|
رد: ديوان الشاعر نواف بن هلال ابن نومان الفريدي من قصايد البدايات المفروض تكون بأول الديوان لاكن قدر الله ومشاء فعل باحاول ان اتذكرها عسى ان تنال اعجاب القارئ يالله اني طلبتك يالغفور الرحيم=بآخر العشر من أيام شهر الصيام تفرج هموم قلبٍ شلتها بالصميم=من صغيراً بلغ بالعمر عشرين عام آه ياحبني لك يالغرام القديم=ياعناي وغناتي ياقديم الغرام انت تسرح وتمرح في رفاه ونعيم=والا انا شف عيوني ماتذوق المنام انت جسمك وعقلك من عذابي سليم=ليتك تصير مثلي كان كلش تمام شف حياتي من اجلك عشتها في جحيم=لاآآ حرامٍ عليك الا علي الحرام صح...سنك صغير وبالمحيه غشيم=وتستحي من السلام ولاتحب الكلام بس لا قلت لك لو كان عندك حريم=السلام عليكم قل عليك السلام اعطني كان طبعك مثل طبعي كريم=الوفاء والمحبه منك يابن الكرام ولايرد الكريم الياعطا الا الأيم=وكان تعطي فأنا استاهل وفاء واهتمام |
رد: ديوان الشاعر نواف بن هلال ابن نومان الفريدي الشاعر القدير نواف هلال صح لسانك قصائد رائعه وجزله بانتظار جديدك لاهنت |
رد: ديوان الشاعر نواف بن هلال ابن نومان الفريدي يالطيور اللي على الشاطي تحوم=اطلعي فوق السحايب وانتحي ماهنيا الا المشاكل واللهموم=سئةٍ تكسب وحسنه تنمحي آآه ليت القلب لاعذب يعوم=كان يسبح مثل مانتي تسبحي لو تقطعه الهبايب والسموم=كسرة الخاطر ولا نتف اللحي يوم طاش الوقت بعيال الرخوم=صار فيه الذيب يبطي ماصحي بس انا عندي بهالدنياء لزوم=لازمٍ لو ماحصل لي مت حي انت ياشبه القمر بين النجوم=ليه لاقالوا لك اسمي تستحي كيف لو تصبح بحضني يامعدوم=لانشوف احدٍ ولا نسمع وحي مانبي ياكود توزيع القسوم=اعطني حقي وخلك مستحي لايهمك هرج خطَاف العلوم=والله انه فاحياٍ كبدي فحي |
رد: ديوان الشاعر نواف بن هلال ابن نومان الفريدي هاذا رد الشاعر خالد بن حواس المطوطح العنزي عل صوتاً من الحزن كان ودي انها كانت بنفس الصفحه ولكن قدر الله وماشاء فعل لاعاد تسأل عن حوالي ولا سال=معاد فينا يافتى الجود مغبوط الروح من ربي والاجساد تمثال=والحظ قسم بين فايز ومسخوط والناس ويش الناس ياغير الازوال=كم واحدٍ في غيهب الهم مربوط حاول يشيل اهموم بقعاء ولاحتال=والحزن في عينه بالافراح مخلوط والطيب مات وراع البخل يختال=والمجتمع صفق يقولون مزبوط تبت يدينن يوم دبت بالاموال=ماحاز راعيها مع اهل الكرم نوط يالله عفوك غير عفوك فلاسال=يامهلكن فرعون ومنجيٍ لوط |
رد: ديوان الشاعر نواف بن هلال ابن نومان الفريدي ياقلب عود على فكرك ومنقيته=مالك ومال الحكي والعالم الهايته ومادامها في محيط الفكر وابنيته=تزين في قدرة المولى وفي شايته العقل يفرض مع الايام مرئيته=والقلب يفرض على الأيام تربايته الآدمي بالعمر مطيته نيته=امَا انَها بايته والا انَها فايته احدٍ ترده مفاهيمه لرجعيته=واحدٍ تعدت مفاهيمه ورا غايته هاذا مقامه مع العالم بقوميته=وهاذاك اقروا له اهل العلم بقرايته وهاذا اناني وبيَن في انانيَته=وهاذاك على عماه وسريته بايته يامنتها فيض شعري وإزدواجيَته=يامتلف الروح بأقباله وبأقفايته شاعرك ينحاز لك شعره وقافيته=ماهآم في نكسة العالم وبنهايته والا اغلب الناس شوف قلوبهم ميته=ماهمهم نظرة المحتاج وارعايته |
ديوان الشاعر نواف بن هلال ابن نومان الفريدي يام العيون اللي مظاليلها سود=خفي علي بنظرتك وارحميني رمشك رصاصه واسود الكحل بارود=شاخوفةٍ تردف على طلقتيني من سلهمتك ونظرةٍ منك عبرود=جرحه على غاية هدفها يبيني النظره الاولى لها صبر محدود=والنظره الاخرى تبيح كنيني وانا ترى يابنت لي خاطرٍ عود=عودٍ ضروفه قاسيه ماتليني يشبه لكسرة خاطره يابس العود=لو تجبرين بخاطره تجبريني معاد عندي غايةٍ تطلب الزود=اقفت على الاحلام عوج السنيني قلبي من جروح الزمن عنده شهود=والله يحاسبني على شوف عيني وانتي بعد مالك ورا نظرتك فود=في ديني ودنياي .....لاتبتليني |
رد: ديوان الشاعر نواف بن هلال ابن نومان الفريدي لاتختفي باسم المره وانت رجال= لوضيقة صدرك علوم الرجاجيل ابليس يلعب بك عى كل موال= وراسك من علوم النساء به مواويل وان زاد همك صك راسك على الجال= واسبح بوحل العيب يام الخلاخيل حرام يسكب لك من البن فنجال= الكيف والله للرجال الحلاحيل راحوا رجال اجيال واجيال واجيال= ماخابت اكفوف الرجاء في رجاء جيل والاا انت دجال مربيك دجال= لابوك لابو من معك من رجاجيل |
رد: ديوان الشاعر نواف بن هلال ابن نومان الفريدي [qu
الآ يآنديمي وش بقى لي من الاوهام=وش اللي بقى لي بالعمر وأنت موهمني [/quote]تقول الوعد قدام وأنا انتظر قدام=أنا ادخل على الله عن علومك تعلمني يسمى وعد بلفور والا أمنية صدام=وش اسمه تكلم يانديمي وكلمني تراها ليا ذالحين ماجفت الأقلام=لو ان اغلب الاقلام معاد يلزمني أسلوب الحياه اللي تطاول به الاقزام=يكرهني بلذة طعامي ويحرمني وش أقول لاجيت اتحيزم ولاش احزام=مع أقرب قريب ولا لقيته على خمني لياقلت عبره مانشوفه مع أهل الشام=يجيني صغيرا" في منامي ويزهمني عساها سحاب أوهام والا ضغاث أحلام=وعسى الله يسلمك وعسى الله يسلمني |
رد: ديوان الشاعر نواف بن هلال ابن نومان الفريدي قصائد جزله صح لسانك وسلم رأسك والله الله بالمزيد |
رد: ديوان الشاعر نواف بن هلال ابن نومان الفريدي دروا عن سر حبي واحسدوني من الحساد قد جُنً جنوني جريح من الاعادي والاحبه بُليتُ في المحبه وابتلوني فهاولاء بالسم ِالمخفى وهاولا بالحب اجرحوني واناا اللي مازرعت الا المحبه وجنيت ..ولا جنيت الا الطعوني مع الاوهام عشت ايام عمري على فقدان ذكرى من يبوني رهنت العمر لاجل اصدق مشاعر على صدقي لهم ماصَدّقَوني فإذا لم تربط الماضي ياحبي بحبي لك فكان الله بعوني اقتباس:
اخي ابو الرجاجيل مرورك زادني شرف وعطر اركان ديواني لك مني وافر التحايا والتقدير والاحترام فضلا ليس امراً اخي ان لايكون هناك ردود هنا دمت بحفظ الله |
