ديوان الشاعر نواف بن هلال ابن نومان الفريدي

يقـولـون يـارجـال طـنـش ومــش الـحـالتـرا اهـم مافـي هالـزمـن تمشـيـت حـالـك

وانا اقول كيف الحال...؟ تمشي بضيقة بالاجـل ليـه قـالـوا ديــر بـالـك عـلـى حـالـك

انـــا والله انـــي لامـجـامــل ولانــــي ذاللاقـول لرفيقـي حـط علـمـي عـلـى بـالـك

تعـرف علـى الاجـواد وابـعـد عــن الانــذاللـو ان الخـلا فـي وقتنـا الحالـي اشـوا لــك

بعيـدٍ عـن العالـم وعـن قـول قيـل وقــالومشـاكـل حـيـاتـك كـلـهـا تحـلـهـا لـحـلـك

منصـور يـاراع الحصـان الجـامـحعـلـيـك بالملـهـوفـه المـمـلـوحـه

من يوم سموها الهنـوف الطامـحوهي شف طلاب العلاء واشبوحه

مـن غيهـا مثـل الـذلـول الـرامـحتومـي بشـذاب القفـى وتشـوحـه

يلـقـى بـهـا الـرجـال وجهٍسـامـحعن الوجيه اللي مهـي مسموحـه

الـمـرجـلـه نجمٍـبـكـونـك لامــــحمنيـن ماوجـهـت جـابـك ضـوحـه

هي عشقتك وانت اللعشق الدامحدوعـتــك بحـبـوحـةٍ طـحـطـوحـه

ياصغيرة سن وش عندك بهالطله=ضنك لجل صغر سنك مابنا غيره

مـن وقفتـك والتفاتـك بـانـت الخـلـهكنـك تقوليـن يمـكـن بالنـظـر خـيـره

عباتـك الضيـقـه مــن قــدم منحـلـهوالـجـنـز بـيـنـةٍ اجـيـوبـه وازاريـــره

من الهواء بـان كـل شـيٍ علـى حلـهياصغيره كـن منتـي مـن هـل الديـره

موضه وساعدتي المخطي على الزلهواللـي مربيـك بـان ..وبان..تقصـيـره

يقفـون لـك نـاس لامذهـب ولا مـلـهوالا انــا ويــن قـلـبـي يالله الـخـيـره

وش ينفعـك حـب قلـبٍ غـاديٍ كـلـهمـع واحـدٍ تـل قلبـي مــن شناكـيـره

اقفـى خفـوقـي مـعـه بيـديـه ويتـلـهتـقـول دوار صـيـد وخافـقـي طـيـره

له عنق ريمٍ جفول يخـاف مـن ضلـهضلـه يذيـره ونسنـاس الهـواء يذيـره

احــب وصـفـه غـرامـه دقــه وجـلـهوحسنـه ومنطوقـه ودلــه وتفكـيـره

ياعـل منـلام خــلٍ فــي هــواء خـلـهيلحـق عليـه الـغـرام ويلـعـن صـيـره

ارجـوك يالـلـي تجـيـه وتاصـلـه قـلـهقله تراني من اجله صرت في حيـره

لاصـار خـلـه عـسـل لايلحـسـه كـلـهترا النحل مانتـج انتاجـه علـى سيـره

هذه قصيده قديمه عندما كنا طلبه في معهد الدراسات الفنيه
كنت اسولف انا واحد الزملا من قبيله احد قبايل نجد المعروفه وكانت السوالف عن الغزو والاخذ والماخوذ
وحسين كان يسمع ومنتقدنا لنقاشنا عن الماضي ومعه حق هرج بالفايت نقصان بالعقل ويقول الوقت الحين احسن من اول بس هاذا تاريخ لنا وهو
تاريخه بالمدن من طلع

