آخر 15 مواضيع : كتاب وصفات منال العالم           »          كتاب شهيوات شميشة           »          كتاب أطباق النخبة أمل الجهيمي           »          كتاب مقبلات و مملحات-رشيدة أمهاوش           »          شيلة (صدقيني ) للشاعر/ مبارك سالم المصلح الحربي ( ابن دهيم...           »          شيلة حرب(طالب من رفيع العرش)للشاعرسالم بن علي المصلح الحربي...           »          شيلة (احبك ) للشاعر/ مبارك سالم المصلح الحربي ( ابن دهيم...           »          اجتماع عائله الدغاشمه من فرده من حرب في ملتقاهم السنوي...           »          اجتماع الملسان السنوي الثالث للعام 1438           »          تغطية / اجتماع الدبلان السنوي لعام ١٤٣٨هـ           »          لجنة التنمية الاجتماعية في خصيبة تقيم فعاليات رمضانية...           »          لجنة التنمية الأهلية في خصيّبة توافق على إقامة ملتقى...           »          الشاعر/مبارك بن سالم المصلح الحربي ( ابن دهيم )قصيدة ( حرب )           »          تغطية زواج الشاب: خالد بن عفتان بن زويد الفريدي           »          قصيدة الشاعر/ نايف بادي طليحان المخرشي ورد الشاعر/عبدالله...




ديوان لافي الغيداني


موضوع مغلق
 
LinkBack أدوات الموضوع انواع عرض الموضوع
قديم 11-05-08, 08:27 AM   المشاركة رقم: 1
المعلومات
الكاتب:
اللقب:
عضو مؤسس و اداري سابق
الرتبة:
الصورة الرمزية
 
الصورة الرمزية عبدالله بن غنام

البيانات
التسجيل: Mar 2007
العضوية: 16
الاقامة: مجــالس الفــردة
المواضيع: 237
الردود: 2690
جميع المشاركات: 2,927 [+]
بمعدل : 0.63 يوميا
تلقى »  7 اعجاب
ارسل »  12 اعجاب
اخر زياره : [+]
معدل التقييم:
نقاط التقييم: 120

التوقيت

الإتصالات
الحالة:
عبدالله بن غنام غير متصل
وسائل الإتصال:

المنتدى : دواويـــن
افتراضي ديوان لافي الغيداني

ديوان لافي حمود


يامكثرين الهرج لااسمـع ولااجيـب =تريحوا من فضلكـم واسمحـوا لـي
تريحـوا لاتلحـقـون المشاهـيـب =على الردى مانـي شفـوق عجولـي
بالعقل والصبر ادب النفـس تاديـب =والا لهـا مـده تصـول وتجـولـي
خلج ترازم فـي سيـاج المحاديـب =مافيهـن اللـي بالعقـال معقـولـي
اشد وطية زور مـن شمـخ النيـب =اليا ضاع مفعو ل الحيـل والحلولـي
انـا لاقلـت ارتـب القـول ترتيـب=حتى يجـي كـي علـى فـك قولـي
اليا ارسلت لافكار القريحـه مناديـب=ترايعن مـن عقـب ماهـن جفولـي
لكن مالـي مـن وراهـا مكاسيـب =لو كان عشاق القشـر صفقـوا لـي
مامستفيـد الا العـدو والاجانـيـب =ولانـي مطيـع مقرقعيـن الطبولـي
خليتهـا تعطـي فجـوج مجاديـب =جربا تجـود فـي رسنهـا مهبولـي
والله لااجنـب دام لـي درب تجنيـب=من شرهة حشام الرفاقـه خجولـي
لـو انهـا بيـن النحـر والتلابيـب =من الحيا وجهـي مهـوب مغسولـي
طبـع لنـا نشـب عليـه ونشيـب =وطبيـعـةٍ لعـلـهـا مـاتـزولـي
على الجماعه للجماعـه مواجيـب=الا جهلـوا قـدر الرفيـق الهتولـي
ماني على ربعي قريـب محاضيـب =ادنـاة مايخلينـي اسـرج خيـولـي
ان جات من طيب شقاها على الطيب =لو انها اعوج مـن رقبـة الذلولـي
وان جات من مسكين منطق واساليب =حطيتهـا بيـن الثـرى والنعـولـي
لاحركـت شعـره ولاطلعـت شيـب =ولاضيقت صـدري ولاطـق جولـي
وان كان في صبري على ميلهم عيب=العيب تفتيـش الصـرر والحثولـي
لاقمت تذكر فـي رفيقـك عذاريـب =وتبيـن عيوبـه لذولـي وذولــي
صبرك على ربعك عـلاج وتطابيـب=يقصـر حبـال السالفـه لاتطـولـي
حتى مايلقا فـي طرفهـا مقاضيـب=كـراه خيـر وللمشاكـل ميـولـي
واليا بليـت بتايـه شـره وصعيـب =يقول انا العـراف وانـت الجهولـي
قـل الله الله ياحصـان الاطالـيـب =يالفاهـم العالـم عطيـب الفعولـي
هذا الكلام اللي مافي صحتـه ريـب=لانيـب لاحولـك ولانتـاب حـولـي
حصان وبن حصان طيـب مجاذيـب=وبالمعرفـه رجـل محلـي ودولـي
خله يروح يخطي الـدرب ويصيـب=يقول مابالنـاس عرضـي وطولـي
والفرق ماهو باللحـى والاشانيـب=الفرق بين النـاس فـرق العقولـي
كم واحد تحسن بـه الظـن ويخيـب=السـن يضحـك والفـواد معلولـي
واللي غدت به كلمة مالهـا غيـب =ماهو من اطيب ربعي اللي غود لـي
يالله عساها صيحة فـي قفـا ذيـب =وقلـع النيـا بينـي وبينـه يحولـي
الرجل مايغصب على الطيب تغصيـب=اليا صار ماهو دل ضمـن الدلولـي
ومن عادة اللي طيبه يحضر ويغيـب =لاطالـت الرفقـة زهـوق ملـولـي
واليا بلنـك غبـر الايـام بصحيـب =في مستوى طيبـه صعـود ونزولـي
اعرف ترى الدنيا دروس وتجاريـب=والكامـل الله والنـقـا للرسـولـي
لاتصير مشـذاب يقـص العراقيـب =خلـه وراع الاولــه وش يقـولـي
اخذت حكمه مـن كـلام اللواعيـب =للطيـب نـاس وللعـذارى فحولـي


تنفعني المره على بيت أهـل نـوف=لو كان مالي عند أهل نـوف حاجـه
الجـادل اللـي لافنـي حبهـالـوف=لوف الهشيم اللـي تلوفـه عجاجـه
ماارتاح لين اشوفها بالنظـر شـوف=واخذ علـى بيـت الحبيـب إدراجـه
اروح قلبي من صخر ماأعرف الخوف=ويبدي عليّ الخوف حيـن إنتواجـه
لا شفتها جاني عن الهرج صـادوف=مغير أهز الـراس مثـل "الخواجـه"

وقال في الشيخ عليان الطهيمي الفريدي :


