فهد الفريدي ..الوقت

عجزنـا نقلـب مواجعنـا لعـل الحـظ يتبسـم =هموم الوقت واتعابه وغـلا الاسعـار والطفـره
كريم الوقـت بأجحافـه يسـوق المـر والعلقـم= بخيل الوقـت بأنصافـه سعادتـه دوم محتكـره
يتيـمٍ دمعتـه سالـت مــع الايــام يتـألـم= حزين وقوته الميـا وكسـرة خبـز مـع تمـره
يناظـر كـل مـن حولـه بيتكـلـم ومتلعـثـم= ينـادي يايبـه وينـك ؟ دوام المدرسـه بكـره
ولاحـدٍ بـه يواسـي حالتـه حتـى ولا يهتـم= وصدى صوته يجاوب صرخة آهاته مع الحسـره
يلملـم حزنـه ويسكـت وطـول الليـل ماتكلـم= يتوه ويشهق همومه يئـن بضيـق مـع زفـره
وكريـم الوقـت بظروفـه كثيـرٍ منـه متظلًـم= فقيـرٍ عزتـه نفسـه ولا يملـك سـوى صبـره
اجـار وقسـطٍ مطـوف وحالـه حالـة المعـدم= ديونٍ مثقله ظهـره ورعايـة بيـت مـع اسـره
يناظـر أول عيالـه متـى بيكبـر يشيـل الهـم= يورًث له من الدنيا شقـاه اللـي كسـر ظهـره
ترى رجـلآ بليـا مـال يسمـى سيـف متثلـم= يقوله ( علي ابن حمري ) في شطرٍ من قمم شعره
وغريـب الوقـت باحوالـه شبـابٍ راح يتنـدًم= شبـابٍ ضايـعٍ تايـه غرامـه ماركـة عطـره
يتـوه بضيعتـه لاهـي علـى الانغـام يتـرنـم= يبـذر مالـه بيـده ويهيـم بعالـم (السكـره
وعجيبٍ يا زمن حالـك نشـوف اوجيـه تتبسـم= وجيه من البشر لكن قلوب اقسى مـن الصخـره
هذي هي حالة التاجـر كثيـر المـال والاسهـم= يصيًف غرب (بالنمسا) ويميـل لجـو سومطـره
وختمت القاف وابياتـي واقـول الله بهـم= اعلـم لله فـي البشـر حكمـه عليـم ونافـذٍ امــره