|
ديوان الشاعر نواف بن هلال ابن نومان الفريدي بسم الله الرحمن الرحيم السلام عليكم ورحمة الله وبركاته نقدم لكم الديون الشعري للشاعر: نواف بن هلال ابن نومان الفريدي |
ديوان الشاعر نواف بن هلال ابن نومان الفريدي
ماقول كفّي ياحمامه عن النوح= اقول نوحي ولاانتهى النوح اعيدي من خصني يسأل عن الروح فالروح= امشي بها من بادي الوقت سيدي امشي على وضح النقا لي ولاابوح=واكتب معاناة الزمن في قصيدي نوبٍ تهيا حاجتي وين مااروح= ونوبٍ يجي عما عيوني من ايدي ماقول الأجيد في مزينه ومسروح= اقول ربعآ جيدهم فيه جيدي نارٍ لها بالشيب في مفرقي ضوح=داخل ضلوعن مثل شهب الجريدي ماتطفي الا يوم يسمح للمسموح=وتلين ناس قلوبهم من حديدي مايجتمع راعي موده ومصلوح=ولااقف بسيده وياقف بسيدي واليا لمحني عن غلا النفس لاموح= عسى رصيد الآخره هو رصيدي ايه الامر على بلاطه ومفضوح= يقود سادات العبيد العبيدي ياهوه لاتترك ولاباب مفتوح= من شان لااديور ولااروح سيدي تدرون ؟ مادري اكثر الدرس مشروح= او اغلب الفكره عتامة فريدي الشاعر / نواف بن هلال بن عوض ابن نومان الفريدي |
ديوان الشاعر نواف بن هلال ابن نومان الفريدي السلام عليكم ورحمة الله وبركاته مساكم الله بالخير اهدي لكم هذه القصيده وهي وصف وتوجد وغزل ولاكن ليس للجنس الناعم !! ((((المستشار))))
نواف بن هلال |
ديوان الشاعر نواف بن هلال ابن نومان الفريدي [align=center] بسم الله الرحمن الرحيم السلام عليكم ورحمة الله وبركاته عزوتي أبناء عمي وتاج راسي في البدايه : أحب أن اشكر أبو عزام بـ مروره في المشاركه السابقه وأقدم أعتذاري عن قلة مشاركاتي في الاقسام الاخرى وذالك لـ قلة تواجدي في النت لظروف العمل ومتى ما أتيحة الفرصه كتبت مايجيد به قلمي بما يسمح لي به الوقت ( كما أن القصيده التي في التوقيع لها قصه عندما كنا في الامارات في مهمه وطنيه للقوات الجويه العام الماضي في تصفيات شاعر المليون وحاولت ان اشارك ليس للمليون إنما للمشاركه فقط ولم أحضى بالفرصه لضروف العمل وكان مطلعها
ياشيخ جينا من بلدنا مسايير=والضيف والله شوف وجهك قهوته يالنادر اللي مايحسب المخاسير=راهي وثقف مجتمع من رهوته ودي مشاركة الحرار المشاهير=طير الوحش مافيه صيد ٍ يفوته وأنا سبوقي في يدين المناعير=حر ٍ عنيد وهدته من شهوته حر ٍ من طيور الملك وشرهتي غير=أجرم بصيدي لادعاني بصوته غالي وله عندي معزه وتقدير=اسكت وقلبي مايطول سكوته إلخ ...... وأما مشاركة اليوم فـ عسى أن تنال إعجابكم والمعذره على القصور ((((غلا الدنيا))))
|
ديوان الشاعر نواف بن هلال ابن نومان الفريدي كان مع هذه المشاركه وجهت نظر عن الخاطره وعن القصيده والفرق بينهما ولاظللت النص ..........وضاع وضاعت السوالف............ البقى في روسكم
على غلا العمر مايغلى على وقته= ويضيع في مااشتهت نفساً لها سلطه وعلى حلا كل مايحلو لاذقته=مرارته بالندم لامر مختلطه ومافات..روحي مع الايام لاحقته=ياتجربه تعتبر ....... ياتحتسب غلطه هماً يخيم على قلبي ولاطقته=شرحه يسبب لنبض الملهمه جلطه اما تساق المشاعر مثلما سقته= والا انجرف شاعر الحكمه ورا القلطه |
ديوان الشاعر نواف بن هلال ابن نومان الفريدي عند ما قال لي شخص قريب لي ........... سعود فيه جديد خابرك تعاني ....جيت كلي ]
معاناة المعنى في معانيها عناءواللهام=احاسيس ومشاعر من وهج نار الحشى ذابت وانا ياسعود اعاني من ثمان سنين قبل العام=معاناةٍ على مر الزمن معيارها ثابت والا العام واللي مر به كله خدع واوهام=يديناً عيبها من روس اناملها ولا عابت آلآ ياسعود لا من قلت لك قدام قل قدام= نبي نمشي ولو صح الخطاءوالنفس ماطابت انا باعطيك ماعندي من الافكار روس اقلام= وابيك تقول لي من ودت الدنيا ومن جابت ترا ان دورت بالشده احزام ولا لقيت احزام= فلا تنفعك ثورة بندقٍ ماعمرها صابت تبي مني الصحيح اللي عليهم علم كوم عظام=محوا بايامهم وايامنا شبنا ولا شابت عسى الله يلطف بحال الغريب بتالي الايام=بعد موت القلوب اليا دخلها الريب وارتابت للسان اهل اليمن ضاعت حروفه في بلاد الشام= وكوادر مجتمعهم تعلن التوبه ولا تابت انا مااقول ماباقي من عيال العرب مقدام= اقول اليا افترق شمل الاهالي شمسهم غابت دخل فصل الربيع,,,, وحض رعيان الرعيه قام= آلآ يازين شوف ارض الخضار بعشبها النابت . |
ديوان الشاعر نواف بن هلال ابن نومان الفريدي اخواني الاعزا السلام عليكم ورحمة الله وبركاته اليكم هذه المشاركه عزا ان تنال اعجابكم......
والله ان فيه من بين الضلوع اشتياق=من غلاي لوجوده ماأصفطه للصديق فيه وداً يطاق وهاجسً مايطاق=كانتظار النتيجه بعد فحصً دقيق فيه فرحة لقى تشكي عذاب الفراق=وسجةٍ كل ساع مَمسكتني طريق وهج الشوق محرمني منام ومذاق =لين خلا ظلوعي من فؤادي تضيق بين نبض المحبه والثواني سباق=طول وقتي وانا اغفؤ مع خياله وافيق مرحبا لا سمرنا الليل والجو راق=لاهمس للموده من عيونه بريق كن بين الشفايف والعيون اتفاق=لاهرج غبت معها في سباتً عميق وان تمادا وعانقني وطال العناق=اللتفت اتعاطى من ثناياه ريق لو تغربت فدر اني على عظم ساق=ياحبيبٍ من ازهاره جنيت الرحيق المحبه اذا ماهي من الله نفاق=لا بحب الخشوم ولا لسانً طليق |
مســافه ومدهـ السلام عليكم ورحمة الله وبركاته اخواني الأعزاء أهديكم هذه المشاركه وعسى أن تحوز على رضاكم
قالت تجي قلت الله أعلم ماني جاي = المسأله ماهي مسافه ومده ادعيلي ان الله يسدد لي خطاي = وابصر واميز مزح وقتي وجده الناس قالولي بعضهم تبي الراي = كلامك اللي تستحي منه بده قلت ايه ماتدرون باسباب شكواي = وشكواً لغير الله مذله وصده ا نا ابخص بهمي وجرحي وبلواي = وسيوف بقلبي جهدها تقده سريت لي ليل هجاده بمسراي = ارقب واسامر كل نجم واعده موج البحر صوته حداني على اقصاي = تصافق امواجه بجزره ومده وجريت صوت جاوبه عازف الناي = ضرب على وتر ضميري وشده وعودت وانا اصفق يميني بيسراي = مابي على شرح المواضيع شده ياغايتي لا تسأليني عن الجاي = أو مسأله فيها مسافه ومده |
ديوان الشاعر نواف بن هلال ابن نومان الفريدي اخواني واخواتي الكرام ..السلام عليكم ورحمة الله وبركاته .... ومبروك عليكم الشهر الله المستعان ...الحقيقه اعتذر عن الغياب لأسباب وأسباب ...الله لايشغلنا الا بطاعته ..... فهاأنا اعود واعتذر كالعاده .. المهم اليكم هذه المشاركة واعذروني .. في لليلة من الليالي لحالي في خلا خالي في اوآخر احد الشهور وكانت نجومها ساطعه في السماء فسبحان الله ...فسرح فكري ومرح معها وعوضتني بعض الشي عن نجومٍ في الذاكره ونجومٍ في التاريخ ونجومٍ في ساحة الشعر و...........الخ
سريتي يالنجوم المرقبه عني وانا أطالعك=ويبقى الجدي وسهيل الجنوبي واكبر اوجاعي سريتي وان بقيتي للسهر ياودي ابقى معك=ولو ان مالي ومال السهر مع كثرتك داعي فاذا كنتي على كثرة عددك هموم وش ياسعك=وصدري فيه كثرك ويحدنه حدب الاضلاعي همومٍ وسط قلبي ودي ابعدها كثر مأجمعك=وانا ماني لهاذا يالنجوم المرقبه واعي انا واعي على شان اتأمل فيك واودعك= والا هموم قلبي طول عمري تلوي ذراعي يطول الشرح عنها وانتي ان رحتي وش يرجعك=وانا ودي على الضؤ الضئل اعدل اوضاعي عسى نور الامل لالاح لي مايصير في موقعك=والا كان مت من القهر وعيوني اتراعي جعلك الله مصابيح السماء يانجوم في مطلعك=تشوف وتقتدي بك هالاوادم والله الراعي ولكن من يشوف دموع عينٍ زاد فيها المعك=تلافاها الكفوف وتحتضنها رووس الاصباعي مدام ان الاوادم بالخطاءتشوفك ولاتسمعك=ابا اغمض اعيوني لاحكوا واقفل اسماعي يقولون انت مخطي لو نبي نقنعك مانقنعك= وانا لارايي ولاراي غيري حاول اقناعي لصار اللي يبي يقنعك عمره مانوى ينفعك=وش ارجي من ورا انصاف الحلول ان صارت ارباعي صراحة خير يالقلب الصريح ان كانها توجعك=مابي طاري الصراحه دامها هي سبت اوجاعي تبي مني الصراحه للصراحه ماني مشجعك=دخيلك لاتخلي باقي الابواب شراعي والا ياقلب لاتحزن ترى اللي معك ماقاطعك=علاقة وصلهم مثل الرساله في يد الساعي انا قلت اني اسهر معك يانجوم الخلا ولا اتبعك=ولكن جت عواصيف الرياح وضفت شراعي |
ديوان الشاعر نواف بن هلال ابن نومان الفريدي السلام عليكم ورحمة الله وبركاته ....وبعد ارجوا منكم السموحه عن مابدر مني على الغياب وايلكم هذا الهداء ضعيف الروابع لاقبل الليل جاه النوم=مغير يتثاوب لين يفصل وفصلت فيش ولاأضحى يصحونه من النوم لين يقوم=وداوم دوامٍ مايبرّا من التنبيش باأداره حكوميه موضف ومعه اختوم=وهو باللوازم لارسى العلم طبع كديش ويوم النظام يطبقه ويتغاضى يوم=وهاذا يبرحله وهاذاك ليش وليش وفي كل درج معاملات الاوادم كوم=هاذي يفتشها وهاذي بلا تفتيش شروطٍ طلب وجودها مالها للزوم=مصالح بها رشوه واسامي لها بخشيش وفتح له حساب بكل بنك خذته القوم=وراتب شهر من اوله لآخره مانيش زمانٍ شبع فيه النذل والثعل والبوم=ولافيه الشهم والذيب والحر ياكل عيش شف الجو به طير مهاجر وطير يحوم=ذا يمتاز بالقوه وهاذا بخف الريش نفسٍ تعيش مهاجره سرها مكتوم= ونفسٍ تعيش بحق الارواح ظلم وطيش حياةٍ بدت من باب مالك عن المقسوم=وحياةٍ بد ت من باب تقتل عشان تعيش آلاياعيونٍ ماتهنت بحلو النوم=وآلا ياهجوسٍ ليشت خاطري تلييش وآلا يامراكب رحلةٍ دربها مزحوم=وآلا ياتردد ذبذبة موجة التشويش انا وين ابالقى قلب مخلص لقلبي توم= صدوق النوايا والمشاعر ويسوى جيش نبي الزود بالدنياء ولاغير زود هموم=وخدعنا الورق بالحكم والصن والتكويش |
ديوان الشاعر نواف بن هلال ابن نومان الفريدي ياصاح صاحبك راح الصيف ماصيَف=والصيف شرٍ على قلوب المواليفي فلا تحسبني ببعدي عنك متكييف=والا آخذ راحتي والا على كيفي ماغيرك احدٍ هواه القلب ياسهيَف=من بد كل الاسامي والتواصيفي عن حب غيرك من الخفرات متعيَف=ياغايتي ياهواء بالي وياريفي ياعل شمعة غرامٍ نورها ضعيف=يقطع عليها المواصل والمصاريفي لكن انا اسج لي ايام واهييف=ولوينكسر خاطري ماينكسر سيفي وابو للسانٍ صدوق وقلبٍ نظييف= تضحك عليه المقرد والملاقيفي والناس راسٍ ثقيل وراسٍ خفيف=تطرق عليها الهبايب والعواصيفي ويلفي لها هادم اللذات ويضيف=وروسٍ حسوفه وروسٍ لذواليفي |
