قــــلــب وأمــــانــي

قــــلــب وأمــــانــي

هذا القلم آلة حزن تعزف حروف=وهذا الحبر خمر الورق والمعاني
حبيبتي وان شفتي أقلامي وقوف=لا تحسبين إن أعذب الشعر جاني
حتى الشعر تعترضه أحيانا ظروف=ويمر في قلبي وينسى لساني
جيت أوصفك ماتت تحت رجلك وصوف=جيت أنطقك راح الكلام وعصاني
حبيبتي والليل شماعة طيوف=عليه علّقت الأمل والأماني
أتذكرك والبرد ووشاحك الصوف=كم كنت محتاجك وكم كنت أعاني
وأتذكرك والحيرة تحايل الخوف=كم كنت خايف لا يقصّر حناني
كنتي وأنا والعشق والجو محفوف=ما زاد عنا غير صمت المباني
كان السهر طربان والليل مكسوف=وكان الحكي من شفتينك أغاني
في الليلة اللي بدرها صابه اخسوف=كنتي هديه للسما والمواني
طرتي مكانه وأقبل الغيم ملهوف=يبي يضمك بس نورك أناني
وأنا مثل هالغيم من حولك آطوف=بغيت ** بس عيا زماني
نضحك حزن ونشوف ونصد ونشوف=ونضيق والضيقه سجينة محاني
ما فيه داعي نسمع أعذار وحلوف=ما دام ما نقدر نعيد الثواني
أنتي رحلتي دون تلويحة كفوف=وأنا رحلت بدون قلب وأماني