كل رجل(ن) يذكّر في فعولـه=كـان هـي طيبـه ولاّ رديّـه

صباح الخير/مساء جميعا .. قصيده اعجبتني وحبيت انقلها لكم
وهي للشاعر الكبير احمد الناصر الشايع ,,,,,
___

واوجودي على مضنون عينـي=وجد من طاح وارهى به عدوّه
طاح من عقب ماطاحت ذلوله=وافقـوه اربعيـن بـوارديّـه
كل واحـد رمـاه بطلقتينـي=شاف ماله بهم حيل(ن) وقـوّه
لارفاقه ولا عـذر(ن) يقولـه=سلّم امـره للخـلاّق البريّـه
لارساله ولا خـط(ن) يجينـي=انتحى واختلـف نـوّي ونـوّه
اتمنـى وانـا مانيـب حولـه=راح يـم الديـار الاجنبـيّـه
هل دمعي وجـرّح وجنتينـي=صار مالي على خلي اجـروّه
كن دون الغضي عشرين دوله=واحـلالاه دام النفـس حيّـه
ليتها بين اهل خلـي وبينـي=كان اخاطر بروحـي واتفـوّه
كل رجل(ن) يذكّر في فعولـه=كـان هـي طيبـه ولاّ رديّـه
من عيونه طعنّـي حربتينـي=صوبن اسفل القلـب وعلـوّه
وين انا والحيـاه الله يهولـه=ويش يبري الجروح اللي خفيّه
في حياتي جرحنـي مرتينـي=جرح كامي وجرح(ن) منه توّه
جرح توه وجرح(ن) حال حوله=واهنـي المعافـى واهنـيّـه
ألتفت من يسارومـن يمينـي=وازهم اهل الحميّـه والمـروّه
لو يصيح المصيّح ماعنو لـه=كيف راحت من الناس الحميّه
كن عوده مثل عود الردينـي=في يد الفارس الظفر المفـوّه
مابعد شفت زول(ن) مثل زوله=من عرفته وانا عينـي شقيّـه
كان قلبك على الفرقـا متينـي=سوّبي ماتبـي يازيـن سـوّه
كل كبد(ن) من الحب مغسوله=مالها بالهـوى شـف ونحيّـه

يسعد مساكــ يابن مطيع، قصيدة رائعه صح لسان الشاعر،

وتسلم يمناكــ على الاختيار الرائع.

صح لسان الشاعر الكبير احمد الناصر
وقصيدة رائعه جدا تحمل معاني عديده
"

وتسلم يمين ناقلها

صح السان الشاعر وسلمت ايداك على النقل

ولاختيار الجميل

نعم كل رجل يعرف بأفعالة لا بأقولة

تقبل مروري وشكري لك

عايض ..المشتاق.. فريدي
لكم مني كل التقدير والمحبه على المرور الرائع وتواجدكم ونشاطكم الرائع
سلاااااااااااااااام