رد: ديوان الشاعر نواف بن هلال ابن نومان الفريدي طب علم النفس ..مابه لي طبيب=والدواء المزعوم.... رجلي والقبر الطبيب.. اللي ترك قلبي ..صويب=شح في وصله.. ولاجاني خبر كسرة الخاطر على الجرح العطيب=كالزجاج ...اليا انكسر ماله جبر ارسل المكتوب لاكن ما يجيب=هو حياء في داخله..؟ والا كبر!! اكتبه من دم قلبي...للحبيب!!!=كيف صار القلب دمه لي حبر. .؟ لو دريت انه يبي غيري صحيب=كان ما عنيت قلبي له شبر وماشرهت بحب مقطوع النصيب=والزمان يدور... والدنياء عبر بالمحبه...ياتصيب ..وياتخيب =مامعك ياخافقي غير الصبر |
رد: ديوان الشاعر نواف بن هلال ابن نومان الفريدي يامعجزة طب روحي عالجي روحي=شوفي بكشف المشاعر وش معلقها المشرط اللي بكفك فيه مصلوحي=واناملك تلزم ظلوعي وتفهقها لدي بحرصك وحسك لأعمق جروحي=بيدينك اللي عسى الله مايعوقها خيطي جروح الزمان ولملمي بوحي=والا الرئه بأزرق الدخان محرقها ماباقي الا الونين ومن صدى نوحي=والروح ياغايتي بيدين خالقها الناس في نصرة المظلوم ماتوحي=اذانها مفتحه وقلوبها صقها |
رد: ديوان الشاعر نواف بن هلال ابن نومان الفريدي قصيده قلتها في صاحب السمو في 17-7-1434 سلام والشعر يسمو من سموك سلام=لين وصل اعزومي بالسماء للنجوم عد ما هب نسناس الهواء واستقام=وعد وبل السحاب اللي يضف الحزوم فيك يامن بلغ بالمجد ذروة سنام=بالتواضع على عزم الحصان الجزوم بك محبة حبيب الشعب رجل السلام=وبك مهابة وجه سلمان جعله يدوم والله ونعم بالاسماء ونعم المقام=وياعسى حظ من جامل بها مايقوم فيك ياتركي ال سعود حار الكلام=كني اللي من حروف القصيد محروم دام بعدك لمصلحة الوطن بالنظام=الله انه يحفظك خادم"ومخدوم لايطول غيابك والضوامي احيام=حاول انا نشوفك بالسنه لو يوم فيك تحلو الاجواء فيك يحلا الدوام=وبك نفل الحجاج وبك تزين العلوم كل حرا" ليا ستل جناحه وحام=قام يرقى على متن الهواء بالعزوم وانت من ماكر الاحرار يابن الكرام=يوم مافي سماء جدك طيورا" تحوم الولا له قبل ميه وعشرين عام=عهد الاسلاف سيف الحق منه مختوم والله انا لكم مثل الفشق بالحزام=مثل ما انتم لنا درع" بوقت اللزوم عند كل الشعوب بحبكم مانلام=والله ان ماينكر المعروف غير الرخوم باسمكم علقت شبه الجزيره وسام=كل عام بعام ورغم انف الخصوم المشاعر قبل كانت بصدري صيام=ويوم جت في مجالك جعلها ماتصوم |
رد: ديوان الشاعر نواف بن هلال ابن نومان الفريدي ياسعد يوم التنهد واتاأفف من صعوبة طب نفس وجرح خافي هاجسي بالمجتمع لاطف طفف ما يتمتم بالرخيص ولا يخافي وانتحسف.... وانتلهف... ونتعفف الكرامه غاليه والصبر وافي ياثقل هم الحياه ولا يخفف همها الا نك مع الله ..وامتعافي ان بديت السر للناس المخفف ماتشوف بصفوة الخلان صافي ولانحفظ في رف دولاب" مرفف عن دواليب الدهر يرفاه رافي ولاستشف من الحياء ما يستشفف لون جوه خرمسي والنو سافي عن خلايا عقل تفكير" مجفف الحقيقه تختفي والخل جافي مير غنوها على الحرف المصفف النوايا صافيه والستر ضافي |
