الوجد

قصيدة الوجد للشاعر :: خالد بن مدعث الدوسري
________
ـــــــــــــــ

كل ما فاضت عيوني باشت الأضلاع غنا
الموارد في الضلوع وكل ضلع فيـه ونـه


والتمني ما يحقق هقوت القلـب ان تمنـا
بس قلبي ما يداني تبعـد الهقـوات منـه


وا وجودي وجد من جلي عن دياره مجنـا
تو عمره عشر واربع والليالي مـا تحنـه


ما وراه إلا عجوزٍ واختـه وعـود مسنـا
بين فقر وبين دين وبين ضيم وبيـن منـه


ما ذبحهم غير دمع من الغبينه مـا يكنـا
ويل من سود الليالـي بالمصايـب يبتلنـه


راح مثل الذيب وهبلته حياة الذيـب ظنـا
وآمن والموت يومي بين مخلابـه وسنـه


راح ينقل دم قلبه وان ضواه الليـل ونـا
الذيابـه مروحاتـه والسيـوف يـدورنـه


ليا ذكر دم القرايـب عانـق البيـدا وثنـا
وان تذكر ضحكة امه زاع قلبه من مغنـه


ما يلوعه في حشاه إلا ليا شاف البرق سنا
غاب عشر اسنين ما به من يرد العلم عنه


ان حداه الخوف منا هزت الأشـواق منـا
يوم طال الوقت عود للديـار اللـي ربنـه


قـال مـا دام المذلـه والبـلاوي يبتلنـا
والله ان الموت في الأوطان بين الربع جنه


يوم وقف في المنازل ما لقى بيـت مبنـا
غير بيت للهبايـب والـذواري يلاوحنـه


راح يمه كنه اللي ضاربه رمـح المطنـا
وعذابه ما درى ان سهوم بقعـا يحترنـه


يوم قرب سمع له صوت من العلـه يحنـا
حصل امه عندها ضيف يقول الموت سنـة


قال يمه قالت عيوني مـن الدمـع انعمنـا
قال ابويه قالت اطوال النصايب قد خذنـه


قال واختي قالت اقفى القوم باختك مع ظعنا
قال ربعي قالت اسنيـن المجاعـة فرقنـه


قال جيتك قالت ان الموت ما ظنـي تونـا
واستلمها نازع الارواح روحـن مرجهنـه



ثم صاح من التفرق صيحة اللي فيه جنـا
دق صدره وانطوى من حر ما به طي شنه


كل هذا حال قلـب مـن خلقـه الله معنـا
الهمـوم يوكلنـه والـروابـع يوكلـنـه


ليه ادور للسبايـب والسبـب فينـا ومنـا
النفوس وما تسوي واليدين ومـا حصدنـا


لا تسودنا الخطايا نلحـق الشرهـه زمنـا
ما جزانـا إلا عملنـا والخلائـق يثبتنـه

قلت اجرب ويش ورنـا بنتسـلا ونتهنـا
الليالي ماتخالف من طلـب شـي عطنـه

جاهل في الغيب واثراللـي يسلينـا طعنـا
مادريـت الا بقلبـي والمحانـي يردعنـه

قلت وين تروح خلك في ضلوعك مرجهنا
قال مدري مير كن الحب تل العروق كنـه

قال مخطـي ليـه اليـا ذكرنـاه اشتحنـا
وانتبهت وطاح فكري للطـواري واخلفنـه

رحت ابسأل بنت حوا ليت حنا ما سألنـا
كان والله مستريح مخلـف قلبـي وظنـه

قلت هز العود صفق النود قال النود حنـا
ماذكر بـه عـود الا والهبايـب يطرقنـه

قلت في دارك غريب وقال حول في وطنا
غريب لك محل في قصورله سيوف يحتمنه

قلت اهلنا قال والله ما نعيب سلـوم اهلنـا
العفيف من الهوى مابـه علـوم يحرمنـه

وابتدينا قصـة السبـع العجـاف ومللنـا
كل عام يمر يعطينا مـن اللوعـات فنـه

وافترقنا ما لقينا مـن يـرد العلـم عنـا
غير حب للهبايـب والـذواري يلاوحنـه

اخوى


النمر الارقط



صح لسان الشاعر وسلم اليراع وصاحب اليراع


تحيتي

صح لسان الشاعر
-----------------
النمرالارقط

ابدعت في النقل والاختيار .تقبل مروري

صح لسان الشاعر: خالد الدوسري .. قصيده جميله..
اختيارك دائما جميل ورائع ... دمت ودام ابداعك.

ليه ادور للسبايـب والسبـب فينـا ومنـا
النفوس وما تسوي واليدين ومـا حصدنـا


لا تسودنا الخطايا نلحـق الشرهـه زمنـا
ما جزانـا إلا عملنـا والخلائـق يثبتنـه

قصيدة رائعة صح لسان الشاعر
وتسلم النمر على الابداع وحسن الاختيار

غازي عجاب

اشكرك ع مرورك الرائع

ابو حمد

مرورك شرف ونور مصفحي مشكور

عايض المقطع

مشكور ع المرور الرائع

اختي
ميس الريم

الرائع مرورك المشرف لمصفحي
اللة يعطيك العافية