سلـوك خارج الأدب

اوصيك ياللي لك افكار تصرّفها = الهرج يبغى ملافي تقبل اللافي
ان قلت كلمه وعارض من يخالفها = احفظ كرامتك لاتهفي مع الهافي
لاتقول كلمه ومن يسمعك عايفها = بعض البشر هقوته يرقى الجبل حافي
اشوف لي عالم تفرض سوالفها = وكم جاهل ميقن انه خوش عرّافي
نفسه على مجادل اهل العرف عاسفها = في كل حاجه بهرجه يهرف اهرافي
وليا سمع سالفه لازم يحرفها = يبي ينير الفضا بسراجه الطافي
من سوء ادبها تعبث في هواتفها=وصط المجالس ولاتوفي ولاتافي
كنه له اسنين حافظها وعارفها = له صوت عالي ولكن البلاءخافي
اهل هروج السماجه ما تشرفها = مجالس بينها هالصنف تنعافي
ترى السمينه ليا سولف مسولفها = تبي لها مستمع لوكان عرافي
ماهو بشخص يغمّض ويتخطفها = ليا اعطاك صدغه وغمّض قلت ياكافي
وان جيت في ديرة فاطلع مشارفها = حتى تبين الامور ويصفي الصافي
الناس دايم هواها مع عواطفها = هذا نظام البشر من عصر الاسلافي
واكثر عيوب الملا مانته بكاشفها = وقليل اليوم من يوفي ويستافي
اوضح اشيا كثير الناس عارفها = على حسب ما عرفته والله الشافي

ـــــــــــــــــــــــــ ـــــــــــــــــــــــــ ــــــــــــــــــــ
مالقيت لها القصيده عنوان مناسب لكنها واقعيه
ارجو ان تنال استحسانكم ياعيال راشد وواحد ينقلها للديوان جزاه الله حير

انت شاعر عذب ياعلي شاعر متمكن تستطيع انت تملك جماهيريه جيده ومتابعين يكونون من خارج القبيله
دائماً عندما تكتب من قصائد تتميز بالافكار الراقيه وبالمفرده العذبه والالفاظ التصويريه الجميله
لااستطيع ان أقتبس بيت واحد لأنها قصيده كل ابياتها من الذهب صافي

والله ما الضاهر بقى شي ابن مطيع بسراحة قصيدة رائعة بكل ما تعنية الكلمة

صح السانك وعلا شانك
يا علي بن زيد

أخوي ابو زيد قصيدة جميلة وتتحدث عن واقع المجتمع هذه الأيام ..وأنا اقتبست لها عنوان من الشطر الأخير من البيت الأول [[ الهرج يبي له ملافي ]] .. فما رأيك ..

الشاعر/ على زيد الفريدي( ابوخالد ) صح السانك واتم الله

عليك صحته

ويكفيني أعجاب تثبيتها قلاده لهذا القسم وصح السانك

الشاعرالكبير

على زيد الفريدى

لا أجد ما أقول الا صح لسانك جزل مبدع


تقبل مرورى وتحياتي

صح لسانك وبيض الله وجهك

قصيدة ولااروع من روائع الشعر

ان اشهد انك ابدعت وتميزت في شعرك

فاسجل اعجابي بك

وتقبل تحياتي

صح لسانك ياشاعرنا الفاضل : علي بن زيد

قصيدة رائعة جدا وتعودنا منك الجزل والابداع

اضم صوتي لابو عبدالله عنوان رائع

صح لسانك يابو خالد

وماللجزل إلا أهله

وبيض الله وجهك على إضافتها للمجالس

صح لسانك وبيض الله وجهك


قصيدة جزلة من شاعر متمكن من كل ادوات الشعر

تشرفت بطلاعي على هذه الدرة الثمينة