الشعر وهبه؟؟ محمد مذكر الحليوي

الشـعـر وهبـه مـن جـزيـل الـعـطـايـا = سبـحـان مـن مالـه شـريـكٍ ومـعبـود
نـبـعٍ سخـي يـصـدر مـن أقـصى الحنايـا =ويـبـذل علـى تـرتـيبـه الـفـكرمجهـود
امــاانـقـبـل جــزلٍ جـمـيـل الحـلايـا =وألا علـى راعـيـه بـالـطـبع مــردود
والـشـعـر يـوجـد بـه جمـيـع المـزايـا =والطـيـب مـاهـو فـي هـل الـشعرمحدود
كــم واحــدٍ بـالطـيــب قـاد السـرايـا =ومالـه مـع أهـل الشـعر لوكـان مفـرود
لاكـن يـغـزى بـه لـحـل الـقـضـايــا =وبـساطٍ أخـضر بـيـن الأجـواد مـمــدود
ويـحـفـظ فعـول أهـل الوفـى والحـمايـا =الـلي لهـم فـاالمـجـد تـاريـخ مـشهـود
ويـاردمـع الشـجـعـان حـوض المـنايـا =ويـثبـت مواقـفـهـم مـن النقـص والـزود
وعـطـرٍلمـجـلـس طيـبـيـن السمـايـا =ويـشـفـي غليـل الـلي مـن الوقـت ملهود
واليـوم كــل الـنـاس صـارت سـوايــا=كـلٍ علـى كـيـفـه وعـن نـفـسـه يـذود
وأنـاأحمـد الـلـه مـاخـذيـته هـمـايـا=الشـعـر عـدٍ مـن عـلـى الـجـد مـورود
مـانـي مـن اللي يـشـربـون البـقـايـا=ومـن لا أسقـتـه يـمـنـاه ضامي ومضهـود
وأهـل السـوالـف مـكثـريـن الزرايــا=عنـدي مـنـاعـه عـن خـطـاهم و مسنـود
الـلـي عـلـى العـاده خبــاث النـوايـا=وقلـوبـهـم مـن غـيـضـها والحسـد سود
تـميـل العـاقـل بـسـوق الوهــايــا=بـأفـكـار مـعـدومـة قـوانـيـن وبـنــود
وسـوالــفٍ تـشبـه دروب الحيـايــا =ردي حــظ ومـعــرفـه قــاصـر زنــود
مـادام مايـحظـى بطـيـب السـجـايـا=فـي شـبـتـه تـحـرم عـلـى شـاربه عـود
عرفـي لمـثـلـه مـن كبـار الرزايــا=و بـعـدي عنـه يـسوى قـطـيعٍ مـن الـذود

قصيدة رائعة جدا
شكرا لك مشرفنا الفاضل لك اجمل تحية على هذا الانتقاء
تقبل مروري واعجابي بماتختاره

أبو محمد


ازدانت وتعطرت هذه الصفحة بتواجدك

ناصر بن راكب

تسلم على النقل الجميل

مشكور على اضافة هذه القصيدة الرائعة والانتقاء بالنقل

صح لسان


الشـــاعر ومشكور

على


النقــــــل