|
الصـدر ممحـل غـرام .. ومرتـوي صـدّهوالعيـن غصـن السهـر فيهـا ثنـى عـوده |
لـولاي رجـل ٍ محـد وايــق عـلـى ســدّهفضحني الشوق فـي باسـه ومجهـوده !! |
أدلّــه الـبـال بـيــن الـضـيـق والـشــدّهالـوقــت دوّار .. والأعـمــار مــحــدوده |
لــو كــل واحــد يـجــي ودّه عـلــى ودّهماطال صبر العقيـم لشـوف مولـوده !! |
راعـي القناعـه ليـا مــن الـزمـن حــدّهيرضـى بـحـظ ٍ ذخــر جــوده ومـاجـوده |
يابـيـض الأحــلام لاتمسـيـن مـسـودّه !!بشايـرك فـي نـواصـي الخـيـر معـقـوده |
حـي الله اللـي عليـه القلـب مـن مــدّهكـنّـه سـحــاب ٍ يـمــد يـديــه لـلـسـوده |
أبـطـى وحــس الضـلـوع يـقـول لابـــدّهرجله على الدرب !! وعيونه على العوده |
إيّ بالله أقبـل جفـول الريـم مـن قــدّهيشـيـل روض الـجـمـال بـكـامـل وروده |
كنّـه بيـجـزم ولْــه !! وأنــا عـلـى حــدّهوأغضيت شوفي يمين شوي .. ياكوده .. |
.. إلـيـا تمثـنـى قـفـص صــدري ولا ردّهما ياخذ القلب في رمحين من سـوده !! |
اللـي قلـوب أكـثـر العـشّـاق فــي يــدّهتسـعـى لغايـاتـه .. وتطّـمـح لمقـصـوده |
لـو كـان ماهيـب ورث ابـوه عــن جــدّهلكـنّـهـا كـســب حـجـانـه وعـنـقـوده !! |
سلمـتـه الــروح وأغليـتـه عـلـى الـبــدّهيرعـا مفالـي حشـاي .. ويــارد عــدوده |
مـن كثـر مــا أتــوق لــه وأغلـيـه وأودّهتنقص مقامات بعـض النـاس مـن زوده |
علـيـه الأشـــواق .. مـحـتـرّه ومـبــردّهويلـي علـى نفحـة النسنـاس مـن نـوده |
ما والله أقسى على العاشق من الصدّهالا أن كـبـده بـحــد الـمــوس مـقــدوده |
لكـنّـه العـشـق لامــن زاد عـــن حـــدّهيـاكـثـر مـايـاخـذ !! ويـاقــل مــــردوده |
أن حطّـك براسـه .. ونـواك مــن جــدّهمايحتـرم نفـسـه !! ولايمـسـك حــدوده |
فيه التناقض وجمـع الضـد مـع ضـدّه !!حاجـات معدومـه .. وحاجـات مـوجـوده |
الله عطا (السوده) اللي ماعطـا (جـدّه)والله عطا (جدّه) اللي ماعطا (السـوده) |
|