ياراكـب اللـي لياناظـرت تمثـالـه=تقول صقر ٍ موقـع لـه علـى قمـه
متنطـح ٍ للبـراد بــراس منـزالـه=تشتت الريـح شمـل الريـش وتلمـه
فاكسار .. في قيمته زود ٍ على امثالـه=لله دره لاشــال الـعـزم بمهـمـه
مايصير له وسق عرق الرمل محبالـه=عدو عـرق النفـود وهمـه وغمـه
صـدره ليامـن سـواقـه تسـاوالـه=يشرب قراطيع صلـف الريـح وتزمـه
راعيـه حـرك وهـو متريـح ٍ بالـه=متروح ٍ من بني عمـه لابـن عمـه
يسوقه الشوق من رجله الـى عقالـه=لشوف جمعـا رجـال ٍ مابهـم خمـه
من ديرة اهل النقا .. والطيب .. والطاله=والمذهب الزين .. والتوحيد .. والعمـه
شيبانها رمـز وقـت ٍ فـات وابطالـه=وشبابها للعـلا فـي روسهـم همـه
على طرفهـا خـزاز يميـل اضلالـه=قبل يحط الظـلام الشمـس فـي كمـه
لو مابهـا غيـر هاكالضلـع وجبالـه=نحبهـا كلنـا حـب الـولـد لامــه
( دخنه ) لعل السحاب يصـب همالـه=على ارضها لين يطلع كـل ماتضمـه
منها مشى الجيب لعـل السعـد فالـه=متيمـم ٍ يـمـة ٍ ماغيـرهـا يـمـه
منصاه رجل ٍ تهـرج النـاس بافعالـه=تبذل يمينـه .. وكثـر البـذل ماهمـه
من روس قوم ٍ تهوم الطيـب وتنالـه=ماينكـر امجادهـا رجـل معـه ذمـه
حرب الحرايـب كعـام اللـي يورالـه=بنفسه انـه مصمصـم راس ومطمـه
اهل المحازم .. بيوم ٍ تعـرف رجالـه=ومنصا الوازم .. وسقم العايل وسمـه
قلته .. وللمجد بـس لربعـي لحالـه=كـل ٍ حبالـه موردتـه علـى الجمـه
مابه قبيلـه ماهـي بالطيـب مختالـه=غصب ٍ على كل متبجـح .. ودرعمـه
وقصدي .. ومنصاي ابو فواز وعيالـه=وبيت ٍ بوسطه قبايـل حـرب ملتمـه
يضك بالناس مـن جالـه الـى جالـه=يطـري علـي لياشفتـه وادي الرمـه
تنطحك ريحة شذى هيلـه .. وفنجالـه=والعود الازرق منـه ينطحـك وتشمـه
نارد صناياه .. ونصـدر علـى دلالـه=ولاهوب جوع وعطش يوم انعنـا يمـه
كل ٍ غني .. ميـر يـوم انـا انتعنالـه=دافـع حميـاً تفـوح بكـل جمجـمـه
يستاهل المال رجـل ٍ هـذي اعمالـه=نفسه بمايزود نفسـه طيـب مهتمـه
يفداه مغلـول يمنـاً لـو كثـر مالـه=عن شنحة الطيب وجهه بـارد ٍ دمـه
اللي على قـول زيـد صحيبـه ريالـه=وان طاب طيبه من الزوجه الى العمـه
يالله عسى اللي شال اطيب منه يشتاله=يدلـي مخاليبـه زويـان .. ويخمـه
رجـل ٍ يدنـق عـن العليـا ولا يالـه=للطيب .. والدرب قدمـه فاتـح ٍ فمـه
ودك مـن بعيـد وقـريـب تحمـالـه=بمخمس ٍ مـن شحمـة الاذن للرمـه
وعن هالكلام .. وقصير الهرج واطواله=ياكثر بكم الزمـان .. وياكثـر صمـه
يقولـه اللـي تهمـه صحـة اقوالـه=ويسعى يوصل هـدف معنـاه ويتمـه
وصلو علـى المصطفـى نبينـا وآلـه=محمـد اللـي بعـث برسالـة الامـه

هذه القصيده وهي بعد فوز الطهيمي واعلان النتائج

الحقيقـه يـابـو فــواز وبـكـل افتـخـار=كـل فرحـه عـارمـه للـسـدود مبـوحـه
الـف مبـروك النتيجـه وحسـن الاختـيـار=وجايزة وضح ٍ من الغيـض جـات مشوحـه
جـات عقـب العـام تبغـى تـرد الاعتـبـار=ماحـلا الفاحـج علـى فخـذ كـل مـدوحـه
وسم .. وشعار اهل الارماح .. والشلف القصار=والضروب اللـي بـروس الخصـوم مجوحـه
مثل مالجيش الامريكـي بطـش فـي قندهـار=ابطشـت بـارض المزايـن تقـل متسـوحـه
كنهـا تبـا تحـب السمـا كـبـر ووقــار=مـن ثقتهـا بزينهـا بالجمـيـع مطـوحـه
مثل فاكسارات موكـب حـدا طـوال العمـار=يـوم جـت للعـرض امـام الاميـر مروحـه
استحقـت جايزتهـا جهـار مــن النـهـار=وتوجـت .. وكبـود حسـاد اهلهـا مفوحـه
واحـد ٍ قـال انهـا مغيضـه العـام استخـار=والله ان الـعـام هــذا لقبـهـا منـوحـه


راكب اللي سرعته تقل شقٍ من سمـا=ادعجٍ كنه يبا يقـول شـي ومستحـي
جيب لاند كروز وجهه تقل وجه اطخما=من غلا سعره بعيدٍ على بعض اللحـي
كن جلده لامشـا جلّـد همـال دهمـا=سيلها جريه لحا طرف الـوادي لحـي
وان مشا على هوينه .. تقل مشية عما=يتقدا يوم يمشي علـى حـروة وحـي
منوة اللي شابعٍ جوع .. رويانٍ ظمـا=جائعٍ ظامي على شوف غروٍ منتحـي
كل مايزمي خياله على بالـي .. زمـا=هم قلبي .. والمشاريه تنحانـي نحـي
يامروجت الحكي ماش سن بـلا جمـا=النوايا كنها الشمس والـدرب ابرحـي
مالعدواني دخل فـي فراقـه .. وانمـا=عيدوا يوم ان بعده فحـا قلبـي فحـي
مارميتـم إذ رميتـم لكـن الله رمــا=دارت الدنيا علينـا مثـل دور الرحـي
واوجودي كل مااذكرك ياعـذب اللمـا=وجد من ذنبه محا كل اهل بيته محـي


ياوجود القلـب ياشوفتـه عقـب البطـا=وجد من عذب ولدها بسجن ( ابو غريب )
حطه الله تحت رحمـة سكـارا والقطـا=الجنود اللي على صدورهم رمز الصليـب
لهم حوله قطقطه مثـل قطقطـت القطـا=اللغه ماتنفهم .. والعمل جـرم ٍ رهيـب
اربعه .. كل ٍ برجله علـى راسـه وطـا=وطية الحريـب لاطـاح بيديـه الحريـب
واظهرته الصحف عاري على راسه غطا=واعترافاته فضيحه .. وعيب وشق جيـب
كان وضعه صح بعيونها واصبـح خطـا=وقامت تهل العباير .. وتلحقهـا النحيـب
ياوجودي وجدهـا ماهـو بوجـد عبطـا=اتظاهر بالسلامه وانـا جرحـي عطيـب
صاحبي حبه تغلغـل بالاعمـاق وسطـا=سطوة العبرود من كف رمـاي ٍ يصيـب
بس مشكلته خذا كل شـي .. ولا عطـا=غير جرح ٍ مايـداوا .. وذكـراً ماتغيـب
والله ان غيرك بطاهم معاد اسمـه بطـا=يالحبيب اللـي لاقبلـك ولابعـدك حبيـب