ياحسين وش عرفك لزيـن والشيـنارقـد ياليـن الصبـح يضهـر شعـاعـه

بالعـسـكـريـه عـلـمـتـك الـمـيـاديـنعسـى تعلـمـك الظـفـر والشجـاعـه

وش عرفك لزين والشيـن ياحسيـنومربـاك بيـن المـدرسـه والـزراعـه

ماذقـت لفـح البـرد عـنـد البعـاريـنولامرحـت فـي جـوٍ تـعـاوا سبـاعـه

ولا اخذت لك عن فكت الريق يومينولايكفـي عيونـك مـن النـوم ساعـه

ولا غرفت الماء بكفـك عـن الطيـنولا عنـدك لـسـم العـقـارب منـاعـه

ياحسين وش بالوقت هاذا من الزينوالله مغـيـر الخـكـرنـه والصـيـاعـه

نـاس تحـسـب المرجـلـه بالملايـيـنلاسلـم لامذهـب ولا اصحـاب طاعـه

والـرجـل لــو مابجـيـبـه الا ريـالـيـنقناعتـه فـي نفـسـه اكـبـر بضـاعـه

لاصــار لايبـخـل ولا يـجـحـد الـديــنولا خـان جـار ولا ابغضـوه الجماعـه

ترا الطمـع ماهـي هـروج المساكيـنعرفك لعصمـان الشـوارب طماعـه

ياحسين خلـك مـع شكيـرا وشاهيـنوالجنـز والصنـدل ولـبـس الميـاعـه

لاعــاد تنشـدنـي ولا اقــول بـعـديـنانـــا بـــدويٍ ماطـبـاعـك اطـبـاعـه

راح ضني بعيد وقلـت لـه ويـن رايـحوكان خانك زمانـك ويـن ودك تـروح

ليه ياضن قلبـي ماحفظـت النصايـحتحسبٍ كل قلبٍ مثل طبعـك نصـوح

كـل ضنـاً تضنـه لاكتشفـتـه فضـايـحوانت ماتبت مادري ماتعبتك الجروح

بالزمان اختلاف ورتم الاحـلام طايـحوانـت بيـن الامـور الجـاده والمـزوح

صاح قلبي وانا اسمعلي قلوبٍ تصايحوالله اني فلا ادري بعدهـا ويـن اروح

التعابيـر ماترضـي جمـيـع الشـرايـحلو مجرد.... معاناه.. وتداعي ..وبـوح

السلام عليكم ورحمة الله وبركاته .....بعد شفت آخر ليل والتعب ارجع الا وحدتي والكآبه التي تنظرني فالنظر الا الجهاز
ياريحت هلي
اقترب وادخل الى مجالسنا اجد نفسي والكل حولي وكانني ملكت الدنياء ووسط ربعي وناسي .حتى ولو كنت .....
من ورا القضبان واسوار الحديد....والدراسه طولوا ماعطلوا....ومحمد الفهد مازارني ..حكم القاضي!!!!والسبب........... (رمح الجليله) ولا ويتواصون بعد...ههههههههههههههه ......قوانتا نامو مره وحده يابو عمر اليكم هاذه التبرير
والكلمات التي سمعها المشرف وهو احد ظباط القسم وكبيرهم ابو فيصل....بعد ما أيد عظم العرب على القرار... وياحبني لسوالفكم ولثقتكم بنا ياشبابكم ..
حتى لو سجنتوني وخليتم نايف ومحمد الفهد وبن مطيع الين اغووني وانا عد من اهبالي جيت من اقصاي
اقول طولتها صححححح؟؟؟