رد: ديوان الشاعر نواف بن هلال ابن نومان الفريدي انا ما اتسلا بالقصايد اليا غنيت=اغني من الحره بحاسيس وجداني يخفف وهجها بعض الأحيان لاسجيت=مع ارض خﻻ ساري مع الليل وحداني بعيدا عن الشرهات ومقابل ألقتيت=ولا شي يزعلني ولا شيا" ارضاني وليا شفت يانفسي مع الناس وش سويت=تبين من المجني عليه ومن الجاني قبل كنت اجامل واجرع المر والحلتيت=وهالحين والله ما اتحمل ولا اداني يوسوس لي الشيطان واقول ماسميت=ابا اصد حتى عن ربوعي وجيراني انا حارس المرمى وشيطاني الشويت =الا يالله انك تمنع اهداف شيطاني تناقض فكر محسوس في عالم التصويت=لنا الله كلا" يرفع آلصوت من داني وعلى كثر ماعيش بتناقض ورحت وجيت=لقيت ان طب جروح الارواح مجاني اداوي جروح الناس بالبيت تلو البيت=ولا فيه مخلوقا" من الناس داواني ليااخطيت كلا شد حيله يقول اخطيت=واذا اصبت كلا صد عني وخلاني اسوق المطيه للمطايا مثل ما اوحيت=وعلمن يبين لي.... وعلمن تعداااني وانا دام اصلي وادعي الله لياصليت=عسى الله يسلم والديني وياقاني ولاخنت عشرة كل طيب وجار البيت=ولاترتخي كفي عن مصافح اخواني عسى من فدا بروحه عن اخوه حي وميت=يرجح بميزانه على كل ميزاني واذا كان ماكفيت معكم ولا وفيت =لعل الردي ومقرد الخلق للفاني |
رد: ديوان الشاعر نواف بن هلال ابن نومان الفريدي ياطير ياللي بغصن التين فوق أتتب غرد ..بالاشجان فرق.. احساس ومعاتب يبحث خفى الصامتين ...ويتعب الكتتب والا انت ياطير..لا قارئ ولا كاتب شاعرك ماتب...عن بابه ولا عتتب يسأل عن الوقت.؟ وكم باقي عن الراتب عشك مرتب...وعشه ماهو مرتب غرد ..لجل خاطر المهموم والا تب |
رد: ديوان الشاعر نواف بن هلال ابن نومان الفريدي . ياعين عادي ...صافي الدمع لابان لاصار ماهو ذل والا حسافه دمعةوفاء ..طاحت على فراق جيران اللي نودعهم بمبنى الضيافه وافين بالخوه وباللازم اخوان تلقا بمجلسهم مزوح وطرافه عشنا وعاشرنا مع الوقت عربان وﻻ لحقنا غير قل الكلافه حياتنا تفنى على الارض شتان تحيي بمكفي الهموم الصلافه وبعض الدموع احيان واحيان واحيان بعيون ماهي قابله للاضافه والدمعه اللي حايره بين الاجفان تطيح من جور الزمن وانحرافه دارت دواليب الضغاين بالازمان ولا حكوا عنها رجال الصحافه يامكثر الغفله وياقل الايمان في قلب من ماهل دمعه مخافه الشر يفتح له نوافذ وبيبان والخير ملزم بالزمن والمسافه والحق له مبدى دلايل وبرهان مثل النهار اليى انبلج بانكشافه اخوان بالدنياء وبالدين خوان بالمال والا بختلاف الثقافه صارو شياطين انسه اكثر من الجان ياشين والله ميلته واختلافه ماشاف هفواته مريش وطمعان مير البلا من شاف وقته وعافه هذي شهاده يازمن لبن نومان ان كان ماحي سمع به وشافه المصدر : انواع الدموع - مجالس الفرده http://www.alfredah.net/forum/thread...#ixzz3OK7H9WxY |
| الساعة الآن 12:03 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir