11-06-07, 11:58 PM
|
المشاركة رقم: 1 |
| المعلومات | | الكاتب: | | | اللقب: | ::عضو ذهبي::
| | الرتبة: | | | الصورة الرمزية | | | | البيانات | | التسجيل: | Apr 2007 | | العضوية: | 270 | | الاقامة: | بريدة - الفايزية | | الجنس: | ذكر | | المواضيع: | 152 | | الردود: | 728 | | جميع المشاركات: | 880 [+] | | بمعدل : | 0.14 يوميا | | تلقى » 1 اعجاب | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  يامكثرين الهرج لااسمـع ولااجيـب
------------------------------------
قصــيده في الحكمـه / للشــاعر لأفي الغيــدإني
--------------------------------------------------------------------------------
هذي القصيدة للشاعر الكيبر لافي حمود الغيداني الحربي وموضوع القصيدة حول كثرة الكلام والغيبة والنميمة
والله على الابيات الثلاثه الحلوة لانها الخلاصة
ان جات من طيب شقاها على الطيب " "لو انها اعوج مـن رقبـة الذلولـي
وان جات من مسكين منطق واساليب " "حطيتهـا بيـن الثـرى والنعـولـي
لاحركـت شعـره ولاطلعـت شيـب " "ولاضيقت صـدري ولاطـق جولـي
يامكثرين الهرج لااسمـع ولااجيـب=تريحوا من فضلكـم واسمحـوا لـي
تريحـوا لاتلحـقـون المشاهـيـب=على الردى ماني شفـوق عجولـي
بالعقل والصبر ادب النفـس تاديـب=والا لهـا مـده تصـول وتجولـي
خلج ترازم فـي سيـاج المحاديـب=مافيهـن اللـي بالعقـال معقـولـي
اشد وطية زور مـن شمـخ النيـب=اليا ضاع مفعو ل الحيـل والحلولـي
انا لاقلـت ارتـب القـول ترتيـب=حتى يجي كـي علـى فـك قولـي
اليا ارسلت لافكار القريحه مناديـب=ترايعن من عقـب ماهـن جفولـي
لكن مالـي مـن وراهـا مكاسيـب=لو كان عشاق القشر صفقـوا لـي
مامستفيـد الا العـدو والاجانـيـب=ولاني مطيـع مقرقعيـن الطبولـي
خليتهـا تعطـي فجـوج مجـاديـب=جربا تجود فـي رسنهـا مهبولـي
والله لااجنب دام لـي درب تجنيـب=من شرهة حشام الرفاقـه خجولـي
لو انهـا بيـن النحـر والتلابيـب=من الحيا وجهي مهـوب مغسولـي
طبـع لنـا نشـب عليـه ونشيـب=وطبيـعـةٍ لعـلـهـا مـاتـزولـي
على الجماعـه للجماعـه مواجيـب=الا جهلـوا قـدر الرفيـق الهتولـي
ماني على ربعي قريـب محاضيـب=ادنـاة مايخلينـي اسـرج خيولـي
ان جات من طيب شقاها على الطيب=لو انها اعوج مـن رقبـة الذلولـي
وان جات من مسكين منطق واساليب=حطيتهـا بيـن الثـرى والنعولـي
لاحركـت شعـره ولاطلعـت شيـب=ولاضيقت صـدري ولاطـق جولـي
وان كان في صبري على ميلهم عيب=العيب تفتيـش الصـرر والحثولـي
لاقمت تذكر فـي رفيقـك عذاريـب=وتبيـن عيوبـه لذولـي وذولــي
صبرك على ربعك علاج وتطابيـب=يقصـر حبـال السالفـه لاتطولـي
حتى مايلقا فـي طرفهـا مقاضيـب=كـراه خيـر وللمشاكـل ميـولـي
واليا بليت بتايـه شـره وصعيـب=يقول انا العـراف وانـت الجهولـي
قـل الله الله ياحصـان الاطالـيـب=يالفاهـم العالـم عطيـب الفعولـي
هذا الكلام اللي مافي صحتـه ريـب=لانيـب لاحولـك ولانتـاب حولـي
حصان وبن حصان طيـب مجاذيـب=وبالمعرفـه رجـل محلـي ودولـي
خله يروح يخطي الـدرب ويصيـب=يقول مابالنـاس عرضـي وطولـي
والفرق ماهـو باللحـى والاشانيـب=الفرق بين النـاس فـرق العقولـي
كم واحد تحسن به الظـن ويخيـب=السـن يضحـك والفـواد معلولـي
واللي غدت به كلمـة مالهـا غيـب=ماهو من اطيب ربعي اللي غود لـي
يالله عساها صيحة فـي قفـا ذيـب=وقلع النيـا بينـي وبينـه يحولـي
الرجل مايغصب على الطيب تغصيب=اليا صار ماهو دل ضمـن الدلولـي
ومن عادة اللي طيبه يحضر ويغيـب=لاطالـت الرفقـة زهـوق ملـولـي
واليا بلنـك غبـر الايـام بصحيـب=في مستوى طيبه صعـود ونزولـي
اعرف ترى الدنيا دروس وتجاريـب=والكامـل الله والنـقـا للرسـولـي
لاتصير مشـذاب يقـص العراقيـب=خلـه وراع الاولـه وش يقـولـي
اخذت حكمه مـن كـلام اللواعيـب=للطيـب نـاس وللعـذارى فحولـي
--------------------------------------------
التعديل الأخير تم بواسطة حمدان الجضعان ; 12-06-07 الساعة 11:58 PM |
| |
العرض العادي