لعل السحاب اللي مـن البعـد دوبـه واق=على حد الارض من السما تسبر اعناقـه
على ديرة دونـه جنـوبٍ عنـه ينسـاق=تقفـاه وتلمـلـم شتـاتـه وتستـاقـه
ذعاذيـع ريـحٍ ماتشيـل وتـحـط رواق=يصحبها شوية عنـف وانسامهـا رقاقـه
لو تمر بيـت البـدو مترامـي الاشنـاق=تهـزه شـوي شـوي ماترمـي رواقـه
تسوق السحاب بدبرة المانـع .. الـرزاق=إلـهٍ عبيـده تطلـب رضـاه وعتـاقـه
ولامنه تسـاوى فـوق دارٍ غلاهـا فـاق=حدود الغـلا .. تستـأذن الريـح لفراقـه
يقر ويسر البال .. والعيـن .. والخفـاق=ويلجّّ رعده .. ويرفرف البـرق بأشناقـه
من بعيد برقه يسهر المسنـي المشتـاق=هكاالليل يقضي كـل ليلـه علـى ساقـه
كاانـه يقـول ليانتفـض برقـه الشعـاق=على الهون تكفـا ماعلـى قلبـي لحاقـه
وصلها وباشرها علـى غيبـة الاشفـاق=جـلال مطـره مايعطـي الوقـت لدقاقـه
تضيق بسخاه الاوديـه والفضـا ماضـاق=بغيمه .. وهتانـه .. ورعـده .. وبراقـه
يمد الجذع بالوصل .. والغصن .. والاوراق=بعد مااشتكى من هجره الغصـن لوراقـه
شهر .. ويتجاور فيه راعي غنم .. ونياق=بربله .. وحوذانه ضحـى تشبـع الناقـه
تكحـل بنبـت فياضـه العطـره الاحـداق=من يشوف نبته يشكر الله علـى ارزاقـه
شذا نبـت ريضانـه ماينبـاع بالاسـواق=مايجمع شذاها مع بعـض غيـر خلاقـه
تجـلا بتنويـع الزهـر قـدرة الـخـلاق=تلاويـن نبتـه تأسـر قلـوب عشـاقـه
ربيعه .. وغدرانه .. متى مانهمر دفـاق=لـدارٍ لهـا كـل الاحاسـيـس تـواقـه
سلامي عليها من اولـي لاخـر الارمـاق=ولها صادق الاشواق باقـه .. ورا باقـه
غلاها وسره دافنه فـي ثـرى الاعمـاق=وأكيد الغلا ماجا مـن البـاب .. للطاقـه


دام ما بخلت بـي الدنيـا البخيلـه=فدوة للربع.. مـن كمـي لكمـي
و دامني فردِِ مـن أفـراد القبيلـه=حرب ربعي..عزوتي..لحمي..ودمي
ما تخيّر في فصيله عـن فصيلـه=كل حربيِّ على الأرض ابن عمـي
من لابةِ لفعولهـا تطـرب الخيـل=ويصعد بها يم السمـاء ويتسامـا
مجدِ سنامه عانق الجدي وسهيـل=يوم الحميّـا..و الحمى..والمحامـا
حرب ليا جا للحرب سبر..ومراسيل=شريـدة العـدوان رمْل..ويتـامـا
سوالفِ مـا هـي مجـرد أقاويـل=ولا هي كوميديا فيلم..وإلا درامـا
غصبِ على اللي يعرف الحق ويميل=عن مجدنا ما هو عمى..ويتعامـا
ولا أهضم حقوق القبايل ولا أعيـل=ياما من فعـول القبايـل.. ويامـا
في كل دار وكـل ديـره رياجيـل=ما يهضم النشمي حقوق النشامـا


لاوالله الا راح من حرب رجـال=رجال يحسـب بالقبيلـه فقيـده
ماينتعوض بالعسيلـي بالابـدال=الله يغفرلـه ويرفـع رصـيـده
اطلب عساه بجنة الخلـد نـزال=آمين قولوهـا عساهـا تفيـده
عسى له بطوبى منازل ومدهـال=حتى تعوضه بالحيـاة الزهيـده
دنياً عليها كل من حـل رحـال=فيها البقاء لله محصـي عبيـده
لكن عزاي انه ورث مجد وافعال=وشعر ٍ يخلـده الحفيـد لحفيـده
ومواقف ٍ تعرف على مر الاجيال=وغير الوفاء فيه الخصال الحميده
انا منه جاني معاريـف ٍ إجـزال=بحر المكارم مكرماتـه فريـده
اللي يعرفه زين ياقف له إجـلال=ويسجم على فقد القصيد وعميده
فقدان رجل ٍ له مواريث وأعمال=من روس قوم ٍ بالمواقف عنيده
إلهم عزاي .. وخاتمة كل الاقوال=الله يغفر لـه ويرفـع رصيـده


وين انت ياللي كـل ماتمـر ذكـراك=توقد فتيل الشوق وتـذوب الاضـلاع
تعال..وجلس صبلـي مـن شفايـك=هيل الكلام اللـي تصبـه بالاسمـاع
مدري متى اشبع من سوالفك..وارواك=اثر الحكي بعضـه خزامـى ونعنـاع
عن كل من حولـي تاخذنـي لدنيـاك=واندم على وقتٍ قبل لاعرفـك ضـاع
تزهر حياتي في حضـورك ولامـاك=مثل المطر..تزهر من حضوره القـاع
قلت ابي اجرب قلبي احاول.. انسـاك=ورتعت قبل القلـب يـدري ويرتـاع
ساق الهوا مركب غرامـي لمرسـاك=ماعاد ينفع بـه مجاديـف وشـراع
عطني حضورك..وإقطع دروب فرقاك=لايهب للفرقا علـى القلـب ذعـذاع
مايستحق يعيش بـه كـود شـرواك=قلبٍ يضمك حـب ويضمـك اوجـاع


الظّلْمْ كيف اقْبله.. والصّبْر كيف احْـرزهْ=عزالله انّي من الاثنيـن.. قلبـي جريـح
والله ..مايجـرح الرّجّـال و(يْنفـرزهْ)=الأ..لاقال الصّحيح..وقيل ماهو صحيـح
كلمه بسيطه..ولكـن حجْـم مااتفـرزه=يْخلّي الكون فيك يضيق لوهو فسيـح
الرّجْل قبـل تْحكـمْ عليـه فجْـأه..رزه=يبين لـكْ راهـيٍ بالعقـل والأ شحيـح
والطّيب..واجد مجال الطّيب مير ابـرزه=اظهار فعل الجميل..وترك فعل القبيـح
حطّ اصبع الطّيب بعيون الرّدى.. واغْرزه=وش قيمتك بالحياه ان ماكسبت المديح
حاولت اجمّع بها فُلّ الشّعـر.. وكْـرزه=قصيدتي..وارضي الطّيب واغيض البجيح
مـن عآدتـي أجتهـد بالقاف..وآطـرّزه=باجمل عبارات.. والاّ آريّحـهْ واستريـح
ان مانظمْتهْ نظُمْ سبْحـهْ خْرزهْ..أخْـرزهْ=لو قالو انّه مليح..آقول ماهـو مليـح


لعيون ساره كتبت احلى المواويل=وغنيتها فدوة(ن)لعيـون سـاره
عيونها كنهـا مهـدودة الحيـل=مايناسب لوصفها الا هالعبـاره
نعسانة(ن)دوبها ماهوب بالحيـل=تسرق من النوم لكن في شطاره
اي والله اني حسدت الكحل والميل=لمصافح اهدابهـا تاره..وتـاره
تبعث من عيونها لقلبي مراسيل=لين انها احتلت القلـب بجـداره
غدى لها قلبي اوطان ومداهيـل=الحالهـا مالهـا ضره..وجـاره
الله عطاها الجمال بدون تجميـل=من كل زين الله اعطاها اخيـاره
نهارها اجمل نهار وليلهـا ليـل=لياتفـرق سـواده عـن نهـاره
ماتحصي اوصافها كثر الاقاويـل=لكن قل الحـر تكفيـه الاشـاره
في داخلي للغلا حفـل وقناديـل=وناس(ن)تعانق بعضها في حراره
ألذ مابالهوى عنـاد المواصيـل=والركض بين الحلاوه..والمراره
كل التعب..لو منه ماجا محاصيل=لخاطر عيونها ماهـو خسـاره


بين الشاعر لافي حمود و الشاعـر / مطلق خالد الحويقل العتيبي
يقول مطلق الحويقل

يالله يامنـزل تبـارك .. وياسيـن=ياعالـم ٍ غيـب الزمـان وعلانـه
ياوافي المدات .. ياقاضـي الديـن=انت المعين .. ونرتجيـك الاعانـه
بأسمك يجي للقاف قيمه .. وتثمين=وتوجه ذكـرك بقـدر .. وحصانـه
ياخلق الادم وزوجـه مـن الطيـن=ومحملـه يـوم اكتمـل بلامـانـه
ابداء بذكرك لجل تخزى الشياطيـن=وزين المثل يسهل علـي إدرجانـه
ياراكب اللي جاهز ٍ عقـب تمريـن=الاقطم اللـي فـارق ٍ فـي خوانـه
اللي عليه من الخواجـه مضاميـن=والضامن اللي ماش غيره ضمانـه
سبحان من يحمد على الزين والشين=الخالـق الـرازق رفيـع المكانـه
والا الشبح حايز عجـاب الملاييـن=ياماحلا عبـر الطريـق اسبحانـه
كنـه بمشـواره تقلـه جناحـيـن=والبعـد يسهـل لامشـاه اطويانـه
مايشتريـه الا الرجـال الثريـيـن=اهل الرصيد اللـي رفيعـن بيانـه
آخر مديل الفين .. في عام الالفيـن=من مصنع ٍ شغله نضيـف وتكانـه
ياسايقه باعطيـك منـي عناويـن=عنوان من جعلـه يطـول زمانـه
عنوان لافي ريف من جوه عانيـن=على الرحب يلقـون قـدر ورزانـه
اباك توصلـي سـلام ٍ بعـد حيـن=سلام من صـاف الفـواد ولسانـه
بعد البطا اللي صار له حول عامين=والوصل إله عنـدي حبـال ٍ متانـه
منصا سلامـي للرجـال المياميـن=لافـي وبـوه وكـل حـي ٍ وزانـه
سلام اخص ابه الموالي والاقصيـن=وكل ايمنن بالطيب مسرج حصانـه
يعـم جيرانـه .. وكـل الغياديـن=واللي لهم بالطيـب ماقـف وخانـه
من دافع الاخلاص والحـب والديـن=وسلم الرجال اهل العقـل والفطانـه
ابعث لهم من باقة الـورد نوعيـن=وخير الكلام اللـي يقـدم اسمانـه
يهدى لمنهـم بالمواجيـب ساعيـن=والبيت من ساسـه يزيـن ابنيانـه
مـادام حنـا بالحيـاة متخـاويـن=أخـوان بالملـه وشيـل الامـانـه
والمعرفه تربـط قلـوب العزيزيـن=اللي مسـار العـز لزمـو عنانـه
ياجب على الوافين وصـل الوفييـن=والوصـل يمليـه العقـل والديانـه
ودنياك يالافي بها العسـر والليـن=لـو ناحـرت ياعجلهـا قلبـانـه
مادامت لخيـر البشـر والسلاطيـن=ومن عاش فيها شاف منها الخيانه
والرابحيـن الصالحيـن الرشيديـن=اهـل العقـول الواعيـه والذهانـه
اللي على سنـة محمـد حريصيـن=وابليس ماطاعـوه فـي مهرجانـه
على مسار الحـق دايـم سريعيـن=سعي ٍ رفيـع ولاسعـوا بالطمانـه
شرواك ياذخـر الرجـال الطليعيـن=اللي سـلاح الجـود حـدو سنانـه
يابن حمود ايامك اللي مضت ويـن=يامن معي عال ٍ مكانـه .. وشانـه
حنا على شوف المشاكيـل شفقيـن=والا الـردي يلقـى حليـه قرانـه
نشفق على الطيب وندعيه عجليـن=ودايم على الطيـب تجـوز الميانـه
والا الردي جعله وراء دولة الصين=حيث ان ماله في سما الكون زانـه
وقبـل تحيـات القلـوب الموديـن=من دافـع مـود ٍ لسانـه حصانـه
وصلو على خاتـم جميـع النبييـن=اللـي عطـاه الله كتابـه واعانـه
اللي ومرنا ننهـج المنهـج الزيـن=ورسم طريق الحق واوضـح بيانـه





......... ((( الرد على الاخ / مطلق ))) .........