ديوان الشاعر نواف بن هلال ابن نومان الفريدي ياللي تبي من جملت ابياتي ابيات=عساك تطلع لك بجملة مفيدة انا شعوري من صدى هاجسي مات=من يحيي احساس الشعور ويعيده لو اتعرض للخطوت العريضات=ان اشملت والا اجنبت رحت سيده مدام قولي قول واسكاتي اسكات=اشك في صحة كلام الجريده للحزن بعيون الاوادم علامات=وكم واحدٍ عمى عيونه من ايده ياجرح قلبي لاطروا الشعر بالذات=جرح الصويب اللي تمثنى وريده جرحه عطيب ووقت من يدركه فات=وموته رام ولاهل بيته فقيده من قال قلها قلت له عشر مرات=ليش الكلام اللي نقوله نعيده |
ديوان الشاعر نواف بن هلال ابن نومان الفريدي آلآ ياإله الكون يامحيي الاموات=وآلآيامميت الحي يالعادل القاضي ياعالمن بالغيب ياجابر العثرات=عساني من اهل الخير واعض ومعتاضي واليا فات نصف الليل لي بآخره ركعات=اسالك رضى وجهك بروحي وانا واضي ولا ليلةٍ فيها الهواجيس ود وهات=وساعه عن الحاضروساعه عن الماضي لها بالزمن وقفه لها بالعمر وقفات=ولامنشغل فيها ولاني لها فاضي وللوقت كلمه مثل ماللكلام اوقات=ولا طال صبر الصمت ماحسن الفاضي يالو ماعلى المكشوف نستثني الغلطات=مابآدم وحواء بيننا وحدٍ راضي لنا ماعملنا له والاعمال بالنيات=مثل مانوايانا طويلات واعراضي |
ديوان الشاعر نواف بن هلال ابن نومان الفريدي جيت من سفر بعد مده ليست ىبالقصيرة واذا بهاجر تبكي . طاقها ابوها مادري امها.. وجت تشتكي ومافهمت عليها المهم انها زعلانها وانا ضايق خلقه وبحاله لاتسمح بان ترى الدموع... ليه ياهاجر وش اسباب الدموع=قولي لخالك علامك وش بلاك قولي للخالٍ من الدمعه جزوع=من دموعك هل دمعه من غلاك قولي للخالٍ من الدنياء قنوع=مانسى درس الزمان ولانساك ريحي قلبٍ خفق بين الظلوع=مستهيم وزاد همه من ابكاك ليه مابكي لا بليد ولا قطوع=بس انا رجال وانتي وش وراك طفلةٍ فيك البراءه كل نوع=ونظرة عيونك تبين عن خفاك والا انا بادٍ حياتي بالرجوع=ولايقارن مستواي بمستواك من ربوع العام لين آخر ربوع=وحال خالك من هلاكٍ في هلاك حاصلٍ له بالدهر قلة سنوع=مع هذاك ومع هذاك ومع هذاك |
ديوان الشاعر نواف بن هلال ابن نومان الفريدي خاطره في خاطري.... والله اني ماتوقعت مادري ماأهقاء=ينخدع فيني صديقي وغيره في حريق مستعد اقضي الوقت من دون اصدقاء=بس ماخون الصداقة وينساني صديق باقيه يانيت الخير لله البقاء=للأسف ماكل دربٍ يبين له رفيق ون تخلو عنك الاصحاب مع درب الشقاء=والله ان تشوف ناسٍ على نفس الطريق المشاعر تنجرح غصب والدنياءمحقاء=كنها تقول انت بالمجتمع خبرك عتيق |
ديوان الشاعر نواف بن هلال ابن نومان الفريدي الا ياهاجسٍ قلبي مقره=يسريني على روس الهضابي ياليت يفكني خيره وشره=عسى ماهو بهالدنياء عذابي لمحته بالنظر مره ومره=ولابرقت به من كثر مابي لقا مع مايسره مايضره=وانا اطمع باليمين اخذاكتابي اشوف الضحك بوجيه المغره=مثل قولت يالهوووي ياخرابي عرضلي بالخلا منقوز جره=وانا ماشعب وراء الغادي اركابي يفر الراس والا مايفره=لافر الراس مسبوع العلابي وانا لولا الشعر لله دره=من يمثل حضوري في غيابي احسَب له من نجوم المجره=وعلى كل اتجاه احسب احسابي بلاي اني لياجيت أتشره=تعود شهرهتي مثل انسحابي ولاردوا للتفتيش الاصره=زهاب احمولهم ماهو زهابي افك من القهر ثوبي وأزره=يلوموني وانا اشقق اثيابي كبرت بعين جساس بن مره=ونار الصبر في زهرة شبابي |
ديوان الشاعر نواف بن هلال ابن نومان الفريدي بعد مرور سنه من عدم كتابة ولو بيت واحد اتصل فيني الاخ العزيز الرائد (الشاعر)خالد بن حواس المطوطح العنزي ( ابوغلا) قال لي : وش الجديد وكنا في اول ايام الشتاء قلت : طال ليل الشتاء يابو غلا وآهجاد=من سرتبه هواجيسه يعيد ويزيد يوم كلاً رقد ماهوب وأيا الرقاد=نوب ياقف على حيله ونوبٍ مسيد مثل حالي وحالك ياجريح الفؤاد=في مجال السعادة مابنا اللي سعيد آآه وآجرح قلبي جرح سيلاً لواد=له ظلوعي صفاء واعروق قلبي هميد اعطبتني ضروف الوقت على انفراد=مثل ماأعطب علي الرنج عبد الحميد جيت يمه يصلح موتري قال باد=(شور اي تشينج اوول اف ذيز ات واز نيد)1 وأخلف اسلاك كهربته وراحت رماد=هل بنا يامعاوين الدهر من مزيد ترك الأخطاء يساعد بانتشار الفساد=والمحاباه وانواع المجامل مبيد احسب اني تركت الشعر منا وغاد=لين هبت نسانيس الهواء لي قصيد ويوم هبت هبوبه مع هبوب البراد=ابتداء الواهس الشعري وجا من جديد فيه من فاد في شعره وهومااستفاد=وفيه لو كان مافاد العرب مستفيد |
ديوان الشاعر نواف بن هلال ابن نومان الفريدي قبل تقريباً ست سنوات بعد مافاز الشيخ عليان الطهيمي الذي رفع راس حرب في ام رقيبه وكنت وقتها بالدوام وكان عندنا ضغط عمل والاجازات موقفه وبعد مارجع من المزاين الى عرق المظهور واكان جارٍ ل ابوي في ذالك الوقت علماً بان من المفروض ان يكون الاول في السنة التي قبلها عندما اخذ المركز الثامن ظلماً المهم انفكت الجازات وجيت لهم وكان معي جمس بليزر آن ذاك يالبليزر مانت وارد بهبهاني=لو لقينا من وصوفه فيك عينه جمس مثله تطوي الخط بثواني=لاكن انك تختلف قير ومكينه لانت حوض ولاتسمى سبرماني=اقطمٍ فيك الدبل متكاثرينه يوم احدك مع خطات الدرب ماني=حاسبٍ للبر والا للمدينه شد حيلك في زماني ماكفاني=وازبن اللي كلبونا خابرينه يم ابو فواز راع الويضحاني=وابك اباسلم على خشمه وعينه ويوم فاز وحدني دونه زماني=ماحضرت وكل ربعي حاضرينه ادري انه في قصيدي ماحتراني=بس شئاً ودنا انَا قايلينه ياهل الذيدان ياقاصي وداني=فيه سيفٍ للمواقف ذاخرينه اركدوا ياهل المغاتير لسماني=ماقفه بالطيب مانتم واصلينه جامعٍ له غيرها عدة معاني=ولايخالف فعله بدنياه دينه وبانيٍ له للكرم عدة مباني=من لفاه يقول يالله لاتهينه ويم اعدوا للزمان وللمكاني=وقفوا ووجيههم زينه وشينه طبن الميدان وضحٍ طيخماني=كنهن خلقاً لوجه الارض زينه حول راعيهن تغشلاهن جناني=خلن الجمهور مايدرون وينه يسألن اللي ركب فوق لحصاني=ليت ابو فواز ماهم مزعلينه وجابن الاول وفازن عام ثاني=والاودم كل شئً خابرينه خلن الحاسد يعاني مايعاني=فرحوا الصحابه وزعلوا مبغضينه |
