|
ديوانية مجالس الفرده . السلام عليكم ورحمة الله وبركاته حرصا مني على تواصلكم حبيت انشئ هذا الموضووع وهو مبين من عنوانه .. ديوانية مجالس الفرده والكل يعرف وش معنى الديوانيه !! وهي الاعضاء اللذين يكونون متواجدين ممكن يسولفوا مع بعض هنا يتبادلون اطراف الحديت والضحك وتبادل الخبرات وكسب المعارف .. واخبار المناطق والاحداث الهامه .. نتبادل الشعر والقوافي والالغاز ....... يعني ندردش سوااء ...... اتمنى ان لايجهل هذا الموضووع . واتمنى من الجميع المشاركة والتفاعل . |
رد: ديوانية مجالس الفردة . ارحبووووووووووووووووووووو ووووو والله ونورت ديوانية مجالس الفردة باهلها |
رد: ديوانية مجالس الفردة . ابو راكان وينك مختفي لك كم يوم عساه خير ان شاء الله يالغالي |
رد: ديوانية مجالس الفردة . وينكم يالفردة لاخبر ولاحس وش اخباركم وش علومكم مافيه احد يرد علينا ؟؟؟؟ !!!! |
رد: ديوانية مجالس الفردة . هلا وغلا حياك الله تو الموضوع جديد يبي له فترة |
رد: ديوانية مجالس الفردة . هلا مزعل شكرا لسؤالك انا منذ عشرة ايام بالاردن وكنت ادخل واخرج للاطمئنان عليكم فقط لاغير وامس بالليل دخلت للمملكه مشروع جيد ومطلوب بالحاح ونورت الديونيه يا ابن حماد ,,, حياك الله يا زيد عطنا شوي شرح يا ابن هدمول عن الديونيه |
رد: ديوانية مجالس الفردة . هلا ابور اكان والحمد لله على السلامة |
رد: ديوانية مجالس الفردة . الحمد لله على سلامتك والله نورت المنتدى ولك وحشه اما بالنسبة لديوانية يابو راكان هي مثل ماذكرت سابقا اخذ اخبار الفردة مثل خبر سفرك هذا وغيره من الاخبار واخبار المناطق والدردشة والوناسة وتبادل الاشعار والالغاز وغيرها وكذلك التعارف اكثر على بعض وهذا هو المطلوب واشكر اخوي زيد بن حماد الذي نور الديوانية بحضوره واتمنى من جميع الاعضاء المشاركة في هذه الديوانية |
رد: ديوانية مجالس الفردة . اليوم الجمعة تقبل الله طاعتكم ... الجو عندنا بالقريات ,, روعه والشمس ساطعه والسماء صافيه وغدا ان شاء الله اخر ايام مربعانية الشمال وقد كانت مربعانية ناشفه الله يجيب الخير والسيل وبعد المربعانيه ياتي ( سعد الذابح ) ويتميز بالبرد الشديد ومدتة 12 يوم ونص وقالوا العرب سابقا ( سعد الذابح ما يخلي كلب نابح ) من شدة برودته وياتي بعدة ( سعد بلع ) 12 يوم ونص اي ان الارض تبلع اي كمية ماء تاتي من السماء باذن الله وبعدة ( سعد السعود) 12 يوم ونص قالت العرب ( سعد السعود تجري المية بالعود ... اي تبداء الاشجار بالنوار وبعده (سعد الخبايا ) 12 يوم ونص ( تخرج الحيايا والديبان من خباياها ) ويبداء به فصل الربيع ,, ترى ان مجموع الايام اصبح 50 يوم وهي (الخمسينية ) الله كريم !!! واليوم ::: اتصلت مع الاخ عوض هدمول وباركت له بالمولوده الجديده وحجزناها !!! ويقول الحمد لله انه طيب ووالده ايضا والربع كلهم بالخصيبة ,, كذلك كلمني الشيخ سعد المحارب الوسوس (رئيس مركز اوثال ) :: وسمعت صوته واخذت اخباره التي سرتنا هذي اخبارنا ,,, الله لايبدل علينا الا للاحسن واياكم مشكور مزعل على هذا السبق بالديونيه |
رد: ديوانية مجالس الفردة . مازن الفريدي فكره ممتاز جدا جدا تشكر عليها وتشكر على جهودك ابو راكان الحمدلله على السلامه اما أخبارنا الخميس والجمعه مكشات يحبه قلبك مع شباب نشاما شرواكم يم الرفيعه وهك الديار ربيع يفتح النفس وشبة نار وهبة ريح البل تشبع والحليب واجد بس عيبه ان بعضهم اذا رويت حليب قال شوفو الخيمة فيها الصميل هننناك كان معكم جركل عبوه بس مخربه طعم الدباغ ههههه اما الزبيدي لم نبحث عنه بس فيه فيضه مريناها لقينا فيها ناس يلقطون زبيدي معهم كيس فيه حول 10 زبيديات كما حمر صغير شوي حجم التمرة السكريه قال لنا واحد منهم لا تدورون حنا لنا ساعة تعبنا الغنم حايستن الارض لذالك ما دورنا0 اليوم الصبح جانا مطر رشاش خفيف استمر حوالي ساعة لزمنا الخيمه لين كف المطر وشلنا خيمتنا وتوكلنا على الله الخميس اللي فات كشتنا للصمان كمان مكشات يحبه قلبك وخاصتن فيضة حسنا السبق الله الله كما يقال تسحب اللحمة على الارض ما تترب0 والمعذره فيه صور بس ما اعرف انزلها تحياتي للجميع هذي أخبارنا |
| الساعة الآن 09:49 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir