يالله ياجالي الامور المهمه

الشاعر الكبير بندر بن سرور العتيبي لايوجد احد بارض الجزيرة العربيه لايعرفه ، تناقلت ابياته الرواة بطول الجزيرة وعرضها ، فهو الرقم الصعب او الشاعر الذي لايتكرر ، ابياته صعبة التكرار قوية المعني بقوة وشموخ هذا الرجل الذي جعل الكثيرون ينحنون احتراما له، رحم الله بندر بن سرور وجميع اخواننا المسلمين .


من القصائد المشهورة لبندر , و كلها حكمة, و كل بيت منها يحتاج لصفحات لشرحه :

يالله يا جال الأمور المهمة .. تجلى وهق قلب برى حال راعيه
البر دجته و البحر رحت يمّه ... أدرج سبب حظ على الله مساعيه
يوم إن ولد اللاش رزقه على أمه ... رزقي على اللي ميّت القشع يحييه
ماني وانا بندر ببياع دمه ... يقطعك يا بيّاع دمّه و مهفيه
اللي يبيّع لابسات الأزمه ... ثور يبي بيض العماهيج تغنيه
يزعل ليا جت ليلة الدول يمّه ... يرضى بسوق المال بأخيه و أبيه
خطو البخيل اللي يكبّر معمه ... يقرا الكتاب و واجب الله مخليه
أما هرج له في رفيقه بنمّه ... والا عطا و أمه تضيّع هقاويه
يا مل قلب كل ما مات همّه .... دارت دواليب الدهر لين تحييه
فرّاق شمل الناس عيّا يلمه ... وقتن يشيب الراس من شاية فيه
أحدن ينام و حط راسه بكمه ... و أحد تخم النوم عينه و تخطيه
و أحدن يحاول بالردى بنت عمه ... و أحدن يحاول ستر عذرا عوانيه
تخالف الأنظار شرقن و يمّه ... كلٍ هدف رايه من الناس مرضيه
أنشدك ياللي كل شي تتمه .. تقرا الكتاب كل فرض تصليّه
ويش القليب اللي عميق مجمّه ... ما سرّ غرسه ماه عطشى سوانيه
سم السبب يا عارفن عنه سمه ... سم السبب يا عارفه قبل اسميه


تقبلوا تحياتي

ابن ذويخ يعافيك ربي على النقل الجميل لك ودي

يعطيك العافيه اخوى تركي على النقل



ورحم الله بندر بن سرور العتيبي



تحيتي

النمر الأرقط
أخوي غازي
مشكورين على التعليق ومنورين