انا بقايا صوت ماطاقه الصمت ..~

آلمدخل :



كل الطواري تنادي ضحكتي : إبكي ..
و كل الأماكن تسولف : ليه ناطرتك !؟

ما كآن لازم احبك و إنت مو ملكي ..
و ما كان لازم أضحّي و آنا خاسرتك !؟

آلنص :




من أول الضيقه .. إلى غصّة الياس
سادت ظنون ومن عتبها تحطمت !


سريت من ليل التباريح ، عسّاس
علّي أشوفك ( نور ) لكنّك أظلمت !


حزني شجر واعذارك وبسمتك فاس
لاحت ملامح ، و ارتويت ، وتألمت !


كم دمعةٍ علّقتها بين .. الاقواس ،
خايف عليها ... لاتطيح ان تكلمت !


لنّ الكرامه عندي اولى من الناس
وانا ، لـها يمّـمّت قـلبي و سلمت !


وشلون تجرح وانت ريحانة إحساس
وانا على فرحك وحزنك ، تقسمّت !


ان كان قصدك تروي عيوني نْعاس ،
عزّالله انك عن سهر ليلي اكرمت !


كيف انتظر من ساكن الليل نبراس ،
وهو مغادر صبحي اللي .. توهمت !


ياليت ينفع خاطري قول لا باس ،
ياليت احس بفرحتي لا تبسمت !


انا .. ! بقايا روح تحتاج لـ أنفاس ،
انا ..بقايا صوت ماطاقه الصمت !


طعنتك كم فجّت ضلوعي والاحساس
حاول تحسّ بطعنتك ( لو تكرمت !

آلمخرج :



كِل ماعرضت صآحِب لِـ الملام ،
ماطِعمت إلا على فمي ( بِكي ) !

مِن كِثر مآكآن في صدري كلام :
صرت اقص أزرار لبسي لآيّحكي !

آلمدخل : آشوآق آلخليفة . .
آلنـــص : نـقـا آلآسيــمر . .
آلمخرج : عآيشة آلمـري . .

اختي الطرف الخجول
صح لسان الشاعر ولاهنتي على النقل وكم تمنيت
ذكراسم الشاعر حفظاً لحقوقه الادبيه
تحيتي

صح لسان الشاعر
وسلمتي يالطرف الخجول
على الاضافه الرائعه

شآكره لحضوركم وطلتكم الراقيه

فلكم اجمل بإقات الود والعرفإن
مع خالص التحايا وارقها

شاعرنا / غازي
اسم الشاعر مدون في نهاية القصيدة
آلمدخل : آشوآق آلخليفة . .
آلنـــص : نـقـا آلآسيــمر . .
آلمخرج : عآيشة آلمـري . .

سلمت اناملك على النقل الرائع
تحياتي

شآكره لحضوركم وطلتكم الراقيه

فلكم اجمل بإقات الود والعرفإن
مع خالص التحايا وارقها