ديوانية مجالس الفرده .

المشاركة الأصلية كتبت بواسطة mazel alfreidy

صباح الخير للموجودين

صح لسانك ابو عمر على هذه القصيدة الرائعة

والحمد لله على سلامتك ورجعتك من الشرقية

ودائما مبدع في حضورك وشعرك ونحن فخورين بك

وها هي الديوانية تعيش اوقات رائعة مع الشعر الجميل

.................................................. ..................

اهلا بك ابو عبدالعزيز

والحمد لله على سلامتك ورجعتك من الرحلة الجميلة

والبدو هذه عاداتهم الكرم والطيب والعلوم الزينة

وهاهنا يرجع الابداع برجوع شعرائنا الكرام

واخواننا من اجازاتهم القصيرة

ولكن ابو راكان طول الغيبة شكله استنانس في سوريا

الله يرجعه بالاسلامه ويعطينا اخباره واخبار رحلته

الف شكر على الاطراء وتستاهل غزليه هاليومين


ذيبان طول فعلا اكيد يبي يجيب حلويات شاميه وزيت زيتون وصور عن الرحله


لاتعجلون تقل شام خبر الصبر زين والغيب حجته معه

صباح الخير للموجودين

اهلا بك ابو عمر

وانا بانتظار الغزلية منك

وانت قدها وقدودها


............................................


يعني نقول ان ابو راكان بجيب معه حلويات شاميه وووووووو

واهم شئ نبي منه صوور لرحلته الشامية

مساء الخير للموجودين

مالي ارى الديوانية خالية على عروشها

وهي التي تكتست من شعرائنا الكثير من القصائد

ممكن نعذر البعض لمشاغله وممكن لانعذر الاخر

اما انه يتغلى علينا او انه في خاطره اشياء مخفيها

ابنتظار الوعود ولاخبار

هلا هلا مزعل حياك الله ..
والله ياولدي الخرج فاضي ...وطلبات هالورعان ودوجة المكتبات دوخت الراس ......
لكن شب النار وخل الديوانيه مفتوحه واللي يشوف النار يجي مسيار (هاااااااه ماهو مسيار زواج)
لكن والله علينا براد هاليومين والعباه بعناها ... ضحك علينا دفا الايام السابقه .. ولا درينا الا
الثلوج والامطار على الشمال وبسرعه وصلنا بردها وصرنا في بيات شتوي ....
والربع اصبر عليهم شوي حتى يسخنون ...
وعسى علومك زينه ...طمنا
والسلام
..........

مساء الخير للموجودين

اهلا بك ابو عبد العزيز

انت دائما منورنا بحضورك الدائم واشراقتك الحلوة

وابداعاتك المتميزة في الديوانية

والله يعينكم على البرد هاليومين

ويعينك على طلبات الاولاد والعائلة

وان شاء الله نشوف الربع قريبا بحضورهم بعد الغيبة

حتى ابو عمر وعدنا بقصيدة غزلية

ولكن غاب ولم يرد علينا ياجعله خير

انا بلاي سعود يوم أحرق العود = ريحه يذكرني حسين الدلالي
أدري حداك الطيب يامنبع الجود = ورث (ن) وعاده ياكريم السبالي
والله لولا الجودلاأقول مقصود = أنت الوحيد اللي عرف وش جرالي
تراء الصخاء دايم يحدك على الكود = وبعض البشر عليه صعب المنالي
مريت بيته وأرسله يمي النود = يشبه لطيبك بس ماهو قبالي
وأحاول أسلا باذلن كل مجهود = أغديني أمسح صورته من خيالي
وارجع أدور شئ ضائع ومفقود = وفجئه يجي المفقود خلي إبالي
ولاكل من ودعت في بالك يعود = ياشين فرقا من على البال غالي
وأدري على فرقاي غصب(ن) ومحدود = وهويدري أن البعد فوق احتمالي

القصيده أطول من ذلك

ابو عمر ملح البحر كش جلده=من عقب ماهو ليّنٍ صار تمساح
مايحس لو يجلد ثمانين جلده=لو ما وطى حدٍّ ولا ماه ضحضاح
يامن يوصلني لورشات خلده=نبي نجدد له مسامير والواح

.....
وتراي بوجيهكم ياعيال راشد

المشاركة الأصلية كتبت بواسطة خلف الفريد

ابو عمر ملح البحر كش جلده=من عقب ماهو ليّنٍ صار تمساح
مايحس لو يجلد ثمانين جلده=لو ما وطى حدٍّ ولا ماه ضحضاح
يامن يوصلني لورشات خلده=نبي نجدد له مسامير والواح

.....
وتراي بوجيهكم ياعيال راشد

العود هذا كل شئ يعده = عنده كلام وخاطر العود ما !!أرتاح
يوم(ن)شبيه الزير ماأحد(ن) بقده = ويوم(ن) من الذله مثل زول وضاح
لكن حشمت العود من شان جده = من شأن راشد سمها كلها أمزاح

مساء الخير للموجودين ولشعرائنا الكرام

صح لسانك ابو عمر وبيض الله وجهك على هذه القصيدة الغزلية

وعدت ووفيت وماقصرت

.............................

ابو عبدالعزيز

هذه القصيدة كلها علشان تحليقة ابو عمر لك وانت نايم

من جد ناويلك على نيه والله يستر عليك

وتتجدد الاحداث والمساجلات بين الشاعرين الكبيرين

في هذه الديوانية العامرة باهلها

بداية من الحلاق الى الجلاد الى ..............

وننتظر الاحداث القادمه

المشاركة رقم (100)

مبروك لاخي الغالي مزعل على هذا النجاح للديوانية

وقد احضرت معي هدايا قيمة من سوريا

والاخ ابو عمر الجضعان هو المسؤول عن التوزيع

كل يوم بعد صلاة العصر في مجلسة العامر في مدينة بريدة

والهدايا اللي جبتها من الشام سوف يكون هو مسؤول ومشرف على التوزيع !!

وتصرف بها على كيفك ابو عمر !!!


وهذه عينات ...

وشكرا اخي ابو عمر وربي يسلم ايديك

وهدايا المشرفين تم عرضها في مشاركة الوسوس في مجلس المشرفين



والسلام عليكم