يقولون ما للعبد بد عن المقسـوم

يقولون ما للعبد بد عن المقســــــوم =وأنا أقول صح ويقنع العبد مقسومـــــــــه
عسى الله يعين اللي توافد عليه إهمــــــوم = هموم تخلي طبلة الراس منجومــــــــه
ترى والله انه مايكدر عليك النـــــــــوم = سوى كلمة من بعض الاصحاب مسمومه
إليا جت من الغالين وإلا الرخوم رخــــــــــــوم = ولا أمحق من الغالي إليا شانت علومـــه
ضعاف الروابع تبتلش والقروم تشـــــــوم = ولاهي بلا شيمة ٍ من الشيم مليومــــه
ولا أزين من القاع الخلى والوجيه سلــــــــوم =ولا رفقة بعد طول الايام ملغومـــــه
ولا ألذ من عشرة شريف من أقصى القــــــوم = يبادلك فعل الطيب معناه وسلومـــــه
ولا شفت في جو الصداقه غبش وغيــــــوم = عطيت الدروب اللي مع الارض مرسومـه
ولا مثل عز النفس لو مامعك مطعــــــوم = وعن أهل الشماته خل الاسرار مكتومــه
معي لو سمحت شوي عقب عداك اللــــــوم = أبعطيك عن بعض الرجاجيل معلومـــــــه
ترى اللاش لو وقف معك في حياته يـــــــــــوم = تشوف الردى متبين فيه من يومـــــــه
وأنا أقول لو إن في وجيه الرخوم وســـــــوم = عرفنا نميز قيمة النذل بوسومــــــــه
علشان نجلس مع رجال الوفى و نقــــــوم = ونبعد من اللي عند الاجواد مذمومـــــــــه
وأنا أسمع مع أهل التجربة في الحياة علوم =بعضها صحيح وبعض الاخبار موهومـه
يقولون وكر الحر ما يعتليه البـــــوم =وأنا شوف عيني وكر حر تحت بومــــه

مما راق لي

هلا هلا كبيــــــــــر يا ابو يارا
هذا الشعر وهذا الأختيار لو كان في وسام الذوق الشعري لاكان منصيبك
صح بدنك وصح السان الشاعر
اقبلني تلميذاَ معك لكي استفيد من أختيارك
في الشــــــعـــــــــــر
وبيض الله وجهك

صح السانك

وقصيده رائعه تتحدث وتفسر معاني عده بالرياجيل







صح السانك
وقصيده جزله بمعنى الكلمه وبدون مجامله

تقبل وافر التحايا

صح لسان الشاعر
حكمها وامثلتها
واقع موؤلم
مشكور على النقل

صح السانك وعلا شانك
شاعرنا الكبير منصور الوسوس

ابدااااع فوق حدود الابداااع

	ترى والله انه مايكدر عليك النـــــــــوم = سوى كلمة من بعض الاصحاب مسمومه

عجبني