ديوان الشاعر نواف بن هلال ابن نومان الفريدي هذه قصيده جتني على الجوال ولااعرف من قايلها الى يومنا هاذا وقد رديت عليها ولكن بعدما عرف صاحبها اولاً واسوف اخبركم بالرد ارجوا من يعرف منكم صاحبها ان ينورنا جزاه الله خير اباسأل الشعار واهل المراسيل=اللي لهم في نكبة الوقت خبره وش حل منكوب الزمن والغرابيل=اللي قضاأ من غدر الايام صبره يبني على الماضي وينسى المقابيل= وتموت في صدره من الغبن عبره وبأمكانكم الرد لتنتفاعل معاً ولكم جزيل الشكر |
ديوان الشاعر نواف بن هلال ابن نومان الفريدي الحقيقه هو لم يتجه الى ربه في مصيبته يبني على الماضي وينسى المقابيل=ويجرد ايدينه على حفر قبره الياس يقعد في نفوس الهراميل=الا مع اللي لاشبر زاد شبره الصبر مايبحث خفايا الرجاجيل=والحر به ميزه وصمله ودبره والونونه مامن وراها محاصيل=حنا يكفينا من الصوت نبره ايامنا فيها من العدل والميل=وياكبر يوماً ماحسبنا لكبره ان كان للايمان بقلوبنا حيل=ناخذ من اولى قدرة الله عبره لله من خلقه عبادة وتهليل=ومن صد لاشاف المصايب يخبره والفلسفه مالي عليها مداخيل=الا الصراحه لو لها موضع ابره ولوقيل حللنا عنأ الوقت تحليل=لازال ينقصنا جراءه وخبره وصدام طشته الحيل والمحابيل=مافاد فيه الشعر كسره وجبره |
ديوان الشاعر نواف بن هلال ابن نومان الفريدي يقولون يارجال طنش ومش الحال=ترا اهم مافي هالزمن تمشيت حالك وانا اقول كيف الحال...؟ تمشي بضيقة بال=اجل ليه قالوا دير بالك على حالك انا والله اني لامجامل ولاني ذال=لاقول لرفيقي حط علمي على بالك تعرف على الاجواد وابعد عن الانذال=لو ان الخلا في وقتنا الحالي اشوا لك بعيدٍ عن العالم وعن قول قيل وقال= ومشاكل حياتك كلها تحلها لحلك |
ديوان الشاعر نواف بن هلال ابن نومان الفريدي منصور ياراع الحصان الجامح=عليك بالملهوفه المملوحه من يوم سموها الهنوف الطامح=وهي شف طلاب العلاء واشبوحه من غيها مثل الذلول الرامح=تومي بشذاب القفى وتشوحه يلقى بها الرجال وجهٍسامح=عن الوجيه اللي مهي مسموحه المرجله نجمٍبكونك لامح=منين ماوجهت جابك ضوحه هي عشقتك وانت اللعشق الدامح=دوعتك بحبوحةٍ طحطوحه |
ديوان الشاعر نواف بن هلال ابن نومان الفريدي ياصغيرة سن وش عندك بهالطله=ضنك لجل صغر سنك مابنا غيره من وقفتك والتفاتك بانت الخله=كنك تقولين يمكن بالنظر خيره عباتك الضيقه من قدم منحله=والجنز بينةٍ اجيوبه وازاريره من الهواء بان كل شيٍ على حله=ياصغيره كن منتي من هل الديره موضه وساعدتي المخطي على الزله=واللي مربيك بان ..وبان..تقصيره يقفون لك ناس لامذهب ولا مله=والا انا وين قلبي يالله الخيره وش ينفعك حب قلبٍ غاديٍ كله=مع واحدٍ تل قلبي من شناكيره اقفى خفوقي معه بيديه ويتله=تقول دوار صيد وخافقي طيره له عنق ريمٍ جفول يخاف من ضله=ضله يذيره ونسناس الهواء يذيره احب وصفه غرامه دقه وجله=وحسنه ومنطوقه ودله وتفكيره ياعل منلام خلٍ في هواء خله=يلحق عليه الغرام ويلعن صيره ارجوك ياللي تجيه وتاصله قله=قله تراني من اجله صرت في حيره لاصار خله عسل لايلحسه كله=ترا النحل مانتج انتاجه على سيره |
ديوان الشاعر نواف بن هلال ابن نومان الفريدي هذه قصيده قديمه عندما كنا طلبه في معهد الدراسات الفنيه كنت اسولف انا واحد الزملا من قبيله احد قبايل نجد المعروفه وكانت السوالف عن الغزو والاخذ والماخوذ وحسين كان يسمع ومنتقدنا لنقاشنا عن الماضي ومعه حق هرج بالفايت نقصان بالعقل ويقول الوقت الحين احسن من اول بس هاذا تاريخ لنا وهو تاريخه بالمدن من طلع ياحسين وش عرفك لزين والشين=ارقد يالين الصبح يضهر شعاعه بالعسكريه علمتك الميادين=عسى تعلمك الظفر والشجاعه وش عرفك لزين والشين ياحسين=ومرباك بين المدرسه والزراعه ماذقت لفح البرد عند البعارين=ولامرحت في جوٍ تعاوا سباعه ولا اخذت لك عن فكت الريق يومين=ولايكفي عيونك من النوم ساعه ولا غرفت الماء بكفك عن الطين=ولا عندك لسم العقارب مناعه ياحسين وش بالوقت هاذا من الزين=والله مغير الخكرنه والصياعه ناس تحسب المرجله بالملايين=لاسلم لامذهب ولا اصحاب طاعه والرجل لو مابجيبه الا ريالين=قناعته في نفسه اكبر بضاعه لاصار لايبخل ولا يجحد الدين=ولا خان جار ولا ابغضوه الجماعه ترا الطمع ماهي هروج المساكين=عرفك لعصمان الشوارب طماعه ياحسين خلك مع شكيرا وشاهين=والجنز والصندل ولبس المياعه لاعاد تنشدني ولا اقول بعدين=انا بدويٍ ماطباعك اطباعه |
ديوان الشاعر نواف بن هلال ابن نومان الفريدي راح ضني بعيد وقلت له وين رايح=وكان خانك زمانك وين ودك تروح ليه ياضن قلبي ماحفظت النصايح=تحسبٍ كل قلبٍ مثل طبعك نصوح كل ضناً تضنه لاكتشفته فضايح=وانت ماتبت مادري ماتعبتك الجروح بالزمان اختلاف ورتم الاحلام طايح=وانت بين الامور الجاده والمزوح صاح قلبي وانا اسمعلي قلوبٍ تصايح=والله اني فلا ادري بعدها وين اروح التعابير ماترضي جميع الشرايح=لو مجرد.... معاناه.. وتداعي ..وبوح |
