غاية المطلوب......نايف بن مياس

صح لسانك ابا ارجوان
قصيدة جزلة تعودنا ابداعك فلاتحرمنا جديدك
تقبل وافر التقدير

صح الله ابدانكم شكرا لمروركم

صح السانك يابن مياس
وارفق على عمرك
ترى الحب قتال

اقتباس:
المشاركة الأصلية كتبت بواسطة نايف بن مياس..

يا غاية المطلوب ياداي ودواي=ياغايةٍ تضفي على كل غايه
يا ضيقة الخاطر وهمي وسلواي=انته نظر عيني وسبة عمايه
ناديتني وانا لفيتك من اقصاي=لملمت احاسيسي وجيت بعصايه
واستبشرة في نية الوصل دنياي=ولاحت بروق الخير وامطر سمايه
لين اكتمل ذود الغلا داخل احماي=غزيتني واعلنت للغزو رايه
فرحت في مغزاك واهديتك ارشاي=شوفك يكفيني ويروي ضمايه
من قبلكم وانا مع النجم سراي=اقل ما يوصف عن الحال تايه
ماخيب الله فيك عزمي ورجواي=تسارعت من زود حبك خطايه
مديت لي يمناك وامسكت يمناي=الله لا يكتب لحبك نهايه
قصة غلانا يتعض فيه قراي=في سيرة العشاق تصبح حكايه
نايف بن شليويح بن مياس الفريدي

باسلام عليك ...
استبشرت في نية الوصل دنياي=ولاحت بروق الخير وامطر سمايه
الله يوفقك ويسعدك
وصح لسانك على هالمعزوفه الرومنسيه

سعد هذيل. نواف هلال. صح الله ابدانكم