مجالس الفرده - يناشدن تنشد عن الحال لاهنت

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - يناشدن تنشد عن الحال لاهنت (http://www.alfredah.net/forum/threads/alfredah35501/)

يناشدن تنشد عن الحال لاهنت

السلام عليكم ورحمة الله
اقدم هذه القصيده
وان شاء الله تكون بداية التواصل بهذا الصرح الشامخ

ياناشدٍ تنشد عن الحال لاهنت=لاعاد تنشدني ولالك حواجي
انا من الايام ياصاحبي شنت=متكدرٍ بالي وشينٍ مزاجي
مدري علام الحال في وين ماكنت=اسج واهوجس ولامن سهاجي
لا ياعذابي لانظرت وتمعنت=لوكان ماني للمخاليق راجي
وليا طرالي طاريٍ به تفطنت=الكهربا ماهي بمثل السراجي
ضامي وابي بيرٍ على ميها ادمنت=والا العيون امسن بذوقي هماجي
عقب الذي في حبه اعلنت وايقنت=غروٍ غلاها بداخل القلب داجي
لاشفت زوله والله اني تطمنت=شوفه دواي وهرجته لي علاجي
مير الليالي عقب مازانت وزنت=تبدلت صحواتها في عجاجي
واليوم بهموم الليالي تمكنت=وصارت علاقتنا بشكل ازدواجي
هذا وانا لك يابن الاجواد كونت=صاف الكلام ولاعليه احتجاجي
وهالحين لاتنشد ولاتقول كيف انت=متكدرٍ بالي وشينٍ مزاجي