يناشدن تنشد عن الحال لاهنت

السلام عليكم ورحمة الله
اقدم هذه القصيده
وان شاء الله تكون بداية التواصل بهذا الصرح الشامخ

ياناشدٍ تنشد عن الحال لاهنت=لاعاد تنشدني ولالك حواجي
انا من الايام ياصاحبي شنت=متكدرٍ بالي وشينٍ مزاجي
مدري علام الحال في وين ماكنت=اسج واهوجس ولامن سهاجي
لا ياعذابي لانظرت وتمعنت=لوكان ماني للمخاليق راجي
وليا طرالي طاريٍ به تفطنت=الكهربا ماهي بمثل السراجي
ضامي وابي بيرٍ على ميها ادمنت=والا العيون امسن بذوقي هماجي
عقب الذي في حبه اعلنت وايقنت=غروٍ غلاها بداخل القلب داجي
لاشفت زوله والله اني تطمنت=شوفه دواي وهرجته لي علاجي
مير الليالي عقب مازانت وزنت=تبدلت صحواتها في عجاجي
واليوم بهموم الليالي تمكنت=وصارت علاقتنا بشكل ازدواجي
هذا وانا لك يابن الاجواد كونت=صاف الكلام ولاعليه احتجاجي
وهالحين لاتنشد ولاتقول كيف انت=متكدرٍ بالي وشينٍ مزاجي

صح لسانك ياركان على هذه القصيده واهلا بيك
معنا في مجالس الفرده

حياك ياراكان بمجالس ربعك
وانت من الشعار الشباب
بدايه موفقه

وصح لسانك يابن جضعان

تحيتي وتقديري لك

أهلا بهذه البدايات الشامخة بشموخ الشاعر /

راكان بن سعود الفريدي .

وصحت معانيك ..

تحيتي وتقديري .

حياك الله ياراكان
بداية طيبه ونامل بالاحسن
ولو قلت ... (داخل القلب لاجي) ابلغ من داجي ، لان كلمة داجي تحتمل معنيين .. الحركة والسواد !!!
وصح لسانك

صح لسانك أخوي راكان على هذه القصيدة

بداية رائعة ونتمنى أن نشاهد جديدك في المستقبل

حياك الله في مجالس الفرده وسعدنا بتواجدك وانضمامك