08-04-07, 03:33 AM
|
المشاركة رقم: 1 |
| المعلومات | | الكاتب: | | | اللقب: | ::عضو فضي::
| | الرتبة: | | | البيانات | | التسجيل: | Apr 2007 | | العضوية: | 119 | | المواضيع: | 10 | | الردود: | 176 | | جميع المشاركات: | 186 [+] | | بمعدل : | 0.03 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  إذا المراجـل لبسـة شمـاغ وعقـال !!!!!!!!!
السلام عليكم
شخباركم ياعيال عمي؟
جبت لكم قصيده انا أعجبتني وحبيت انكم تشاركوني بها
انا لاأعرف اسم الشاعر الصراحه
لكن اللي يعرفه يقوله لأن الرساله جت على الايميل
إليكم القصيده
إذا المراجـل لبسـة شمـاغ وعقـال
قـل للعـذارى يلبسـنّ العمايـم
ما عاد يفـرق زول حرمـه ورجـال
دام الفعايل تشبه البعـض دايـم
المرجلـه مـا هيـب كلمـه وتنقـال
وتروح ما راحت هبوب النسايـم
وإلا خشونة صوت أو رفـع الأثقـال
أو رزة صدور وفعـل الزلايـم
ولا هي بعد مفتـاح موتـر وجـوال
وإلا ردى لسانٍ حديثـه شتايـم
المرجله شيمـه عـن القيـل والقـال
رفيع نفسٍ حـر بالجـو حايـم
المرجلـه عقـلٍ وزن وزنـه جبـال
ودون العقل وش فرقنا والبهايـم
يا مسندي لو مايل الوقـت بـي مـال
يا ولد أبويه يا عظيـم العزايـم
يا معرب الجدين مـن العـم والخـال
يا نخوة المفزوع وقت الهزايـم
المرجله يا خوي هـي طولـة البـال
هي العزم هي الصبر فالظلايـم
فيهـا الكـرم عـزه دلـه وفنـجـال
فيها الكرامه عن ردى الطبع شايم
والدين لامنـه خـذا القلـب منـزال
مشى طريق الحق وابليس نايـم
ومن لا عرف ربه في طيـب الحـال
لابد وقت الضيـق بالهـم هايـم
حتى صلاتك مع جماعـات ورجـال
في خيرها يا خوي نعـم الغنايـم
ولامن نصف ليلك قـم صفـي البـال
يا عظم أجرك بين ساجد وقايـم
ولا من رفع ربي لـه كـل الأعمـال
حسن الذكر لا قالو فلان صايـم
وخلك شريف القصد يا طيـب الفـال
سوء المقاصد فالبيـوت الهدايـم
واحذر تبيع النفس فـي دب الأنـذال
وتتبع خوي إبليـس راع النمايـم
النفـس خيـل لـك إذا كنـت خيّـال
ومن لا قوى نفسه قوته الهزايـم
ولا صرت ما تدري لو يش أنت رجال
والله خسارة فيـك ذبـح التمايـم
تحياتي
الامبراطور
.
التعديل الأخير تم بواسطة الامبراطور ; 08-04-07 الساعة 03:35 AM |
| |
العرض العادي
