ديوان الشاعر نواف بن هلال ابن نومان الفريدي

طب علم النفس ..مابه لي طبيـبوالدواء المزعوم.... رجلـي والقبـر

الطبيب.. اللي ترك قلبي ..صويـبشـح فـي وصلـه.. ولاجـانـي خـبـر

كسرة الخاطر على الجرح العطيبكالزجاج ...اليـا انكسـر مالـه جبـر

ارسـل المكتـوب لاكـن مـا يجـيـبهو حيـاء فـي داخلـه..؟ والا كبـر!!

اكتبـه مــن دم قلبي...للحبـيـب!!!كيف صار القلب دمه لـي حبـر. .؟

لـو دريـت انـه يبـي غيـري صحيـبكـان مـا عنـيـت قلـبـي لــه شـبـر

وماشرهت بحب مقطـوع النصيـبوالـزمـان يــدور... والدنـيـاء عـبـر

بالمحبه...يـاتـصـيـب ..ويـاتـخـيــبمامـعـك ياخافـقـي غـيــر الـصـبـر

يامعجزة طب روحي عالجي روحـيشوفي بكشف المشاعر وش معلقها

المشرط اللي بكفك فيـه مصلوحـيوانامـلـك تـلـزم ظلـوعـي وتفهـقـهـا

لدي بحرصك وحسك لأعمق جروحيبيدينـك اللـي عـسـى الله مايعوقـهـا

خيطي جروح الزمان ولملمي بوحـيوالا الرئـه بـأزرق الـدخـان محرقـهـا

ماباقي الا الونين ومن صـدى نوحـيوالــروح ياغـايـتـي بـيـديـن خالـقـهـا

الناس في نصرة المظلـوم ماتوحـياذانـهــا مفـتـحـه وقلـوبـهـا صـقـهــا

قصيده قلتها في صاحب السمو في 17-7-1434

سلام والشعر يسمو من سموك سلاملين وصل اعزومـي بالسمـاء للنجـوم

عد ما هـب نسنـاس الهـواء واستقـاموعد وبل السحاب اللي يضف الحـزوم

فيـك يامـن بلـغ بالمـجـد ذروة سـنـامبالتواضع على عزم الحصـان الجـزوم

بك محبة حبيب الشعب رجـل السـلاموبك مهابة وجـه سلمـان جعلـه يـدوم

والله ونعـم بالاسمـاء ونـعـم المـقـاموياعسى حظ مـن جامـل بهـا مايقـوم

فيـك ياتركـي ال سعـود حـار الـكـلامكني اللي من حروف القصيد محـروم

دام بعـدك لمصلحـة الوطـن بالنـظـامالله انـــه يحـفـظـك خـادم"ومـخـدوم

لايـطـول غيـابـك والضـوامـي احـيــامحـاول انـا نشوفـك بالسنـه لــو يــوم

فيـك تحلـو الاجـواء فيـك يحـلا الـدواموبك نفـل الحجـاج وبـك تزيـن العلـوم

كـل حـرا" ليـا سـتـل جنـاحـه وحــامقام يرقى علـى متـن الهـواء بالعـزوم

وانت من ماكـر الاحـرار يابـن الكـراميوم مافي سماء جـدك طيـورا" تحـوم

الـولا لـه قبـل مـيـه وعشـريـن عــامعهد الاسلاف سيف الحق منه مختـوم

والله انـا لكـم مثـل الفشـق بالـحـزاممثل ما انتـم لنـا درع" بوقـت اللـزوم

عنـد كــل الشـعـوب بحبـكـم مـانـلاموالله ان ماينكر المعروف غير الرخوم

باسمكم علقت شبـه الجزيـره وسـامكـل عـام بعـام ورغـم انـف الخصـوم

المشاعـر قبـل كانـت بصـدري صيـامويوم جت في مجالك جعلهـا ماتصـوم

ياسعد يوم التنهد واتاأفف
من صعوبة طب نفس وجرح خافي
هاجسي بالمجتمع لاطف طفف
ما يتمتم بالرخيص ولا يخافي
وانتحسف.... وانتلهف... ونتعفف
الكرامه غاليه والصبر وافي
ياثقل هم الحياه ولا يخفف
همها الا نك مع الله ..وامتعافي
ان بديت السر للناس المخفف
ماتشوف بصفوة الخلان صافي
ولانحفظ في رف دولاب" مرفف
عن دواليب الدهر يرفاه رافي
ولاستشف من الحياء ما يستشفف
لون جوه خرمسي والنو سافي
عن خلايا عقل تفكير" مجفف
الحقيقه تختفي والخل جافي
مير غنوها على الحرف المصفف
النوايا صافيه والستر ضافي

انا ما اتسلا بالقصايد اليا غنيت=اغني من الحره بحاسيس وجداني
يخفف وهجها بعض الأحيان لاسجيت=مع ارض خﻻ ساري مع الليل وحداني
بعيدا عن الشرهات ومقابل ألقتيت=ولا شي يزعلني ولا شيا" ارضاني
وليا شفت يانفسي مع الناس وش سويت=تبين من المجني عليه ومن الجاني
قبل كنت اجامل واجرع المر والحلتيت=وهالحين والله ما اتحمل ولا اداني
يوسوس لي الشيطان واقول ماسميت=ابا اصد حتى عن ربوعي وجيراني
انا حارس المرمى وشيطاني الشويت =الا يالله انك تمنع اهداف شيطاني
تناقض فكر محسوس في عالم التصويت=لنا الله كلا" يرفع آلصوت من داني
وعلى كثر ماعيش بتناقض ورحت وجيت=لقيت ان طب جروح الارواح مجاني
اداوي جروح الناس بالبيت تلو البيت=ولا فيه مخلوقا" من الناس داواني
ليااخطيت كلا شد حيله يقول اخطيت=واذا اصبت كلا صد عني وخلاني
اسوق المطيه للمطايا مثل ما اوحيت=وعلمن يبين لي.... وعلمن تعداااني
وانا دام اصلي وادعي الله لياصليت=عسى الله يسلم والديني وياقاني
ولاخنت عشرة كل طيب وجار البيت=ولاترتخي كفي عن مصافح اخواني
عسى من فدا بروحه عن اخوه حي وميت=يرجح بميزانه على كل ميزاني
واذا كان ماكفيت معكم ولا وفيت =لعل الردي ومقرد الخلق للفاني

ياطير ياللي بغصن التين فوق أتتب


غرد ..بالاشجان فرق.. احساس ومعاتب

يبحث خفى الصامتين ...ويتعب الكتتب

والا انت ياطير..لا قارئ ولا كاتب

شاعرك ماتب...عن بابه ولا عتتب

يسأل عن الوقت.؟ وكم باقي عن الراتب


عشك مرتب...وعشه ماهو مرتب


غرد ..لجل خاطر المهموم والا تب

. ياعين عادي ...صافي الدمع لابان
لاصار ماهو ذل والا حسافه
دمعةوفاء ..طاحت على فراق جيران
اللي نودعهم بمبنى الضيافه
وافين بالخوه وباللازم اخوان
تلقا بمجلسهم مزوح وطرافه
عشنا وعاشرنا مع الوقت عربان
وﻻ لحقنا غير قل الكلافه
حياتنا تفنى على الارض شتان
تحيي بمكفي الهموم الصلافه
وبعض الدموع احيان واحيان واحيان
بعيون ماهي قابله للاضافه
والدمعه اللي حايره بين الاجفان
تطيح من جور الزمن وانحرافه
دارت دواليب الضغاين بالازمان 
ولا حكوا عنها رجال الصحافه
يامكثر الغفله وياقل الايمان
في قلب من ماهل دمعه مخافه
الشر يفتح له نوافذ وبيبان
والخير ملزم بالزمن والمسافه
والحق له مبدى دلايل وبرهان
مثل النهار اليى انبلج بانكشافه
اخوان بالدنياء وبالدين خوان
بالمال والا بختلاف الثقافه
صارو شياطين انسه اكثر من الجان
ياشين والله ميلته واختلافه
ماشاف هفواته مريش وطمعان
مير البلا من شاف وقته وعافه
هذي شهاده يازمن لبن نومان
ان كان ماحي سمع به وشافه



المصدر : انواع الدموع - مجالس الفرده انواع الدموع