للاستمتاع بالشعر ادخل.....نايف بن مياس

ساعة دنا المغرب على قرية السيف=والليل يكسيها مراحل مراحل
ماشفت ياناصر علي ضبية الريف=حتى الضبا صارت تحب السواحل
حبيت فيهم حبهم للسواليف=والشعر الاسود والرموش الكواحل
بساطة اهل الريف والحب للضيف=قالوا مقيم وقلت بالعكس راحل
المشكله مالي معاكم مواليف=والجو وقت الصيف حامي وقاحل
ضحك على هرجي حسين التواصيف=قال المدينه خلتك عود ناحل
والريف يالطيب قليل التكاليف=والعلم له في كل وادي فطاحل
خلك هنا الليله وفكر على الكيف=والفتنا إلا حديث الرواحل
فكرت والشاعر كثير التصانيف=كلٍ يحبك ياعسل في مناحل

شاعر الجزيره العربيه
علي بن محمد القحطاني

صح الله الشاعر على القحطاني وصح بدنك نايق على النقل

الشاعر علي القحطاني شاعر جميل وانتقاءك اجمل يابو ارجوان بصراحه اجمل ماسمعت لعلي
لك اجمل تحيه على النقل وصح لسانه

تسلم يابن مباس

على حسن الاختيار وصح لسان شاعر الجزيره

صح لسان الشاعر علي القحطاني
وصح لسانك واختيارك يابن مياس لاهنت

انتقاء واختيار رآآق لي
صح لسان القحطاني وتسلم يمناك

أخونا أبن مياس صح لسان الشاعر و تسلم على النقل الجميل . وهيضتنا بصورة الحبارى على ربطة الطير؟ . تحياتي