بديـت بأسـم مكـون الـكـون تكـويـن=المنـفـرد والمتـحـد فــي كـيـانـه
رب الحجـر .. رب الشجـر .. والثقاليـن=مـرسـل محـمـد وامــر ٍ باتبعـانـه
اللـي عبيـده لــه صـيـام ٍ مصلـيـن=يـرجـون رحـمـة ربـهـم وامتنـانـه
وعطفه .. ولطفه .. لاغدى الخلق نصفيـن=ويشهـد علـى الانسـان حتـى بنـانـه
ياناصـر الرسـول فـي بـدر .. وحنيـن=ياجاعـل لـسـان البـشـر ترجمـانـه
انـت المعيـن ولاحـد ٍ غيـرك معـيـن=ومـن بعـد ذكـرك كـل شـي ٍ باوانـه
ياراكـب اللـي مـن حفيـزه اقـزوزيـن=تـو .. ودبـل زيـرو .. وون.. اصدرانـه
صـدّر خــلال انتخـابـات الزعيمـيـن=قـدام بـوش الابـن يكـسـب رهـانـه
قبـل استـلام البيـت الابيـض بشهريـن=و مجلـس شيوخـه .. وانظمـة برلمانـه
جي .. إم .. أس .. حروف وارموز .. تبيين=للمصنـع الـلـي صمـمـه والصيـانـه
احـدث موديـل بتكنلوجـيـا الصوالـيـن=والله عطـا الـلـي يصنعـونـه اتقـانـه
لياسـرى ماضـن مـن اللـيـل ثلثـيـن=وولـع مصابيحـه .. وولــع اسكـانـه
كـن اجماحيـاتـه شـمـوع المحبـيـن=فـي عيـد ميـلاد .. اوقـده شمعـدانـه
وكـن اشتغالـه هرجـة ٍ بيـن ثنتـيـن=يخفنهـا بـيـن الخـجـل .. واللعـانـه
ويشبـه لياقـام يتمشـى علـى هـويـن=مـشـي الفـتـاه المتـرفـه بمشيـانـه
ولياعطـا مردومـة ٍ كنـهـا ( قـيـن )=قـام يغنـج .. ويهـوس كـن اغنجانـه
شريفـة ٍ فـي حفـل نـاس ٍ شريفـيـن=ترقـص علـى يالليـل ادآنــه يـادآنـه
تهـز .. وتهـز الخصـر .. والذراعـيـن=ومـن راسهـا ماطـاحـت الاستكـانـه
وليامشـى مـن نجـد بيـن الصلاتـيـن=مايصـبـح الا فــي حــدود الكنـانـه
يصـرخ بعنـف .. لياخـذ شـوي بنزيـن=مثـل صـريـخ صغـيـر ٍ بالحضـانـه
ياسايـقـه بالله هالحـيـن هالـحـيـن=قـم دق سلفـه .. واربـط حـزام امانـه
حنـا عـلـى رد الجمـايـل مضـريـن=حاضـر بحاضـر .. والتهـاون جبـانـه
دسلـه .. وزدلـه بأشتغـال الصلنصيـن=ولايـحـرك الا بـآخــر ازعيتـمـانـه
خل الحصـى علـى حصـاه .. وحصاتيـن=يفـر مـن حـدره فـريـر (السمـانـه)
حـده علـى قصيـاه .. ياسايقـه لـيـن=تعـزف قـزوزه مثـل عـزف الكمـانـه
ويخلـي الـعـادم بـطـون الشكامـيـن=غليـون (حشـاش ٍ) بـراسـه شطـانـه
كنـه بتفكـيـره .. يـحـرر فلسطـيـن=ومستيـسـر ٍ شــارون بالخـيـزرانـه
نصه ديـار طيـور شلـوى .. الدماسيـن=وقل ويـن مطلـق .. ثـم لياقيـل عانـه
تلقـاه فـي بيـت ٍ يـذري عـن البـيـن=سلـم عليـه ومــن لقـيـت بمكـانـه
سـلام مـمـزوج ٍ بعـطـر الرياحـيـن=والا زبـاد ٍ تـو جــا مــن عمـانـه
ألـذ .. واحـلا مـن حليـب المـلاويـن=ليـاروحـن مـــن وادي ٍ ديـدحـانـه
مثـل الـزلـول الفـاخـره بالـدواويـن=ويلاعـب الغـربـي زهــر قحويـانـه
مقـدار ربـع ٍ لـوهـم بعـيـد غالـيـن=علـى خـفـوق ٍ قـدرهـم ماأستهـانـه
عيال عـود ٍ غـاب راسـه علـى الزيـن=ممنـوح مـن ربـه صــلاح البطـانـه
مطلق .. وغـازي .. والنعـم بالشقيقيـن=وأخوانـهـم .. والله علـيـه وامـانــه
ماهـو مكفيهـم لانـعـم .. ولانعمـيـن=هيـف السميـن اللـي كثيـر ٍ أدهـانـه
واهـل هـلا يامرحبـا فيـك .. وهلـيـن=وكـل ٍ حجـاجـه يعجـبـك بضحكـانـه
واهــل دلال قـنـاد غــال المثامـيـن=وافضـل نمونـه هيـلـه .. وزعفـرانـه
كنـه للضرمانـه صـعـوط المجانـيـن=ليـاذاقـه النعـسـان طــار إنعسـانـه
واقـول .. يامطلـق فــدوك الكثيـريـن=أهديتـنـي دره .. وبـاقـه .. ودانـــه
الباقـه الـلـي مــن ورود البساتـيـن=مـن كـل شـي ٍ زيـن فيـهـا إذنـانـه
منباعها مـن جـوف قلـب .. وشراييـن=وجـم ٍ تـصـدر بـالـروى عيطشـانـه
فيها عتب .. لكن علـى الـراس والعيـن=انــا مــدان ومعـتـرف بـالادانــه
إن كانـا بالـوصـل مـعـك متـرديـن=منـك السموحـه راس مــال الخـزانـه
امـا تـجـي .. والا نجـيـك متعنيـيـن=وكـل ٍ علـى اصحابـه وسيـع ٍ بطانـه
وصـلاة ربـي عــد وبــل الـوداديـن=عـلـى رســول ٍ عـزنـا باتبـعـانـه


في رثاء العسيلي

ايه امسح النمـره .. وكـل التفاصيـل=اسم .. ورقم .. شيخ المزايـا العظيمـه
لياصار ماصوته يجـاوب علـى التيـل=ماعـاد للجـوال .. والـرقـم قيـمـه
راح .. وعليـه قلـوب ربعـه معاليـل=وصـدور رحبـات المجالـس محيمـه
على أحر من الجمـر .. مثـل ماقيـل=كنـت انتظـر لحظـة لقـاه الكريمـه
ميـر القـدر مابـه لياحـل .. تأجيـل=ويرضايـه المؤمـن بصبـر وعزيمـه
دنيـاً لهـا عـلـى الاوادم مصـاويـل=وصكاتهـا فـي روسنـا مستديـمـه
أمراض .. وموت .. وشح زاد ومحاصيل=وكـوارث.. ووارث .. ودنيـاً ذميـمـه
مافـي مجـي المـوت شكـه وتأويـل=مثـل الغريـم اللـي يـدور غريـمـه
مرحوم يامـن لـه معـزه .. وتبجيـل=عندي .. وعند اهـل العقـول الفهيمـه
اقفـن علـيـه مـذوقـات الغرابـيـل=وبانـت علينـا مـن الخرايـم خريمـه
فيـه إهزمنـا .. وتركـنـا مغالـيـل=راس ٍ علينـا مـن فراقـه هزيـمـه
راس ٍ كفـو لدمـوع روس الرياجـيـل=اللـي يقفـون الهضيمـه .. هضيمـه
من القصيم .. الى الريـاض المراسيـل=وصلت .. وحزن رياض نجد .. وقصيمه
إكـد رحيـل مدلـل الضيـف تدلـيـل=وكل ٍ وصل مـن ضيقـة البـال تيمـه
هكا المسـاء وش يمسحـن المناديـل=كن السحاب الروس .. والدمـع ديمـه
عليـه مخـزون المحاجـر همالـيـل=من شدة الصدمـه .. وطـول الحريمـه
احد ٍ لـو انـه مـات موتـه تساهيـل=حسرة خبـر موتـه علـى ام اليتيمـه
واحد ٍ خبر موتـه خسـاره .. وتنكيـل=وفـي غيبتـه علـى القبيلـه ثليـمـه
كـان الغنيمـه فقـد بعـض الازاويـل=هـذا السلامـه منـه ماهـي غنيمـه
مفني عمار .. البن .. والهيل .. والحيل=وعـدو هـراج القفـاء .. والنميـمـه
رمز الكـرم .. حلـو النبـا والتعاليـل=لياطـاب مجـلاس النديـم .. ونديمـه
ماظـن فـي مثلـه تعـوض المقابيـل=وجهة نظر .. حسب اعتقـادي سليمـه
عشقـة بعيديـن النظـر والمواصـيـل=ان مانجبت مثـل العسيلـي .. عقيمـه
ولا قول خَلْيَت مـن وجـود الحلاحيـل=لكـن قليـل اللـي صفاتـه عديـمـه
علـى بعضهـم فـي بعضهـم تنافيـل=شـي ٍ مايجهـل فيـه غيـر البهيمـه
مرحـوم يامنصـا الرجـال المشاكيـل=ونطـاح قـالات الرجـال الجسيـمـه
جاه .. ووجاه .. وحبك جـزل التماثيـل=مستوطنـات ٍ راس محـرج خصيـمـه
ولاهو على وجهـه ولا جاهـه بخيـل=للـي بـه المعـروف ماهـو ظليمـه
يقـوم بالقـالات .. ويحـط .. ويشيـل=ومرجع لمن يبغون الاريـاء الحكيمـه
علـى المشاكـل مايجـر المـواويـل=يحسـب لعاقبـة الامـور الوخيـمـه
مايستجـره صـوت دبكـه .. وتطبيـل=وعنده لمن خالـف وصالـف قسيمـه
لاحتاجـت القـالات شـرب الفناجـيـل=طـق البهـام لكـل راعـي هميـمـه
بأسلوبـه يعـد هـل العـوج تعـديـل=وعلاقتـه مـع كـل طيـب حميـمـه
ماطيشنـه مثـل بـعـض المهابـيـل=نـدر قوافيـه الـجـدد .. والقديـمـه
تواضع وضحكة حجاج وهـلا .. هيـل=وبشاشـة ٍ بالوجـه تسـوى وليـمـه
أمدح .. ومدحي فيـه ماهـوب تضليـل=اشهـود ربـي بـارض ربـي مقيمـه
والمدح باأهـل المـدح مابـه مداخيـل=والا بغيـر اهـلـه قـولـه جريـمـه
يالله عسى قبر ابيـض الوجـه لسيـل=ويخضـر جنابـه كـل ماتهـل غيمـه
ويـبـد الله ظلـمـتـه بالقـنـاديـل=آميـن يامححـي العظـام الرميـمـه
يامفضل محمد علـى الرسـل تفضيـل=كـرم سمـيـه بالجـنـان النعيـمـه


