لابسات البراقع

قصيدة لابسات البراقع
كلمات الشاعر / بداح السهلي .





يالله اليـوم يـا رب علـيـم بحـالـي
يا عليـم علـى اللـي بينـه والخفيـه

عذبتنـي غرابيـل الدهـر والليـالـي
أقضي الحال وأطـراف الليالـي نديـه

الليالـي طويلـه والعنـا لـه توالـي
بيدتنـي مباديهـا وهــي سرمـديـه

كل ما سل شعـر وكـل مبـداه نالـي
قلـت كـود يجيـد الشعـر ولا قفيـه

مير لا قلت اباخذ مـدت عنـه سالـي
ذكر القلب صوت اللـي ينـادي سميـه

فز قلبي ولامـن فقـت لانـي لحالـي
المداهيـن منهـا كالمحـيـا خلـيـه

إلتفـت اليميـن وإلتفـت الشمـالـي
ما تشوف العيـون مـن الأوادم حليـه

والله اني عليه اشفـق مـن ابالعيالـي
شايـب لـه عيـال وفالبـلاد ادوميـه

كل ما غاب منهـم واحـد قـال غالـي
ما تغمض عيونـه ليـن ينكـذ نجيـه


يا حلي الغزال اللـي بـروس المفالـي
فيك وصف الغزال وفيك وصف العبيـه


فيك بعض الوصايف من وصوف الغزالي
يا سباب عذاب أهـل القلـوب الشقيـه

يا عيون أشقـر حـر يصيـد الجزالـي
من عيونك ونظراتـك سهـوم المنيـه

خف من الخالق المعبود منشا الخيالـي
لا توثـم وتذبـح لـك انفـوس بريـه

لا تسبب بذبح اللي يقول انـت غالـي
نظرتك بالعيون السود تكسـب خطيـه

كان بـه فالعـذارى ملكـات الجمالـي
انت سـر الجمـال وغايـة الجاذبيـه

لا بسات البراقـع والذهـب والشيالـي
يخلفن الهـواوي عـن هـواه ونويـه

عقب ماني بصاحي قام يظهـر اهبالـي
اطلب المستحيـل وهـو صـد النجيـه

وكل ما لاح برق في حقـوق الخيالـي
قلـت هـذا جبيـن الزيـن ولا حليـه

ما تهل الدمـوع الا علـى فقـد غالـي
والسهر ما يـدوم الا لراعـي الشكيـه

طال وقت الغياب وبيـد الصبـر حالـي
والمواجه وشوف العين صعـب عليـه

تحياتي/
تعاند من يعاندهااااااااااااااا