29-04-11, 08:10 PM
|
المشاركة رقم: 1 |
| المعلومات | | الكاتب: | | | اللقب: | شاعر
| | الرتبة: | | | الصورة الرمزية | | | | البيانات | | التسجيل: | Jun 2010 | | العضوية: | 3010 | | الاقامة: | القصيم | | الجنس: | ذكر | | المواضيع: | 126 | | الردود: | 671 | | جميع المشاركات: | 797 [+] | | بمعدل : | 0.16 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  عبدالله العوما........نايف بن مياس
هذي قصيده كتبتها كان يكلمني الاخ / عبدالله بن عياد بن زايد العوما وقال مازحاً وشلونكم يالبدو وهو الذي قد نزل قبل عدة سنوات لبريده وكتبت هذي القصيده
يالله يالمعبود كافل عبيده=يامالك الدنيا بحكمه وتفريد
ياواحدٍ تصريف الايام بيده=وموحدينه دون شرطٍ ولاقيد
يالله نطلبك الحياه السعيده=وانك تجردني من الهم تجريد
قمت اتفكر بالسنين البعيده=في نظرتي مبطي ولوهي مجاديد
عبدالله العوما وذكرى شديده=خلى البداوه والسهال الجراهيد
حلت ركابه في مدينة بريده=بحي النقع مع باقي الربع تحديد
ولاغيرت طبع الكريم الوليده=مازال حواف الدلال البغاديد
من نسل زايد نعم هاك البديده=ربعٍ خذو من قمة المجد تمجيد
واهل المدن فيهم خصالٍ حميده=ماني مدور من وراهم مناقيد
لاكن الديار ازعاجها مانريده=رجلي مضريها على سجة البيد
عندي سبايب والسبايب عديده=مادام شفي شوفت البر والصيد
ولاعاد للبدوان باقي شريده=إلا خطاه من الرجال الصناديد
اهل العوايد والسلوم الفريده=ناسٍ على الفطره هدايه واجاويد
لو انهم صارو بحاله زهيده=تنكدو من سعر الاعلاف تنكيد
اهل الحلال اليوم فوق الحديده=يرجون عفو اللي يفك المقاييد
يبون مثل الذكريات التليده=يالله بسيلٍ يروي الارض ويزيد
في كل يوم همومهم بالجريده=وفي كل يوم تزيد الاوضاع تعقيد
الله بلانا في وزاره عنيده=قدم الجشع مثل الحباري ملابيد
نايف يا ابو عياد جاكم بريده=يبغى اطلاع رسالته عقب توريد
بينت مكنون الضمير بقصيده=كتبتها من دم قلبي على حيد
وختامها سير علينا بضيده=واسلم وسلم لي على عمك عبيد
نايف بن مياس
التعديل الأخير تم بواسطة نايف بن مياس.. ; 30-04-11 الساعة 05:47 PM |
| |
العرض العادي
