مجالس الفرده - يقولون ما للعبد بد عن المقسـوم

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - يقولون ما للعبد بد عن المقسـوم (http://www.alfredah.net/forum/threads/alfredah17699/)

يقولون ما للعبد بد عن المقسـوم

يقولون ما للعبد بد عن المقســــــوم =وأنا أقول صح ويقنع العبد مقسومـــــــــه
عسى الله يعين اللي توافد عليه إهمــــــوم = هموم تخلي طبلة الراس منجومــــــــه
ترى والله انه مايكدر عليك النـــــــــوم = سوى كلمة من بعض الاصحاب مسمومه
إليا جت من الغالين وإلا الرخوم رخــــــــــــوم = ولا أمحق من الغالي إليا شانت علومـــه
ضعاف الروابع تبتلش والقروم تشـــــــوم = ولاهي بلا شيمة ٍ من الشيم مليومــــه
ولا أزين من القاع الخلى والوجيه سلــــــــوم =ولا رفقة بعد طول الايام ملغومـــــه
ولا ألذ من عشرة شريف من أقصى القــــــوم = يبادلك فعل الطيب معناه وسلومـــــه
ولا شفت في جو الصداقه غبش وغيــــــوم = عطيت الدروب اللي مع الارض مرسومـه
ولا مثل عز النفس لو مامعك مطعــــــوم = وعن أهل الشماته خل الاسرار مكتومــه
معي لو سمحت شوي عقب عداك اللــــــوم = أبعطيك عن بعض الرجاجيل معلومـــــــه
ترى اللاش لو وقف معك في حياته يـــــــــــوم = تشوف الردى متبين فيه من يومـــــــه
وأنا أقول لو إن في وجيه الرخوم وســـــــوم = عرفنا نميز قيمة النذل بوسومــــــــه
علشان نجلس مع رجال الوفى و نقــــــوم = ونبعد من اللي عند الاجواد مذمومـــــــــه
وأنا أسمع مع أهل التجربة في الحياة علوم =بعضها صحيح وبعض الاخبار موهومـه
يقولون وكر الحر ما يعتليه البـــــوم =وأنا شوف عيني وكر حر تحت بومــــه

مما راق لي