هلا هلا يازين عقب المغيبه

هلا هـلا يازيـن عقـب المغيبـه=الصاحب اللي له زمانين ماشيـف
دفعت من حالي عليـك الضريبـه=الله لا يفـرق قلـوب المواليـف
أنا أشهدن فرقا المحبـه مصيبـه=وأنا أشهدنه نار بيـن المهاديـف
مقسوم والمقسوم ياقـع غصيبـه=ماهو على المخلوق بمناه والكيـف
ومقسملنـا ياخـذ علينـا الغليبـه=ويندار في شرس الليال المعانيـف
وراع الهـوى بالنـوم مايهتنيبـه=ويابي لحالـه ويتمنـا المشاريـف
حاله وحال الذيـب يقنـب قنيبـه=ذيبن قنب بين الهضاب المقانيـف
أليا قنب بيـن الرواسـي تجيبـه=املله طـول العصيـر الطهيريـف
يخيل دربـه فـي علـو الزريبـه=يبي يميـل وحاسبـن للصواديـف
وراع الهوى مثله وطرقه صعيبـه=يدريبه العارف وناسن عواريـف
ياما تعبـه مـن يجيـد الضريبـه=اللي نهار الكون ميلومـه السيـف
سباع خـزرات الجمـال المنيبـه=درع الجهام ودل وضحن مشاعيف
وراع الهوى حتى الليـال تغديبـه=ماشيه والله مايحسـب التكاليـف
وياصاحبي رقيـت عيطـا جذيبـه=وجاوبت جيع الذيب بين المكانيف
عليـك يازاهـي جميـل الذويبـه=فرقاك مر ونشف الحـال تنشيـف
راحوبك أسباب العنـاء والنشيبـه=بدون نصوا بضعونهم ديرت الريف
منزالهم بـرض الديـار العشيبـه=ومسقاه من نو المزون المراديـف