ديوان الشاعر نواف بن هلال ابن نومان الفريدي السلام عليكم ورحمة الله وبركاته .....بعد شفت آخر ليل والتعب ارجع الا وحدتي والكآبه التي تنظرني فالنظر الا الجهاز ياريحت هلي اقترب وادخل الى مجالسنا اجد نفسي والكل حولي وكانني ملكت الدنياء ووسط ربعي وناسي .حتى ولو كنت ..... من ورا القضبان واسوار الحديد....والدراسه طولوا ماعطلوا....ومحمد الفهد مازارني ..حكم القاضي!!!!والسبب........... (رمح الجليله) ولا ويتواصون بعد...ههههههههههههههه ......قوانتا نامو مره وحده يابو عمر اليكم هاذه التبرير والكلمات التي سمعها المشرف وهو احد ظباط القسم وكبيرهم ابو فيصل....بعد ما أيد عظم العرب على القرار... وياحبني لسوالفكم ولثقتكم بنا ياشبابكم .. حتى لو سجنتوني وخليتم نايف ومحمد الفهد وبن مطيع الين اغووني وانا عد من اهبالي جيت من اقصاي اقول طولتها صححححح؟؟؟ يامحمد الدنياء تجارب وميدان=وكلن بهادنياء يدور حصيله وانا تحصلت العقوبه مسيان=من روس ربعٍ يحتمون الدبيله يوم ارتكز رمح الغلا بابن نومان=سهماً رماني من ايدين الجليله شفني من سهوم الهواء طحت مرضان=لازم خويك يامحمد تجيله قم واركبه تكفى على بنت شقران=حمراً خطاها يامحمد طويله قبل يجونه بالمساء جيش الاخوان=يتلون ابن حماد شيخ القبيله شيخاً يبين به السطر وين مابان=تركز له البيضاء براس الطويله عيال راشد يوم روغات الاذهان=يوفون لابار العميل بعميله تعرف مواقفهم على مر الازمان=ماهو مجرد عرف يومٍٍوليله قلته وانا متنحرٍ طير حوران=يزي نياقه من قراح الثميله منصور مع عظم العرب وبن جضعان=وابو زوايد راح معهم دليله قولوا لبو يارا سلايل كحيلان=ترا سبب بلواي شقراء جديله عنق المهاه اللي تقل عين شيهان=تركي على كبد المعنى مليله ولاني بجابانٍ ولا ولد جابان=بس التقيد بالمذاهب فضيله مذهب هل التوحيد ذربين الايمان=وانا حفيد اهل العلوم الجميله الى متى سجن القوافي والاوزان=في خافقٍ بين الظلوع النحيله اليوم يامحمد فهد كان ماكان=في صفحة كتاب الف ليله وليله يلين ضلع طويق والراس مالان=اما تشيل الحمل والا نشيله |
ديوان الشاعر نواف بن هلال ابن نومان الفريدي هاذي قصيده قديمه القديم ماعطانا فرصه للجديد ..والبركه بالعود اللي والله من عنده من الجديد اللي ينسينا القصيد هاذي ابيات اجارنا وياكم من نميمة اهل النميمه والحقد والحسد كلاً هرج ناقد وحاقد وكذاب=في عرض اجاويدٍ نواهم سليمه في عرضهم لو ينفتح للردي باب=النيه البيضاء هي اقوى عزيمه بعد كذا حقد نقد ياكل ترررر=مدام لك بين اهل العرف قيمه بعض الخطايا ماحسبنا لها احساب=ويلقى بها راع النمايم نميمه راع الهواء ماخطى ويخطي ولو صاب=يصيب وآمآل الهزيمه هزيمه اشرح خفايا اسباب واجنب اسباب=والا المواضيع المهمه قديمه وشلون لو اشرح سبب شيب في شاب=ومن يدري..؟ان مابعد هاذي ظليمه!! |
ديوان الشاعر نواف بن هلال ابن نومان الفريدي اخواني المشرفين على قسم الشعر الخاص وهم الشيبان الكبار المعروفين الله لايحرمنا منهم ... الحقيقه نحن كشعراء المجالس هي المكان الوحيد لحفظ حقوقنا ...والله يعطيكم الف عافيه على ماتقومون به من جهود جباره وملموسه..ارجوا منكم ان توضع القصايد في ملف يمكن لصاحب القصايد الاطلاع عليه ونسخ القصايد التي يريد ليقدر على تنزيلها باي موقع يريد انا لا اخفي عليكم عندما يطلب مني احد المواقع قصايد ارجع لمجالسنا لكن لا استطع نسخ القصايد .....(عاد محاكيكم كسول مافيني من كتب )فاوعدهم ولا اوفي بسبب ظروف عمل اوغيرها .....واتكاسل من الكتابه بالنسبه لي انا لم يبق من القديم الا القليل فاريد ان اضعه كله هنا واوعدكم باي جديد اول ما انزلها هنا بمجالسنا ولكم جزيل الشكر .... وهاذي من القديم : من غلا اللي تسكن القلب قلبي منغبن=من هنوفٍ لانستني ولاهي غاويه كلمةٍ فيه تخفف من جروح الزمن=كان ماتقوى عليها فلاهي قاويه الجروح اللي هاك الحين فيني قد برن=بس مادري فيني اليوم وشهي ناويه حبها داخل ضلوعي من ضلوعي مكن=لين راحت كنها اعجاز نخلاً خاويه ليتها ترفق بحالي وقلبي يطمئن=والله اني لاترك الشعر وامسك زاويه لامتى والقلب مشغول والخافق يون=والعيون القشر هي والسهر متخاويه لاضواها اليل واطبق على الجفن الجفن=جاك دور هموم قلبي وجتني ضاويه كن بين ضلوع قلبي جيوشاً تطَحن=تجعل الارض الوعر تحتها متساويه مصبراً قلبي عليها من اسنينٍ مضن=ومن يقول اني لاهالحين فأمه هاويه يوم شافت قلب من حبها ماله ثمن=مأعتقد تنقض جروحٍ ماهي متشاويه |
ديوان الشاعر نواف بن هلال ابن نومان الفريدي هاذي اول قصيده بال بي ام قبل قصيدة (المستشار ) الموجوده هنا في مشاركاتي القديمه..... اما هذه فهي في 9/8/1425 هجري وهي في الرايد نواف بن خصيوي بن نومان الفريدي ايام تسجيل الكليه ولا قصر ابو بدر سوا اللي عليه والباقي بيد رب العالمين والرجال لابذل المجهود سد اللزوم وماقصر الله يعافيه الله على اللي مادرج مع معاليه=ولاله حلاياً سابقه يوم احلي لااقبل تقول يقول لك ليه وش فيه=عيون فزاعٍ يعقد ويحلي واليااعترض ماله ضلالٍ يباريه=ولااقفى تقول انه مضلة مضلي وان جيت من داخل فخامه وترفيه=راحه وامان ولتسلي تسلي نعومة اسياته من اللمس لبيه=صدر الهنوف اللي ذبحها التغلي البورش ياخذ من وصوفه ويخطيه=في سرعته والا الحلايا يولي آخر مديلات السنه باسم راعيه=بي ام دبل يو ياعين ياللي حجمه سبع ميه وستين كوبيه=ماهو بجفالي