جـــزله ومـــوضوعها يحكي نوع من الأستياء
.
لكـــن تبقى هامتك فوق

والمثل يقول
إن لم يكن لك حاسد فلا خير فيك

.
.
~*¤ô§ô¤*~دمت بصحه وسلامه~*¤ô§ô¤*~

غازى بن عجاب أبوزوايد 21-06-08 07:41 AM

رد: خليّك بالبيت !!!
 
خلف

الإستياء ماهو من طبعك

خابرك جمل محامل ومجملك الله

والناس رواى الحديث إتحكيبه ياخلف ولاهى

عليك الحالك

قصيده جزله كما عودتنا على الجزل يالفريد دائماً

تقبل مرورى وتقبل تحياتي

تحياتي للجميع

ابوبندر 21-06-08 08:46 AM

رد: خليّك بالبيت !!!
 
صح لسانك يابوعبدالعزيز

معودنا على الجزل وجميل المعنى
بس هااي ماحبيتها منك

نستمد من هامتك الصمود
والوقوف في وجه العواصف دون ان تنحني لك قامه

لاهنت ولاعدمناك

مقبل بن نمران 21-06-08 09:36 AM

رد: خليّك بالبيت !!!
 
أبو عبد العزيز

صح لسانك وإعتلا شأنك

اقتباس:

بس هااي ماحبيتها منك
ودمت بخير وصحه وسلامه


الساعة الآن 04:55 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52