يامـحـمـد الـدنـيـاء تـجــارب ومـيــدانوكــلــن بـهـادنـيـاء يــــدور حـصـيـلـه

وانـــا تحـصـلـت الـعـقـوبـه مـسـيــانمـــن روس ربـــعٍ يحـتـمـون الدبـيـلـه

يـوم ارتكـز رمـح الـغـلا بـابـن نـومـانسهـمـاً رمـانـي مــن ايـديـن الجلـيـلـه

شفني من سهوم الهواء طحت مرضانلازم خـــويـــك يـامـحــمــد تـجـيــلــه

قم واركبـه تكفـى علـى بنـت شقـرانحـمــراً خـطـاهــا يـامـحـمـد طـويـلــه

قبـل يجونـه بالمسـاء جـيـش الاخــوانيتـلـون ابـــن حـمــاد شـيــخ القبـيـلـه

شيخـاً يبيـن بـه السـطـر ويــن مـابـانتـركـز لــه البيـضـاء بــراس الطويـلـه

عـيـال راشــد يــوم روغــات الاذهــانيــوفــون لابــــار الـعـمـيـل بعـمـيـلـه

تعـرف مواقفهـم عـلـى مــر الازمــانمـاهــو مــجــرد عــــرف يومٍٍـولـيـلـه

قلـتـه وانـــا متـنـحـرٍ طـيــر حـــورانيـــزي نـيـاقـه مـــن قـــراح الثمـيـلـه

منصور مع عظم العرب وبـن جضعـانوابــــو زوايــــد راح مـعـهــم دلـيـلــه

قـولـوا لـبــو يـــارا سـلايــل كـحـيـلانتــرا سـبـب بـلـواي شـقــراء جـديـلـه

عنـق المهـاه اللـي تقـل عيـن شيـهـانتـركـي عـلـى كـبــد المـعـنـى ملـيـلـه

ولانـــي بـجـابــانٍ ولا ولــــد جــابــانبـــس التـقـيـد بـالـمـذاهـب فـضـيـلـه

مذهـب هـل التوحـيـد ذربـيـن الايـمـانوانــا حفـيـد اهــل الـعـلـوم الجمـيـلـه

الــى مـتـى سـجـن القـوافـي والاوزانفــي خـافـقٍ بـيـن الـظـلـوع النحـيـلـه

الـيـوم يامحـمـد فـهـد كـــان مـاكــانفـي صفحـة كتـاب الــف ليـلـه وليـلـه

يلـيـن ضـلـع طـويـق والــراس مــالانامـــا تـشـيــل الـحـمــل والا نـشـيـلـه

هاذي قصيده قديمه القديم ماعطانا فرصه للجديد ..والبركه بالعود اللي والله من عنده من الجديد اللي ينسينا
القصيد هاذي ابيات اجارنا وياكم من نميمة اهل النميمه والحقد والحسد

كـــلاً هـــرج نـاقــد وحـاقــد وكـــذابفــي عــرض اجـاويـدٍ نـواهـم سليـمـه

فـي عرضهـم لـو ينفتـح لـلـردي بــابالنـيـه البيـضـاء هــي اقــوى عـزيـمـه

بـعـد كــذا حـقـد نـقـد يـاكــل تـــررررمـدام لـك بـيـن اهــل الـعـرف قيـمـه

بعـض الخطايـا ماحسبنـا لهـا احـسـابويـلـقـى بـهــا راع الـنـمـايـم نـمـيـمـه

راع الهواء ماخطى ويخطي ولـو صـابيـصـيـب وآمـــآل الهـزيـمـه هـزيـمــه

اشـرح خفايـا اسبـاب واجنـب اسـبـابوالا الـمـواضـيـع الـمـهـمــه قـديــمــه

وشلون لو اشرح سبب شيب في شابومن يدري..؟ان مابعد هـاذي ظليمـه!!

اخواني المشرفين على قسم الشعر الخاص وهم الشيبان الكبار المعروفين الله لايحرمنا منهم ...
الحقيقه نحن كشعراء المجالس هي المكان الوحيد لحفظ حقوقنا ...والله يعطيكم الف عافيه
على ماتقومون به من جهود جباره وملموسه..ارجوا منكم ان توضع القصايد في ملف يمكن لصاحب القصايد الاطلاع
عليه ونسخ القصايد التي يريد ليقدر على تنزيلها باي موقع يريد انا لا اخفي عليكم عندما يطلب مني احد المواقع قصايد
ارجع لمجالسنا لكن لا استطع نسخ القصايد .....(عاد محاكيكم كسول مافيني من كتب )فاوعدهم ولا اوفي بسبب ظروف عمل اوغيرها .....واتكاسل من الكتابه
بالنسبه لي انا لم يبق من القديم الا القليل فاريد ان اضعه كله هنا واوعدكم باي جديد اول ما انزلها هنا بمجالسنا ولكم
جزيل الشكر ....

