بحث عن قصيدة بجاد المربوث رحمه الله

اخواني مجالس الفرده مساكم الله بالخير جميعا واريد ان استفسر عن رد بجاد المربوث على قصيدة
ناصر بن ضيدان الزغيبي وهو من اشهر شعراء عصره وهل للمربوث ابناء
في وقتنا لانني تابعت قبل فتره قصيده للمربوث في جريدة الجزيره وكان هناك تعقيب من
ابن مضيان الظاهري ان القصيده لوالده وليست للمربوث ولم يعقب احد من الفرده
وهذه القصيده قالها الشاعر / ناصر بن ضيدان الزغيبي موجهة للشاعر / بجاد المربـوث.

قال الزغيبـي ون بدا نايـف الجـال =في راس عيطانن بعيـدٍ سهلـهـا

حـوّلت كنيّ من هل السّوق مكتـال =بضايـع ٍ متفـاختـاتٍ اشكلـهـا

ياراكـبٍ حمـراً من الهجـن مرمـال =بنـت الاصيل اللي نسبها فحلهـا

حمـراً تروح بك ليا سـرّب الـلال =ليا زيّنت معـزا الجوازي دحلهـا

تنشـد عن المربـوث كسّـاب الأنفال =اللي مواجيـب الرجـال يحملهـا

ريـف الضيـوف وللمسايير مدهـال =وعوق السمين اللـي تساقا عدلهـا

فـي ربعـةٍ يفـرح بـها كل عيـًال =مع دلـةٍ مايكـره اللـي دهلهـــــــا

ان كان جـوك البـدو للجـو نـزال =اليـا جنّبـوا خطـو الثنيـة نزلهـا

يابجـاد هـوّن لا تفـرط بـالامثـال =لاتجلـب السلعـة على غير اهلهـا

متحسفٍ بك عن بعض كثـر الاقـوال =والا الحمول ثقـال وانتـه جملهـا

والحـر مايناظـر جـرادٍ اليـا جـال =يصيد من جزل الجـوازي جزلـها

اشـوف بالدّنيــا تهاويـل واهـوال =اليا قلت تبي تعقـل تزايـد جهلهـا

تزيـّنـت لـوجيـه نسـوان وارذال =وتشّينـت بـاللـي كـرام ٍ سبلـهـــا

صـدت عن الطّيب وشامت للأنـذال =من خوف يركبها الوعر عن سهلهـا

ودمتم والساعه المباركه اللي دلتني على منتدى اعيال راشد

الله يحييك وتشرفنا في وجودك بيننا

وأما الرد فأتمنى من لديه اي معلومه

تزويدنا فيها

وتسلم على الأضافه

والله يرحمهم ويغفرخطاياهم

اخوي اولا مرحبا بك بمنتدانا الشامخ
ثانيا
القصيده الموجهه من الزغيبي الى الآن ابحث عن رد بجاد المربوث وانشاء الله ان كان له رد بحصل عليه وافيدكم
ثالثا
القصيده التي وردة بجريدة الجزيره مجلة السيارات عام 1428هـ اورها الشاعرالأعلامي الحميدي الحربي وعقب عليها بن مضان انها لوالده فقد اجتمع الرواه من الفرده وذهبو لابن مضيان وتراجع بعد ان تم تاكيدها انها لبجاد المربوث اما سوالك عن ابناءه له ولد واحداسمه حريمل المقصود بالقصيده المذكوره
يا راكب اللي عمار ونار
فرت تضارس لواليبه
لولا المحاحيل قلنا طار
بس الكفرات تومي به
يشيل من ديرةٍ لديار
ويودي العلم ويجيبه
هو منوة اللي يبي المظهار
مترخصٍ من معازيبه
قولوا لحريمل يشب النار
ولا جاه ضيف يهلي به