عـزي لمـن جـدواه عضـة إبهـامـه=مالـه .. ولابيـديـه حيـلـه وتدبـيـر
رجـاي باللـي مـن نواشـي غمـامـه=يسقي ثراه .. ويكسـي ارضـه نواويـر
هـو العظيـم .. ورب عـرش العظامـه=سبحانـه .. الخالـق بديـع التصـاويـر
يــارب قــوم والــدي بالـسـلامـه=واشفه .. ومتعنـي بشوفـه علـى خيـر
سبعـه وعشريـن .. اول ايـام عـامـه=وردن .. وصادنـه سـهـوم المقـاديـر
وعلـيّ جيـش الـحـزن ورّد حيـامـه=واجتاحنـي مثـل اجتيـاح الاعاصـيـر
قامت ضحـا .. بيـن الضلـوع القيامـه=رجاء .. وياس .. وحزن طاغي .. وتفكير
للقلب من ( قـوع ) العـروق انصرامـه=يـوم الا طـبـاء يكتـبـون التقـاريـر
يـزود نبـظـه .. ويتلخـبـط نظـامـه=واحس فـي كتمـه .. وافـك الازاريـر
يامـن لـك مـن الطيـب ذروة سنـامـه=وتقصيرك( بعكسه).. ماهـوب أيتقصيـر
ويامـن رسمـت أرقـى وارق ابتسامـه=على وجه شايب .. وشبـاب ..وصغيـر
البيـت عقبـك صـار نـوره ظـلامـه=امس بوجودك غيـر .. واليـوم ذا غيـر
فـي كـل ركـن ٍ مـن ركونـه علامـه=للحـزن .. ياموفـي حقـوق المسايـيـر
ياوالـدي مـسـك الـكـلام وختـامـه=أزمه .. وصارت لكثـر النـاس تفسيـر


في أحدى المناسبات ألقى أحد الحضور قصيدة ٍ ولم يذكر لمن هذه القصيدة ..
وقد كان الشاعر / حبيب العازمي حاضراً ذلك الحفل ونوه أمام الحضور
بأن هذه القصيدة للشاعر / لافي حمود الغيداني وليست لذلك الشخص ..


علم الشاعر : لافي بموقف الشاعر : حبيب

وارسل الابيات التالية للشاعر حبيب شكرا له وتقدير لموقفه





من حقوق الشعر ياحبيب .. على الشاعر حبيّب=الوقوف بوجه لص الشعر .. ويضاح الحقيقـه
مثل ماسويت ياطيب .. سمعت وقلت ..طيـب=مانـي حبيـب اذا مابوقفتـي نشفـت ريقـه
لاتغيـب ضامـره لايحسـب الحـق متغيّـب=خل لين يخلص واعلنها علـى روس الخليقـه
والله ليبطي وهو من طـاري الشعـر متهيّـب=عقب قلت الكلمه اللي منك تحسب عن وثيقـه
تقل مستاون لخده .. من بعيـد ومـن قريّـب=في يمينك .. وانت مانشتـه بيمنـاك الطليقـه
يقطـع الله كـل رجـل ٍ مايتعايـب مايعيّـب=مايتعايب مايعيب الرجـل حتـى مـن شقيقـه
موقفك يالشاعر اللـي عمـر بيتـك مايشيّـب=دايم وبيتك شباب الروح .. وافكـارك عميقـه
لو نبا ننشي نظام .. ومحكمـه ضـد التسيّـب=تظمن حماية قصايدنـا الجديـده .. والعتيقـه
لمكانـة شاعريـتـك العظيـمـه ياحبـيّـب=صرت فيها من قضاة الحق وانصـار الحقيقـه


وصلت الابيات لحبيب العازمي واليكم رده..
الله اكـبـر كــل مايـذهـب خـيـال الفـكـر وأيّــب=دق هاجـوس القريـحـه واستلمـنـي فــي دقيـقـه
اتطيـب مـن شــذى ورد القـوافـي .. ويتطـيـّب=قــاف شـعـر ٍ لاهـزيـل ولابخـيـل ولاسريـقـه
مثـل قـاف الشاعـر اللـي ماستشفـه مـن كتيـّب=مـــن تـراثــه مـاتـأثــر بـالـحـداثـه والمـسـيـقـه
لافـي الـلـي مايخـيـب الـظـن فـيـه.. ولايخـيـّب=مـن لفـاه ومـن صـاه ومـن نخـاه بكـل ضيـقـه
وان شكرني قلت يابن حمود ياريـف الركيـّب=وش مجال الشكر في فزعة رفيق ٍ مـع رفيقـه
وان كشفت الشك والا الريب في وجه المريّب=ليـه اخـلـي لــه مـجـال يشجـعـه بـكـره رفيـقـه
والمزيف ينكشف مهما انستر والحـض كيـّب=والـلـئـم لـيـاتـمـرد يـكـرهــه حــتــى صـديـقــه
واختـلاف الوقـت وارد والثعـل وابـنـه تـذيـّب=والعـرب ماتكـره الا الذيـب والمـرقـب يويـقـه
واحمـد الله كـل مايذهـب خـيـال الفـكـر وأيــّب=جـاب لـي عـلـم ٍ مـوكـد واستلمـتـه فــي دقيـقـه



كلمة سلام.. وصباح الخير كثرهـا=ترى لها وقعها في نفـس مجنونـك
ودي تروووح وتجي .. حتى تكررها=ماامل منها ولامن مشاهد اعيونـك
عيونك اللي قلوب النـاس تأسرهـا=من شافها تفتنه ويصيـر مفتونـك
موتي وانا حي يستوطن محاجرهـا=مابيني وبينـه الا غمضـة جفونـك
جابتك لي صدفة ٍ مدري وش آخرها=وانا تركت الجميع وقلـت ممنونـك
سلمتك الـروح تنهاهـا وتامرهـا=ياللي أخوانك على زينك يحسدونـك
لك صورة ٍ برهنت عظمة مصورهـا=عجزت اوصفك واتخيلـك وشلونـك
لـك هيبـة ٍ ماتخلينـي اناظـرهـا=ارفع لك الشوف مير يطيح من دونك
ابطيت وانا المشاعر عنك ساترهـا=وانته تبختر وتاخذني علـى هونـك
واليوم جتك المشاعر هي وشاعرها=متقاسمين الوجل .. وشلون يرضونك
كلي امل ماتجي مكسـور خاطرهـا=وانا اوعدك ماتخونك فيـه اضنونـك
والا اعتذر وارفض الاشواق وانكرها=وارتح .. وخله يزود هبال مجنونـك