ولا بامجلي لاتله اللي طامعٍ فيه يعطيه=كل المواتر مع طريقه تجلي يلفي على بيتٍ على العز بانيه=رجلاٍ على كل المراجل مطلي اللي كلامه يالله انك تحييه=له مجلسٍ منه العرب ماتملي سمه باسم الحر الاشقر مسميه=سماه باسمه واخذٍ منه دلي نواف وان قلت ونعم ماتكفيه=قمة جبل بين الجبال متعلي الطيب ماكلٍ يعرفه يسويه=البعض يفعلها رياء لو يهلي ونواف كنه ياخذه من مخابيه=يتعب رجالٍمامشوا معه ملي ابو بدر له هيبته لوتحاكيه=لوهو معي في مطلبي فازعٍ لي قله ترا الكل احتزم في بناخيه=وانا اعتبتك بينهم محزمٍ لي الياعتزاء خطو الولد في عوانيه=انته اليامال الدهر عزوتنٍلي ياشوق غروٍ له جديلاً مغطيه=من هامته لين اسفل الساق فلي غروٍ يعرض الخجل في تخطيه=ردفٍ يتله ترف الاقدام تلي الخد براقٍ سرا له لهاليه=والعنق عنق غزيلاٍ مسفهلي تشوم لافعاله وتفرح بطاريه=اللي على مثله حلالٍ محلي قله طرقت ابواب كل المشاريه=وان جيت افك اقفالها ماحصلي وانا نصيت الله ثم جيت ناصيه=يوم الامل في فزعته باينٍ لي يسعى بسبب رزقٍ على الله مساعيه=الواحد اللي له نصوم ونصلي ارزاق واعمار المخاليق بيديه=وحنا برجوى واحدٍ مايخلي |
ديوان الشاعر نواف بن هلال ابن نومان الفريدي لقد وعدكم بشريط الهدأت بقصيده ..قديمه ...يقال الولد اما عقب صياح والا عقب نكاح مثل قديم عند البدو الصباح ان كاني اصبحت ياهمي رباح=والا انت ومايسبب مساريك مخبور مابسهرك للطواريق للصدر انشراح=كانها جتني تبارا هواجيس وشعور لو بعضها بالتهاتيه تذروها الرياح=مامحت لو الاعاصير تنحت بالصخور تارةٍ تاخذ من البحر شهلول القراح=وتنثر الؤلؤ وماأدراك ما بين السطور وتارةٍ تسقي من انيابها السم الذحاح=والصحيح الله يعلم بما تخفي الصدور لا اصياح يبين عقبه ولا عقب النكاح=مستتبه والرياء عم والآش معذور يستفزك وان رسى العلم يقعد بالمراح=وبيننا يانعمة الله تقل علباة ثور وان تعثر كبوة حصان وطاح الا ماطاح؟؟=مايخسى الا هو لا طاح جعله مايثور ناس تسعى للثقافه وتبي الانفتاح=وناس لا..تمشي وتاقف على دهن السيور وفيه ناس انه من احقوقها نزع السلاح=وفيه ناس انه من حقوقها تلف وتدور وناس منهجهم مصايب وهدمٍ واجتياح=واعساهم للمصايب وفلونزا الطيور تعتقل والا من حقوقها تطلق سراح=يالله بعفوك وبرضاك واليك النشور وفيه ناس انه من احقوقها شوف الطياح=في فياضٍ مابها الا الزبيدي والزهور والا انا فمنحقوقي وريح المسك فاح=وكان ماهو من حقوقي فبهتانٍ وزور منك ياراع العسل لي تقديمه مباح=اسقني من صافي الشهد وابعث بي سرور والامل لا لاح نوره مثل نور الصباح=وركعتين اخير منها لنا وقت السحور هيه ياللي غرك الوقت وايام الملاح=كلها مده وتنظم لصحاب القبور ماذكر من بادي الوقت مخلوق استراح=لين تفنيه الليالي وصالح ومعثور ماشتكينا لا تعبنا تبي الدنياء كفاح=نشتكي من ضعف الايمان والدنياء غرور وذنب نفسٍ همها قام يطلبها السماح=وباح سده في ضميرٍعلى الشده صبور قال حي للصلاة وحي ....للفلاح=وقمت اجاوب صوت الاذان يالله ياغفور لاغفيت ولا تعينت من همي مراح=مابقى الا من بعد حزته دماً يفور |
ديوان الشاعر نواف بن هلال ابن نومان الفريدي اخواني السلام عليكم ورحمة الله وبركاته.....اعذروني على الغياب وعدم الرد على المشاركات... من خبركم جيت القصيم ومشاء الله عليكم ياهل القصيم كله عروس مايمدي الواحد يتنفس السنه هاذي بزياده عقبالنا انشاء الله ابو عمر وابو عبد العزيز وابو فيصل ...وجميع الموجودين........ اهدي لكم هاذه القصيده التي ربما تشفع لي عن الغياب وهي من جديدي .....بعد مامشيت من مخيم الفرده بالجبيل متجه للقصيم على طريق الصمان من مفرق القريه العلياء انا وانت يالفكتوريا صنعت اليهود=نبي نمسي بديره ونصبح لنا بديره ابسري عليك الليل من ديرة ابو جود=خطٍ طويل ومظلمٍ مامعه نيره انا باحرق الافكار وانت احرق الوقود=وطريق القصيم مغربلتنا مشاويره بداعب اهمومي وانت داعب هبوب النود=يالين الصبح باكر تجاوب عصافيره انا كنت اكب القار واعارض النفود=يوم اني على الجمس الحمر يالله الخيره وبعد صار لي عامين عن شوفت اهل الذود=وعن اللي يجي قير الدبل في طرف قيره مع اهل البلد شفت اغلب السيارات فرود=وشريته على شان اقتصاده وتوفيره يقولون في هالوقت مافيه اميرٍ كود= رجــــــلاً عــــطاه الله وكثرة دنـــانيره وانا اقول لابالله منكم لكم مردود=لارحم ابوه ولارحم من هو اميره الامير والله كل من عقب بن سعود=والامير والله من تعاقب مساييره والامير منهو يفعل الجود بالماجود=والامير منهو راعي الجاه والجيره والامير والله وان لفى بيته المضهود=وقف ماقفٍ ماينوقف به على سيره ترا المال مع حتى الحضارم وابو هنود=وخطو البخيل اللي يحسب مخاسيره تزود الدراهم والطمع والجشع يزود=ويزود ويزود وزاد حسرة معاسيره يبرَرد على كبودٍ ويفحم وراه كبود=سعت له ولا تدري بعدها وش الخيره معه تختلف كل النوايا عن المقصود=مثل ماختلف عن مجمل الحلم تفسيره دروب المراجل مالها مذهبٍ محدود=يدور الزمان وكل درب ومداويره بنينا على بحر الأمآني جسر ممدود=متى ماانتهت سيره معه تبتدي سيره تنقيت من جزل المعاني ثلاث بنود=تخيَر بها شعر النبط من شواعيره لي الشعر مجدٍ من تحت راس هاك العود=قولٍ لابن نومان جدي وانا اثيره عساك ياللي تكره المقبلين تعود=عقب الغناه الى الفقر في حذافيره اذا عشت جسمك مرتعٍ للمرض والدود=واذا مت مثواك الجحيم وزمهريره وانا بوجه ربي واحدٍ عالمٍ معبود=اله عباده كلها في رجاء خيره وصلوا عدد ماعدَ واللي مهو معدود=على المصطفى شفيعنا مالنا غيره |
