قصيده في مناسبه فوز الشيخ عليان الطهيمي في النخبه

ابدا بذكر الله واصوغ التعابير=ابذل بها المجهود وارفع بناها
واسوقها يم الرجال المناعير=اللي على الميقاف ساقت خطاها
اقصد بها عليان ريف المسايير=مدله الخطار مكرم لحاها
مبروك ياعليان فوز المغاتير=بالنخبه اللي تعبت من بغاها
جبت البكار ولا حسبت المخاسير=ياملحقن حرب الحرايب مناها
لاجل القبيله ماحسبت المشاوير=سقت البكار الين وصلت هواها
عفرن يشادن المزون المزابير=هزعن مواخرها وطفحن لحاها
وارقابها مثل السيوف البواتير=الله من عيون الحسود يحماها
اليا اقبلت تقل تسوق التباشير=عن الجوايز ماحدن كد حداها
هذي هي مغيضات تفرق عن الغير=اقيامها تصعب على اللي نواها
لو جمع الوف الذهب والدنانير=ما جاب قيمه بكرةٍ من حداها
حازت على المركز وحطت تحاسير=على كبود اهل الحسد وحلفاها
وانا لواجبها ماعندي معاذير=انظم لها بيوت الشعر من غلاها
وصلاه ربي عد مزنٍ مزابير=على شفيع الامه ومصطفاها

الشاعر / محمد بن خلف بن مغضب الفريدي

محمد صح السانك على القصيدة الفخر والتفاخر
وبيض الله وجهك وجه الشيخ عليان الطهيمي التي تفتخر به جميع قبائل حرب
صح السانك مرة أخرى ولك مني كل التقدير على الاضافة الجزلة
تقبل مروري وتقديري لك.,........

بيض الله وجهك اخوى محمد ولاهنت يالذيب
وابو فواز يستاهل كل خير
تحيتي

صح لسانك
مشكوووووور والله يعطيك الف عافيه

صح لسانك يبن مغضب
يستاهل الطهيمي وبيّض الله وجهك على هذه المشاركة
تقبل وافر التقدير

اخواني ابن مطيع وغازي بن عجاب والنمر الارقط ومنصور الوسوس
صحت ابدانكم وافيين الله يطول باعماركم
اشكركم على مروركم العطر

قصيدة جميلة ،، جمع من الآلئ كوّنت لنا عقداً جميل اكتملت به هذه القصيدة

صح لسانك أخوي محمد على هذه الجزلة الجميلة ..

ويستاهل أبو فواز ممثل القبيلة ، وتستاهل مغاتير الطهيمي النخبة ..

تسلم ،، ودائماً في متابعة لجديدك ..

صح لسانك ياأخي العزيز محمد بن مغضب ويستاهل الشيخ عليان الطهيمي

تقبل مروري واعجابي

صح لسانك يابن مغضب
وبيض الله وجهك
وافيه من راسٍ وافي
يستاهل ابو فواز بيض وجيه قبايل حرب كافه والفرده خاصه
انا اشهدنه يستاهل المدح والتكريم

اخواني الاعزاء فهد الطميشاء وعبدالله بن مغضب وابو حمد
صحت ابدانك شكرا لمروركم وشرفتو متصفحي