وهذه أحدى روائع الشاعر الفذ لافي الغيداني

العين عن حلـو الكـرى موقهـا تـاب=ماتـذوق حلـو النـوم مـع ذايقيـنـه
اسباب لانه مـاش شـي ٍ بـلا أسبـاب=هكـا الغـزال اللـي ذبحنـي بزيـنـه
مـر يتخطـا .. ويتلفلـف بـالاسـلاب=وطيّـر عـن القلـب المشقـا يقيـنـه
من نظرته وقع علـى القلـب مضـراب=اشـد وقـع مـن الـرمـاح السنيـنـه
يسرق نظر عينه حذر .. مدري عجـاب=وانـا منـه قلـبـي تقـطـع وتيـنـه
عـرّض ومـن تعريضتـه خافقـي ذاب=وقمـت اتبعـه مغيـر عينـي بعيـنـه
واقفى عجل من نظرتـي فيـه مرتـاب=ويحـط ضـول النـاس بينـي وبينـه
وصديت عنه وخاطـري منـه ماطـاب=كني ماني يمـه .. وانـا اقـول وينـه
اخاف يفطن لي .. وننشـب بالانشـاب=السـوق زحـمـه .. ولاوادم ذهيـنـه
واخذت عنه شوي مقفي .. والاعصـاب=متـوتـره .. مافـكـرت بتهـويـنـه
ولديـت .. ولينـه يسعـر يالاطـيـاب=عنـد الهنـود اللـي لغتهـم رطيـنـه
وارسلت يمـه نظـرة احبـاب لحبـاب=النظـره اللـي ماتركـت لـي غبيـنـه
وأقبـل يبـا يحطنـي عنـه مجـنـاب=وشكيت فـي ممشـاه .. علـى هوينـه
ناظرت فيه .. وضحـك النـاب للنـاب=ومـن ضحكتـه حلـت علـي السكينـه
وموه على اهل السوق .. واشر بالاهداب=اشــارة ٍ تبـغـى قـلـوب ٍ فطيـنـه
منها عرفت انه يبـا يعـود لـو غـاب=وان الامـر ماعـاد هـو فـي يديـنـه
وعقب غلاق اسبوع .. مر ومعه جـاب=صغـيّـر ٍ متـجـود ٍ فــي يميـنـه
صغـيّـر ٍ بالـزيـن للعـقـل نـهـاب=يقـول اخـوي .. ومقصـده فاهمينـه
قصده .. يقول انكان عنـدك أستيعـاب=علـى مـن هـذا ؟؟ ملامـح وعيـنـه
واخذت انـا ويـاه .. مـزح وتعجـاب=عقلـه رزيـن .. وكـل كلمـه رزينـه
فـي موقـع ٍ عنـه المخاليـق غيـاب=الا ملائـكـة الـعـمـل حاضـريـنـه
بينـي وبينـه ماوقـف غـيـر الاداب=آداب سـلــم ٍ كـلـنـا وارثـيـنـه
منه حتـرام شعـور عربيـن الانسـاب=ومنه حتـرام الرجـل نفسـه .. ودينـه
وبغى الوكاد .. وقلـت هايـم ومنصـاب=حبـك .. ذبحنـي لعنـبـو والديـنـه
قال استميحـك عـذر .. واقـول لعـاب=وش هالغـرام اللـي غدابـك بحيـنـه
وحلفت له .. واقسمت في رب الاربـ=ابمنقـذ مـن الطوفـان راع السفيـنـه
انـي معـك صـادق ولانـي بـكـذاب=والـكـاذب الله لايـطـول سنـيـنـه
قال انت صادق .. مير سابقـك خطـاب=واهلـي فـي تـال الشهـر موعدينـه
كـم لـه وهـو مغيـر ذهـاب إيــاب=لاهــم براضيـنـه .. ولا رافضيـنـه
وان كانهـا تمـت علـى يديـن كتـاب=وتـم القـران .. وروحــو كاتبيـنـه
انا تراي ابـي اعتبـرك مـن الاقـراب=وعلـى النقـا .. تبقـا صلتنـا متينـه
وودع وصـارت كلمتـه تقـل مشهـاب=اركت علـى كبـدي (عراقـي مزينـه )
وبقيت في وضع ٍ تحيـر ابـه الاطبـاب=ايسـت منـه وحالـة اليـاس شيـنـه
واخذت وقـت احسـب ايامـه حسـاب=وقلبـي علـى شوفـه تزايـد حنيـنـه
احيان .. اقول انشد عنه بعض الاصحاب=ويجيـك بالعلـم المـوكـد ( جهيـنـه)
واحيان اقول اصبر على جـور الاتعـاب=ورزق الفتى وأجله كتـب فـي جبينـه
وسكت .. ماودي عليـه افتـح ابـواب=للهرج مـن نـاس ٍ ماهـم راحميـنـه
وصبرت .. مير الصبر طـول ولاثـاب=ومـن طـال صبـره يالله انـك تعينـه
ويوم ان راسي من طويل الصبر شـاب=قـررت عنـه انشـد حـدا مجاورينـه
ونشدت عنـه وقـال راحوبـه أجنـاب=ومن قريتـه شـدّ .. وسكـن بالمدينـه
قلت ايه .. مادام اهلـه عندنـا يجـاب=امـا بعيـد الفـطـر .. والا حتيـنـه
قال اهله معـه رحلـو .. قلـت ياشـاب=يعـنـي لازايـركـم .. ولازايـريـنـه
قال ايه .. مير انسـه والايـام هـراب=تطـول .. وتنسـي ضنيـن ٍ ضنيـنـه
قبلي .. وقبلك خلـت اصحابنـا حـزاب=وكم فرقـت بيـن الخديـن .. وخدينـه
ماعاد فـي شوفـه طلايـب .. وطـلاب=تـرى مـاعـاد الا يــدرج جنيـنـه
وش تطلبـه .. وحبالـه بكـف قضـاب=احذر .. لاينصـب لـك زمانـك كمينـه
قلـت الرجـال مفتلـة روس الاشنـاب=لقسـى الظـروف حسابهـم حاسبينـه
وقفيت من عنده على الغلـب .. غـلاب=اكن غيـض القلـب .. واجحـد ونينـه
واعلنت ياسي .. وانطوت صفحة كتـاب=مــن البـدايـه للنهـايـه حزيـنـه
واقــول يالله لاتـبـارك بالاسـبـاب=اللـي رمتنـي بيـن حبـه .. وبيـنـه


لافي بن حمود الغيداني الحربي












توقيع :

عرض البوم صور عبدالله بن غنام  
قديم 11-05-08, 08:50 AM   المشاركة رقم: 2
المعلومات
الكاتب:
اللقب:
عضو مؤسس وإداري سابق
الرتبة:
الصورة الرمزية
 
الصورة الرمزية ذيبان

البيانات
التسجيل: Apr 2007
العضوية: 30
الاقامة: بوابـــة الوطـــن
الجنس: ذكر
المواضيع: 1582
الردود: 6939
جميع المشاركات: 8,521 [+]
بمعدل : 1.85 يوميا
تلقى »  3 اعجاب
ارسل »  3 اعجاب
اخر زياره : [+]
معدل التقييم:
نقاط التقييم: 128

التوقيت

الإتصالات
الحالة:
ذيبان غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي رد: ديوان لافي الغيداني

ما شاء الله عليك ابوعزام

مشكوووووووووور

احسنت وابدعت بتوثيق هذه الروائع

لاعدمت تألقك












توقيع :

عرض البوم صور ذيبان  
قديم 12-05-08, 08:56 AM   المشاركة رقم: 3
المعلومات
الكاتب:
اللقب:
عضو مؤسس و اداري سابق
الرتبة:
الصورة الرمزية
 
