|
كل رجل(ن) يذكّر في فعولـه=كـان هـي طيبـه ولاّ رديّـه صباح الخير/مساء جميعا .. قصيده اعجبتني وحبيت انقلها لكم وهي للشاعر الكبير احمد الناصر الشايع ,,,,, ___ واوجودي على مضنون عينـي=وجد من طاح وارهى به عدوّه طاح من عقب ماطاحت ذلوله=وافقـوه اربعيـن بـوارديّـه كل واحـد رمـاه بطلقتينـي=شاف ماله بهم حيل(ن) وقـوّه لارفاقه ولا عـذر(ن) يقولـه=سلّم امـره للخـلاّق البريّـه لارساله ولا خـط(ن) يجينـي=انتحى واختلـف نـوّي ونـوّه اتمنـى وانـا مانيـب حولـه=راح يـم الديـار الاجنبـيّـه هل دمعي وجـرّح وجنتينـي=صار مالي على خلي اجـروّه كن دون الغضي عشرين دوله=واحـلالاه دام النفـس حيّـه ليتها بين اهل خلـي وبينـي=كان اخاطر بروحـي واتفـوّه كل رجل(ن) يذكّر في فعولـه=كـان هـي طيبـه ولاّ رديّـه من عيونه طعنّـي حربتينـي=صوبن اسفل القلـب وعلـوّه وين انا والحيـاه الله يهولـه=ويش يبري الجروح اللي خفيّه في حياتي جرحنـي مرتينـي=جرح كامي وجرح(ن) منه توّه جرح توه وجرح(ن) حال حوله=واهنـي المعافـى واهنـيّـه ألتفت من يسارومـن يمينـي=وازهم اهل الحميّـه والمـروّه لو يصيح المصيّح ماعنو لـه=كيف راحت من الناس الحميّه كن عوده مثل عود الردينـي=في يد الفارس الظفر المفـوّه مابعد شفت زول(ن) مثل زوله=من عرفته وانا عينـي شقيّـه كان قلبك على الفرقـا متينـي=سوّبي ماتبـي يازيـن سـوّه كل كبد(ن) من الحب مغسوله=مالها بالهـوى شـف ونحيّـه |
رد: كل رجل(ن) يذكّر في فعولـه=كـان هـي طيبـه ولاّ رديّـه يسعد مساكــ يابن مطيع، قصيدة رائعه صح لسان الشاعر، وتسلم يمناكــ على الاختيار الرائع. |
رد: كل رجل(ن) يذكّر في فعولـه=كـان هـي طيبـه ولاّ رديّـه صح لسان الشاعر الكبير احمد الناصر وقصيدة رائعه جدا تحمل معاني عديده " وتسلم يمين ناقلها |
رد: كل رجل(ن) يذكّر في فعولـه=كـان هـي طيبـه ولاّ رديّـه صح السان الشاعر وسلمت ايداك على النقل ولاختيار الجميل نعم كل رجل يعرف بأفعالة لا بأقولة تقبل مروري وشكري لك |
رد: كل رجل(ن) يذكّر في فعولـه=كـان هـي طيبـه ولاّ رديّـه عايض ..المشتاق.. فريدي لكم مني كل التقدير والمحبه على المرور الرائع وتواجدكم ونشاطكم الرائع سلاااااااااااااااام |
| الساعة الآن 05:37 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir