صح انا قلبي ابيض بس مااني سفيهـ

هذه قصيدة للشاعر / سلطان بن بتلاء

حبيت اشارككم فيها

صح انا قلبي ابيض بس مانـي سفيـه=كثر مزحي طبيعـه بـس ماهـو خبـال
صاحبك يوم يسكـت ماظحكتـي عليـه=مااظحكوا به منكسـة الغتـر والعقـال
جايّـتن تضحكيـن وتستهينيـن فـيـه؟=واحـدٍ مايعـدّ الا مـن اذكـى الرجـال
عيب اقول اني اذكى شخص واني نبيـه =بس كذبه تمـر ّ بـدون الاحـظ محـال
صاحبـك فاقـد امالـه وغاسـل يديـه =يوم قلتي : (احبـك) فـي ثلاثـة ليـال
اصبري واستشفي واشعـري واعرفيـه =ثم ّ قولي احبـك بعـد طـول الجـدال
قلت حب ٍ من اول نظـرة ٍ قالـت :ايـه =قلت مـدري ولكـن الشـك بـك لايـزال
يوم شفتك تمثـل بـأن قلبـك نزيـه =وادري الحب في عينيـك لعبـة عيـال
طابق الدور بس اللـي توصلـت اليـه =طحت من عين شخص ٍ يحسبك راس مال
يحسبـك راس مـال وشـاف مالايبيـه =يوم شفتك معـه فـي موقـف ٍ مايقـال
تقـل مرسلنـي الله موقـف ٍ واحتريـه =احتري منك زلـه لـي شهـور ٍ طـوال
كان موقف رومنسـي عاطفـه تحتويـه =ممتلـي بالمشاعـر مفعـم ٍ بـالـدلال
يحسبك هايمـه بـه يحسبـك تعشقيـه =مادرى انـه ضعيّـف لـك بدالـه بـدال
ودي أّلقى سبب مقنـع وعـذر ٍ وجيـه =بـس ذنبـك يعجّـز شامخـات الجبـال
ماانكر انك جميلـه مااختلفنـا (اوكيـه) =بس بعد الخيانه ويـش ابـي بالجمـال
هنـت ماعـاد لـك بالقلـب ماترتجيـه =ولاعد يشدّنـي حكـي القـراح الـزلال
خافق ٍ شاف طعنـه منـك لاتـر تجيـه =المحبـه يميـن وحـس قلبـك شمـال
انتهينـا بـدون اقـول وتقـول لـيـه =لاتقوليـن لـي كبـوة جـواد وتـعـال
كـان تلعـب بحبليـن انتبـه يانبـيـه =فيه غيرك تـرى يلعـب بعشـرة حبـال

الله يعطيك العافيه ابن منيديل



وصح السان الشاعر / سلطان بن بتلاء

عبدالله غنام شكرا لتنسيقك ولاهنت يالبناخي


بقايا انسان

شكرا لمروركم الكريم

يعطيك العافيه


وصح لسان الشاعر

ولا هنت يالناقل

يعطيك العافيه اخوي ابن منيديل وصح لسان الشاعر

صح لسانه

صح لسانه


ومشكور على النقل يالغالي


تحياتي

الله يعطيك العافية يابن منيديل والله والنعم فيك
وصح لسان الشاعر/ سلطان بن بتلاء

لو سمحت اذا كان حافظ شعر لسبيل ابن منيديل
الله لايهنك تنزلها في الموقع

( سبيل ابن منيديل )
معروف وشاعر وله قصائد جميله

لكن للاسف لاحفظ شئ له

الرجاء الى يعرفله قصيده يكتبها

صح انا قلبي ابيض بـس مانـي سفيـه
كثر مزحي طبيعـه بـس ماهـو خبـال


قصيده جميله وشكراً لك أخي الغالي مزعل

شكرا لجميع من قام بالمرور

ويأخ مزعل انا الان بصدد جمع قصائدة وسوف اضعها في هذا المجلس العامر بإهلة

وشكرا لإهتمامك بقصائدة رحم الله الشاعر وغفر له واسكنه فسيح جناته