الصورة الرمزية عبدالله بن غنام

البيانات
التسجيل: Mar 2007
العضوية: 16
الاقامة: مجــالس الفــردة
المواضيع: 237
الردود: 2690
جميع المشاركات: 2,927 [+]
بمعدل : 0.63 يوميا
تلقى »  7 اعجاب
ارسل »  12 اعجاب
اخر زياره : [+]
معدل التقييم:
نقاط التقييم: 120

التوقيت

الإتصالات
الحالة:
عبدالله بن غنام غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي رد: ديوان لافي الغيداني

شاكر مرورك ابو راكان

وثنائك وتشجيعك وسام ولا شك

الفشكر والف تحية












توقيع :

عرض البوم صور عبدالله بن غنام  
قديم 13-05-08, 09:40 PM   المشاركة رقم: 4
المعلومات
الكاتب:
اللقب:
إداري سابق
الرتبة:
الصورة الرمزية
 
الصورة الرمزية ناصر بن راكب

البيانات
التسجيل: Aug 2007
العضوية: 658
المواضيع: 206
الردود: 1946
جميع المشاركات: 2,152 [+]
بمعدل : 0.48 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
ناصر بن راكب غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي رد: ديوان لافي الغيداني




بارك الله فيك أبو راكان


قصائد رائعة من شاعر غني عن التعريف



بيض الله وجهك












توقيع :

عرض البوم صور ناصر بن راكب  
قديم 13-05-08, 10:28 PM   المشاركة رقم: 5
المعلومات
الكاتب:
اللقب:
شاعر
الرتبة:

البيانات
التسجيل: Apr 2008
العضوية: 992
المواضيع: 35
الردود: 202
جميع المشاركات: 237 [+]
بمعدل : 0.06 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
ابن ردمان غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي رد: ديوان لافي الغيداني

سلمت يمينك ياعبدالله بن غنام

وصح لسان الشاعر لافي












عرض البوم صور ابن ردمان  
قديم 14-05-08, 11:53 AM   المشاركة رقم: 6
المعلومات
الكاتب:
اللقب:
عضو مؤسس وإداري سابق
الرتبة:
الصورة الرمزية
 
الصورة الرمزية خلف الفريد

البيانات
التسجيل: May 2007
العضوية: 316
الاقامة: بريده
الجنس: ذكر
المواضيع: 361
الردود: 5482
جميع المشاركات: 5,843 [+]
بمعدل : 1.28 يوميا
تلقى »  26 اعجاب
ارسل »  1 اعجاب
اخر زياره : [+]
معدل التقييم:
نقاط التقييم: 309

التوقيت

الإتصالات
الحالة:
خلف الفريد غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي رد: ديوان لافي الغيداني


لافي بن حمود الغيداني (ابو حنان)
شاعر حرب الكبير
يستحق ان يوضع له ديوان في مجالس ربعه عيال راشد
هو رجل المواقف الكبيره ومن مفاخر القبيله في المحافل العظيمه على
طول الوطن وعرضه
شاعر بارع ورجل عاقل ويحمل كل صفات الطيب والرجوله
صح لسانه وعلا شانه
...
ابو عزام
جهد تشكر عليه بيض الله وجهك
________________












عرض البوم صور خلف الفريد  
قديم 15-05-08, 08:45 AM   المشاركة رقم: 7
المعلومات
الكاتب:
اللقب:
عضو مؤسس و اداري سابق
الرتبة:
الصورة الرمزية
 
الصورة الرمزية عبدالله بن غنام

البيانات
التسجيل: Mar 2007
العضوية: 16
الاقامة: مجــالس الفــردة
المواضيع: 237
الردود: 2690
جميع المشاركات: 2,927 [+]
بمعدل : 0.63 يوميا
تلقى »  7 اعجاب
ارسل »  12 اعجاب
اخر زياره : [+]
معدل التقييم:
نقاط التقييم: 120

التوقيت

الإتصالات
الحالة:
عبدالله بن غنام غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي رد: ديوان لافي الغيداني

ناصر بن راكب ، محمد بن عبيد الله ، خلف الفريد

الف شكر على مروركم وردودكم الطيبة

وبيض الله وجيهكم

ولا هنتم












توقيع :

عرض البوم صور عبدالله بن غنام  
قديم 02-07-08, 01:38 AM   المشاركة رقم: 8
المعلومات
الكاتب:
اللقب:
::عضو فعال::
الرتبة:
الصورة الرمزية
 
الصورة الرمزية طلال بن نواف بن حماد

البيانات
التسجيل: Apr 2008
العضوية: 1089
المواضيع: 36
الردود: 91
جميع المشاركات: 127 [+]
بمعدل : 0.03 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
طلال بن نواف بن حماد غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي رد: ديوان لافي الغيداني

بسم الله الرحمن الرحيم
السلام عليكم ورحمة الله وبركاته
يعيطك العافية ابو عزاام
صح لسانك وصح لسان الشعار



اخوكم /طلال بن نواف بن حماد












عرض البوم صور طلال بن نواف بن حماد  
قديم 02-10-09, 06:18 PM   المشاركة رقم: 9
المعلومات
الكاتب:
اللقب:
إداري سابق
الرتبة:
الصورة الرمزية
 
الصورة الرمزية نواف فارع

البيانات
التسجيل: Aug 2009
العضوية: 2301
الاقامة: مملكتنا
الجنس: ذكر
المواضيع: 163
الردود: 1664
جميع المشاركات: 1,827 [+]
بمعدل : 0.49 يوميا
تلقى »  30 اعجاب
ارسل »  6 اعجاب
اخر زياره : [+]
معدل التقييم:
نقاط التقييم: 51

التوقيت

الإتصالات
الحالة:
نواف فارع غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي

مشكوووووور والله يعطيك الف عافيه












عرض البوم صور نواف فارع  
قديم 02-10-09, 08:59 PM   المشاركة رقم: 10
المعلومات
الكاتب:
اللقب:
عضو ماسي مميز
الرتبة:
الصورة الرمزية
 
الصورة الرمزية عايض المقطع

البيانات
التسجيل: Sep 2009
العضوية: 2338
المواضيع: 417
الردود: 4129
جميع المشاركات: 4,546 [+]
بمعدل : 1.22 يوميا
تلقى »  1 اعجاب
اخر زياره : [+]
معدل التقييم:
نقاط التقييم: 309

التوقيت

الإتصالات
الحالة:
عايض المقطع غير متصل
وسائل الإتصال:

كاتب الموضوع : عبدالله بن غنام المنتدى : دواويـــن
افتراضي

يعطيك العافيه
ومشكور على النقل












عرض البوم صور عايض المقطع  
موضوع مغلق

الكلمات الدلالية (Tags)
الغيداني , ديوان , لافي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
لافي الغيداني المركز الأول في مسابقة سلامة سلطان ابـن مـطـيـع مجلس فضاء الشعر 22 11-12-09 08:58 PM
مبرووووووك ,, الحق اسمك !! ذيبان مجلس أخبار ومناسبات قبيلة الفرده 5 13-11-08 10:41 AM
أمانة منطقة القصيم تدعو 1367 مواطنا منحوا أراضي في بريدة منهم 78 فريدي زيد بن متعب مجلس أخبار الصحافة والإعلام 3 20-07-08 01:51 PM
لافي الغيدان وشاعر المليون ..!! متعب بن نومان مجلس أخبار الصحافة والإعلام 11 22-05-07 11:39 AM


الساعة الآن 10:24 PM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO TranZ By Almuhajir
Ads Management Version 3.0.1 by Saeed Al-Atwi
لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52