ديوان الشاعر نواف بن هلال ابن نومان الفريدي السلام عليكم ورحمة الله وبركاته... اخواني الشهر عليكم مبارك اللهم اجعلنا من صيامه وقيامه ..وضاعف لنا الاجر والثواب قريت مقابله في عضوء تحت الاضواء لبو حمد واتضح لي من خلالها حبه للنجوم وقال: خاصه في جو صافي ..فقد مريت بهاذه الصوره وقلت فيها ابيات اهديها لبو حمد للمعلوميه القصيده مكرر سريتي يالنجوم المرقبه عني وانا أطالعك=ويبقى الجدي وسهيل الجنوبي واكبر اوجاعي سريتي وان بقيتي للسهر ياودي ابقى معك=ولو ان مالي ومال السهر مع كثرتك داعي فاذا كنتي على كثرة عددك هموم وش ياسعك=وصدري فيه كثرك ويحدنه حدب الاضلاعي همومٍ وسط قلبي ودي ابعدها كثر مأجمعك=وانا ماني لهاذا يالنجوم المرقبه واعي انا واعي على شان اتأمل فيك واودعك=والا هموم قلبي طول عمري تلوي ذراعي يطول الشرح عنها وانتي ان رحتي وش يرجعك=وانا ودي على الضؤ الضئل اعدل اوضاعي عسى نور الامل لالاح لي مايصير في موقعك=والا كان مت مت من القهر وعيوني اتراعي جعلك الله مصابيح السماء يانجوم في مطلعك=تشوف وتقتدي بك هالاوادم والله الراعي ولكن من يشوف دموع عينٍ زاد فيها المعك=تلافاها الكفوف وتحتضنها رووس الاصباعي مدام ان الاوادم بالخطاءتشوفك ولاتسمعك=ابا اغمض اعيوني لاحكوا واقفل اسماعي يقولون انت مخطي لو نبي نقنعك مانقنعك=وانا لارايي ولاراي غيري حاول اقناعي لصار اللي يبي يقنعك عمره مانوى ينفعك=وش ارجي من ورا انصاف الحلول ان صارت ارباعي صراحة خير يالقلب الصريح ان كانها توجعك=مابي طاري الصراحه دامها هي سبت اوجاعي تبي مني الصراحه للصراحه ماني مشجعك=دخيلك لاتخلي باقي الابواب شراعي والا ياقلب لاتحزن ترى اللي معك ماقاطعك=علاقة وصلهم مثل الرساله في يد الساعي انا قلت اني اسهر معك يانجوم الخلا ولا اتبعك=ولكن جت عواصيف الرياح وضفت شراعي |
ديوان الشاعر نواف بن هلال ابن نومان الفريدي على ماقال ابو ارجوان لازم نفتش بالادراج ....الحقيقه انا مافتشت واجهت (سعود) صديقي وزميل السكن ايام العزوبيه وذكرني بهاذه الابيات عطني الفنجال والمسباحه=قبل ابيَن ياسعود صياحي قلب تنزف ياسعود إجراحه=كيف تمحى جعلها للماحي؟ انت يمكن دمعتك مباحه=والا انا حرمت علي افراحي قاطعٍ بحر الخليج سباحه=وساعدتني للعبور اشباحي اعتبرها تجربه واسياحه=ولايسوي هاسواه اسياحي اشهد ان اهل العقول براحه=وآآآآآآه.... ياكبر الخطاء للصاحي انت قلت ان دمعتك فضاحه=وتبكي عيونك زمانٍ راحي قلت لك... سجني غدا مفتاحه=وقلت لي... عند الخصيم سلاحي قلت ورده..؟ قلت لا..تفاحه=وانت بس هاذا جداك تناحي قاطعين من العناء مساحه=ميسين وللسراب نتاحي تمسح اللي نكتب المسَاحه=مثل حظٍ قلت قام وطاحي ومثل سرق العالم المزَاحه=يلعن الله سارقٍ مزاحي لو لقينا بالصراحه راحه=مانخفَي شيبنا لالاحي |
ديوان الشاعر نواف بن هلال ابن نومان الفريدي ارسل لي الصديق العزيز خالد بن عايض العملطي هاذا البيت بعد مده لم نلتقي فيها.. فبعد ما تنصدم من بعض الاصدقاء والمعارف وازملاء عندما ترا صديقاء مخلصاً ويتضح عكس ذالك وعندما تعرف زميلا صادقاً ويتضح عكس ذالك ورجلا شهماً ويتضح عكس الك وآخر صادقاً ويتضح عكس ذالك ورجلا ملتزماً ويتضح عكس ذالك ماذا يراودك غير شعور الياس..؟ يامطول بغيبتك وش لون الاحوال= عساك في غيبتك طيب ومبسوط وقد جاراها الشاعر خالد بن حواس العنزي ابو غلا وقصيدته في جهاز نسيته في بريده عند عودتي انقلها لكم بأذن الله... ياخالد الاحوال من حال في حال=تقفي بنا شوطاً وتقبل بنا شوط نسعى وتفرحنا الاماني والآمال=والياس له صوتٍ من الحزن مشحوط لاخاب ظنك في رصيدٍ من المال=مالك مشاريهٍ على الناس واشروط وان قيل من قاله فقل لابن هلال=مضبوط والا جعل ماهو بمظبوط راح الوفاء ياطيب الفال بريال=والشك يجلد فاعل الطيب في سوط البر ضاقت به من الجال للجال=والجو ملَيانٍ بواشق وشبوط والمجتمع نصه مساكين وانذال=واللي بقي منهم شواكيش وجنوط |
ديوان الشاعر نواف بن هلال ابن نومان الفريدي اوراق بالذاكره ياذنب غيري وش يجيبك لجنبي؟=من شان اطهر مهجتي منك واتوب! وكانه على انك ماتجي ربع ذنبي؟؟=انا بعد....ماهوب ناقصني ذنوب!! ولو ان زفرات الهوى بينن بي؟؟=وانك هواي وكل ممنوع مرغوب؟؟؟ صديت عنك وصدتي عنك تبي=اني لغني لك هجيني ومسحوب واخطيت واسهوم المنايا رمنبي=نسييييت من قولت.....(مقدر ومكتوب) واصبحت ياقلب الشقاء مسرفٍ بي=لاجل الهوى واهل اهوى كلك عيوب منها مكاتيب العنى شيبن بي=قريت فيها حبل الافكار مقلوب ياذنب غيري لاتقرب لجنبي=انا ترا ماهوب ناقصني ذنوب |
ديوان الشاعر نواف بن هلال ابن نومان الفريدي [
علام الحياة اليا اضحكتلي وطاب الفال=تضيق الدروب اللي وساعٍ مداخلها؟ قالوا ضروف الوقت ماتخلف الرجال=ولاتخلف اهل المرجلها عن مراجلها وانا اقول يالي قلت ماقلت لي قال=لاصرت بمكاني ياقليل العناء قلها وذا شلت شئاً شاله القلب ماينشال=مع اللي قدرت تشيل ماشلتها شلها واذا ضقت منها طق راسك بعرض الجال=نتيجه غلطك الله يعينك تحملها يومٍ نصيح من العناء والامل مازال=ويومٍ نبي للعافيه مانحصلها درست بتضاريس ارضها قبل احط اعقال=وهالحين متوكل على الله وعاقلها ابي بس منها يوم شئٍ يسر البال=تداري بداية فرحتي لين اكملها |