وهاذي من القديم :

من غلا اللي تسكن القلب قلبي منغبـنمـن هـنـوفٍ لانستـنـي ولاهــي غـاويـه

كلمـةٍ فيـه تخفـف مـن جـروح الزمـنكــان ماتـقـوى عليـهـا فـلاهـي قـاويـه

الجروح اللي هاك الحين فيني قـد بـرنبس مادري فينـي اليـوم وشهـي ناويـه

حبها داخل ضلوعي من ضلوعـي مكـنليـن راحـت كنهـا اعجـاز نـخـلاً خـاويـه

ليتهـا تـرفـق بحـالـي وقلـبـي يطمـئـنوالله اني لاترك الشعـر وامسـك زاويـه

لامتى والقلب مشغـول والخافـق يـونوالعيون القشـر هـي والسهـر متخاويـه

لاضواها اليل واطبق على الجفن الجفنجـاك دور همـوم قلبـي وجتنـي ضاويـه

كـن بيـن ضلـوع قلبـي جيوشـاً تطَحـنتجعـل الارض الوعـر تحتـهـا متسـاويـه

مصبراً قلبي عليهـا مـن اسنيـنٍ مضـنومن يقول انـي لاهالحيـن فأمـه هاويـه

يوم شافت قلب مـن حبهـا مالـه ثمـنمأعتقد تنقـض جـروحٍ ماهـي متشاويـه

هاذي اول قصيده بال بي ام قبل قصيدة (المستشار ) الموجوده هنا في مشاركاتي القديمه.....
اما هذه فهي في 9/8/1425 هجري وهي في الرايد نواف بن خصيوي بن نومان الفريدي ايام تسجيل الكليه ولا قصر ابو بدر
سوا اللي عليه والباقي بيد رب العالمين والرجال لابذل المجهود سد اللزوم وماقصر الله يعافيه

الله علـى اللـي مـادرج مـع معالـيـهولالــه حـلايـاً سابـقـه يـــوم احـلــي

لااقبل تقول يقول لـك ليـه وش فيـهعــيــون فــــزاعٍ يـعـقــد ويـحــلــي

واليااعـتـرض مـالـه ضــلالٍ يـبـاريـهولااقفـى تقـول انـه مضـلـة مضـلـي

وان جيت من داخـل فخامـه وترفيـهراحـــه وامـــان ولتـسـلـي تـسـلـي

نعومـة اسيـاتـه مــن اللـمـس لبـيـهصـدر الهنـوف اللـي ذبحـهـا التغـلـي

البورش ياخـذ مـن وصوفـه ويخطيـهفــي سـرعـتـه والا الـحـلايـا يـولــي

آخـر مديـلات السنـه بـاسـم راعـيـهبـــي ام دبـــل يـــو يـاعـيـن يـالـلـي

حجمـه سـبـع مـيـه وستـيـن كوبـيـهمــاهـــو بـجـفـالــي ولا بـامـجــلــي

لاتـلـه الـلـي طـامـعٍ فـيــه يعـطـيـهكــل المـواتـر مــع طريـقـه تـجـلـي

يلفـي علـى بيـتٍ عـلـى الـعـز بانـيـهرجـلاٍ عـلـى كــل المـراجـل مطـلـي

الـلــي كـلامــه يالله انـــك تـحـيـيـهلـه مجـلـسٍ مـنـه الـعـرب ماتمـلـي

سمـه باسـم الحـر الاشقـر مسمـيـهسـمـاه باسـمـه واخــذٍ مـنــه دلـــي

نــواف وان قـلـت ونـعـم ماتكـفـيـهقـمـة جـبـل بـيـن الجـبـال متـعـلـي

الـطـيـب مـاكــلٍ يـعـرفـه يـسـويــهالبـعـض يفعلـهـا ريـــاء لـــو يـهـلـي

ونــواف كـنـه يـاخـذه مــن مخابـيـهيتـعـب رجالٍمـامـشـوا مـعــه مـلــي

ابـــو بـــدر لـــه هيـبـتـه لوتحـاكـيـهلوهـو معـي فـي مطلبـي فـازعٍ لــي

قلـه تـرا الكـل احتـزم فــي بناخـيـهوانــا اعتبـتـك بينـهـم مـحــزمٍ لـــي

الياعتـزاء خطـو الولـد فــي عوانـيـهانـتــه الـيـامـال الـدهــر عزوتـنٍـلـي

يـاشـوق غــروٍ لــه جـديـلاً مغـطـيـهمن هامتـه ليـن اسفـل السـاق فلـي

غـروٍ يـعـرض الخـجـل فــي تخطـيـهردفٍ يـتـلـه تـــرف الاقـــدام تـلــي

الـخــد بـــراقٍ ســـرا لـــه لـهـالـيـهوالـعـنـق عـنــق غـزيــلاٍ مسفـهـلـي

تـشـوم لافـعـالـه وتـفــرح بـطـاريـهالـلـي عـلـى مثـلـه حـــلالٍ مـحـلـي

قلـه طرقـت ابـواب كـل المشـاريـهوان جيـت افــك اقفالـهـا ماحصـلـي

وانـا نصيـت الله ثــم جـيـت ناصـيـهيـوم الامـل فـي فزعـتـه بـايـنٍ لــي

يسعى بسبب رزقٍ على الله مساعيهالـواحـد الـلـي لــه نـصـوم ونصـلـي

ارزاق واعـمــار المخـالـيـق بـيـديــهوحـنــا بـرجــوى واحــــدٍ مـايـخـلـي

لقد وعدكم بشريط الهدأت بقصيده ..قديمه ...يقال الولد اما عقب صياح والا عقب نكاح مثل قديم عند البدو

الصبـاح ان كانـي اصبحـت ياهـمـي ربــاحوالا انــت ومايسـبـب مسـاريـك مـخـبـور

مابسـهـرك للطـواريـق للـصـدر انـشــراحكانـهـا جتـنـي تـبـارا هواجـيـس وشـعــور

لــو بعضـهـا بالتهـاتـيـه تـذروهــا الـريــاحمامحـت لـو الاعاصـيـر تنـحـت بالصـخـور

تـارةٍ تاخـذ مــن البـحـر شهـلـول الـقـراحوتنثـر الؤلـؤ ومـاأدراك مـا بيـن السـطـور

وتـارةٍ تسقـي مـن انيابهـا السـم الـذحـاحوالصحيـح الله يعلـم بمـا تخـفـي الـصـدور

لا اصيـاح يبيـن عقـبـه ولا عـقـب النـكـاحمستتـبـه والـريـاء عـــم والآش مـعــذور

يستفزك وان رسـى العلـم يقعـد بالمـراحوبينـنـا يانـعـمـة الله تـقــل عـلـبـاة ثـــور

وان تعثر كبوة حصان وطاح الا ماطـاح؟؟مايخسـى الا هــو لا طــاح جعـلـه مايـثـور

نــاس تسـعـى للثقـافـه وتـبـي الانـفـتـاحوناس لا..تمشي وتاقف على دهن السيـور

وفيه ناس انه مـن احقوقهـا نـزع السـلاحوفيه نـاس انـه مـن حقوقهـا تلـف وتـدور

ونـاس منهجهـم مصايـب وهـدمٍ واجتـيـاحواعسـاهـم للمصـايـب وفلـونـزا الـطـيـور

تعتقـل والا مــن حقوقـهـا تطـلـق ســراحيالله بعـفـوك وبـرضـاك والـيـك الـنـشـور

وفيه ناس انه من احقوقها شـوف الطيـاحفـي فيـاضٍ مابـهـا الا الزبـيـدي والـزهـور

والا انـا فمنحقوقـي وريــح المـسـك فــاحوكـان ماهـو مـن حقـوقـي فبهـتـانٍ وزور

منـك يـاراع العـسـل لــي تقديـمـه مـبـاحاسقني من صافي الشهد وابعث بي سرور

والامــل لا لاح نــوره مـثـل نــور الصـبـاحوركعتيـن اخيـر منهـا لنـا وقـت السـحـور

هيـه ياللـي غـرك الـوقـت وايــام الـمـلاحكلـهـا مــده وتـنـظـم لـصـحـاب الـقـبـور

ماذكر من بـادي الوقـت مخلـوق استـراحلـيـن تفنـيـه الليـالـي وصـالــح ومـعـثـور

ماشتكيـنـا لا تعبـنـا تـبـي الدنـيـاء كـفــاحنشتكي من ضعف الايمان والدنيـاء غـرور

وذنـب نفـسٍ همهـا قـام يطلبهـا السـمـاحوباح سـده فـي ضميرٍعلـى الشـده صبـور

قــال حــي لـلـصـلاة وحـــي ....لـلـفـلاحوقمت اجـاوب صـوت الاذان يالله ياغفـور

لاغفـيـت ولا تعيـنـت مــن هـمـي مـــراحمابـقـى الا مــن بـعـد حـزتـه دمــاً يـفـور