انا منذ القدم اسمع انها لابن مضيان مع وجود من ينسبها الى بجاد ....
والارجح عندي انها لابن مضيان ...
حيث انه اشار الى ان الفرت منوة من يستاذن من معازيبه وبجاد رحمه الله ليس له معازيب الا البر ومجالسه والذبح وسوات القهوه ...
على عكس بن مضيان تلك الحقبه فقد كان بصحبة احد اصحاب السمو....
كما انني سمعت ان البيت الاخير دخيل على القصيده ....
كما ذكر لي اخي ابو زوايد ان هناك تحريف بالابيات ومنها ....
لولا الكفرات قلنا طار ***بس الهبايب تومي به
على عكس ماهو منقول من الاخ نايف ...
والان اطلب من اخي ابو فيصل افادتنا عن الموضوع كاملا ...
كما نرجو المداخله من الجميع فالنقاش يثري ....
لاعدمتكم

الاخوه الكرام


الاخ / خلف بن عتاق


كما تعلم ويعلم من أطلع على المقال بجريدة الجزيره


على مدى ثلاث أسابيع متتاليه وإتصال الحميدي بن حمد على


الشيخ نواف بن متعب بن مضيان وإثباتها بإنها لوالده عندما إستأذن


من صاحب السمو الامير / سعود بن محمد آل سعود قال تلك القصيده

والملاحظ بإن البيت الأخير أضيف للقصيده وهو ليس منها حيث القصيده


عن الفورد والبيت الاخير نشاز أما تراجع الشيخ نواف بن مضيان عن نسب


القصيده لوالده لم يتراجع ومن إدعى أنه ناقش الشيخ نواف بن مضيان بالقصيده

ارجو إرسال إسمه لإناقش ابو سطام بها علماً بإنه المرحوم بإذن الله متعب بن عبدالعزيز


بن مضيان قال تلك القصيده لوالدى وفى بيتنا بالخصيبه وأنا سامعها منه رحمهما الله جميعاً


لطلبكم الإيضاح أوضحت مالدى والله من وراء القصد


تحياتي للجميع

مرحبا بالجميع هذا ما سمعت من كبار السن ونتمنى التوضيح والتاكيد كي نستفيد

بسم الله الرحمن الرحيم
اخواني الاعزا اسمحولي ادلي بدلوي حول موضوع القصيده انفة الذكر
حسب عرفي ومعلوماتي ان فيه قصيدتين على نفس القافيه الاوله لشيخ متعب ابن فاجر ابن مضيان عندماكان با لرياض ضيفا علي سموالاميرسعود كما ذكراخي غازي ابن عجاب
مطلعها

يراكب اللي عمار ونا=فرتن تظارس لواليبه
لولاا لمحاحيل قلناطار= مار المحاحيل توميبه
هو منوت اللي نواالمظهار=مستاذنن من معازيبه

اما لقصيده الثانيه
الشاعر بجاد المربوث
عندما كان يوصي ابنه حريمل بجاد
يراكب اللي عمارونار=فرتن تواما لواليبه
الى ان قال
قولو لحريمل يشب النار=لجاه ظيفن يهليبه

هذ مالدي ارجو المعذره

شكرا لردووود الجميع واعتقد والعلم عندالله ان هناك قصيدتان ولاكن تداخلت مع مروور الزمن بسبب تشابه القافيه والوزن وننتظر من الشهم بن مياااس الرد على ناصر بن ضيدان شاعر زمانه الذي كان صديق جداا للمربوث الفريدي ودمتم بووود

مشكور وماقصرت

قصائد جزله
حتي لو تشابهة سوا للفريدي او ابن مضياااان الحمد لله انها لنا ..... ماتفرق
اللي يسمعها او يقرائها بتشد اعجاااابه اهم شي انها لحربي وحرب الحمد لله اعلومها كلها ترفع الراااااس ومعجزااااات لديها كثيره منها قصة البلالي ونويشي ... تحياااتي للجميع ......