ديوان الشاعر نواف بن هلال ابن نومان الفريدي قصيده قديمه كادت ان تندثر اتمنى ان تنال اعجابكم .. فقط..من كثرة التفكير.!! لاساحر ولا مسحور=تراودني ببالي فكرةٍ وازريت اسويها صبرت وقلت ابااصبر طول عمري والزمان يدور=ولاادري كيف ابااصبر يوم بانت لي مواريها ولكن مالي الا اكتب قصيدة خاطرٍ مكسور=عسى كل البيوت اللي كتبها نحتفظ فيها قصيدة خاطرٍ لاضاق يكتبها بدون اشعور=يوجهها على كل اتجاه ولايداريها اعاني ضيقةٍ زادت لها عام وثمان شهور=واذا زادت تجي من كل صوبٍ قل واليها مشاكل كل مشكلةٍ على عنوانها محظور=ياما صار في عنوانها والا يباريها ابي منها السلامه مير جا للحظ فيها دور=وحظي خابره وده يكحلها ويعميها لاجيت اصد عن كثر الكلام ولجة الجمهور=والامني بديت الخطوه ادري وين ابنهيها لقيت اللي يبي له مصلحه يضحك يلف يدور=على كلمه وراها حاجةٍ بالنفس ناويها وكلمة ماعليكم زود او ماجاه منك اقصور=ترا ماقالها الا لحاجةٍ في يدك تعطيها على كثر الرياء بين العباد وشاهدين الزور=كثر مابه عبادٍ عافوا الدنياء ومافيها ومن يسأل مجرب يكتفي عن (وصفة الدكتور)=يعلمك بمرارتها وحامضها وحاليها انا مالي دخل..!غير اني اكتب مأملكه بسطور=انا كاتب فقط..! والا انت سامعها وقاريها انا ارجوا منك لامني سهيت تقول لي معذور=وانا افداك بحياتي من مباديها لتاليها ترا من كثرة التفكير نوب اجي مطف النور=امد اخطاي بالظلماء ولاادري عن مواطيها وانا لو اني اقابل عدوي قلت له مشكور!=مدامه يعترف لي بالعداوه مايخفيها ولا اقابل صديقٍ يبتسم لي حاقدٍ مقهور=يحفر حفرةٍ قدام رجلي لين اقع فيها |
ديوان الشاعر نواف بن هلال ابن نومان الفريدي هذه قصيده قلتها قبل خمس ست سنوات تقريباً . في زمنهم وهي على ثلاث شوارع. وقد علق عليها الشاعر عبدالله بن عايض بن رده القحطاني في بيتين انا اقول على هل اللون الاسود ياحكم فاول=وش دخل ام العبيد بملعب الكوره رايس على زمرة الحكام ياباول=من شان كوفي عنان يكون فالصوره كلن ورا لجنة التحكيم ويحاول=والكل بالكل واللاعب وجمهوره واللاعب اللي جته كوره ولاناول=ودك يصير احتياط ولايجي دوره صهيون الاثول يمشيها ويتثاول=والناس من كذبة التمثيل مقهوره تكسير ضربة جزاء واكروت وامغاول=واليا انتها الفلم كلاٍ مد حنجوره قال بن رده خلطه وصبه وطن بلك وامقاول=وبنيت فله ثلاث ادوار مهجوره خطه وعقد اجتماع وشجب وامداول=قلي وش الفرق بين الأصل والصوره |
ديوان الشاعر نواف بن هلال ابن نومان الفريدي قصيدة قديمه نشرتها هنا عام 2007 وقت كتبتها قبل ذالك بعامين لعدم قراتها من قبل الزوار او الاعضاء الجدد لوجودها في الملفات المغلقه اردت ان تقرؤها آن اوانها ومايعيشه العالم العربي والاسلامي على قولتهم (الربيع العربي) سبب حضور الهاجس عندما قال لي صديقي سعود(والله يأنت تعاني) معاناة المعنَا في معانيها عنا وإلهام=احاسيس ومشاعر من وهج نار الحشآ ذابت انا ياسعود اعاني من ثمان سنين قبل العام=معاناةٍ على مر الزمن معيارها ثابت والا العام واللي مر به كله خدع وأوهام=يديناً عيبها من روس اناملها ولاعابت مدام ان الامل موجود مهما كانت الاحلام=معاداهتم لآمآلٍ بقت لو كلها خابت آلا ياسعود لام قلت لك قدام قل قدام=نبي نمشي ولا صح الخطأ والنفس ماطابت انا بأعطيك ماعندي من الافكار روس اقلام=وابيك تقول لي من ودة الدنياء ومن جابت ترا ان دورت بالشدَه احزام ولالقيت حزام=فلا تنفعك ثورة بندقٍ ماعمرها صابت تبي مني الصحيح اللي علهم علم كوم إعظام=محوا بأيامهم وأيامنا شبنا ولا شابت عسى الله يلطف بحال الغريب بتالي الايام=بعد موت القلوب اليا غشاها الريب وأرتابت لسان اهل اليمن ضاعت حروفه في بلاد الشام=وكوادر مجتمعهم تعلن التوبه ولا تابت انا ماقول مابقي من عيال العرب مقدام؟=اقول اليا فترق شمل الآهآلي شمسهم غابت دخل فصل الربيع .!!! وحظ رعيان الرعيه قام=آلآ يازين شوف ارض الربيع وعشبها النابت |
رد: ديوان الشاعر نواف بن هلال ابن نومان الفريدي هذه قصيده اسندها لي الشاعر عبدالله بن رده القحطاني وكان فيه يلومني على عدم المشاركات في البرامج والمسابقات للشعر ومنها شار المليون آن ذاك ويقول انني اتعبت نفسي بالصيانه ومكانيك الطايرات والفك والربط ولم امن مستقبلي ولم اترك الشعر هو يقول ابن هلال مابين شده وفكه=راحت حياة الناس صاحي ومجنون احدٍ فتح باب الرجاء واحد صكه=واحدٍ يبوس ايد الليالي وممنون واحدٍ يقبل قبلته يم مكه=ويطوف مع ناس عليها يطوفون واحدٍ على باب الندم فل صكه=ويلعن زمانه والزمن فيه ملعون ويصير بافواه المخاليق علكه= اللي على اعراض الاوادم يغيرون نواف لا من شفت هاذا فذكه=دندون مرسل هالرساله لدندون قلت يامرحبا باللي الياقيل زكه=قلت النقاء والا الهلايم يولون حرام حرم الدم مافيه شكه=عندي انا ماهيب قولت يقولون كلاٍ يبين معدنه من محكه=لاقاموا اصحاب المعادن يحكون دك القصيد ومر فكري ودكه=وقام يتخطرا كل صاحي ومجنون له نك نيم ولاخفا القلب نكه=ومن راس دندونٍ الى راس دندون قلنا وباء شعري ولامنه فكه=وأثره يلعب بالمشاعر وطاعون اوجهه مع كل سكه وسكه=ورحايله ركابهن مايقيمون وحبل الرجاء من يمسكه مايفكه=واهل الاماني بالصبيخاء يحفرون لازت راعي عشرة التك تكه=ثم جولك اصحاب التسلسل يقشون واصغر عد بين العدد كانها اكه=واقفى الورق بيدين ناسٍ يحسبون من لاخذا له من عنا الوقت صكه=تقدر تقول انه عما قلب وعيون ومن صار مصدر رزق نفسه يعكه=ماكل حاجه تنقضي بالتليفون ودام العرب فيهم على الحكي حكه=اسحب على اهروج المساكين سيفون واللي يصك الباب واللي يفكه=واللي يدور للمفاتيح كيلون |
| الساعة الآن 03:46 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
