و الصراحة مزعجة و أنا صريح ><تزعجك مـا تزعجـك بأقولهـا

الشاعر سلطان الهاجري
الجبـال اللـي تزحـزح مــا تـزيـح=والغصـون أدنـى هبـوب تزولـهـا
اعتـنـز عـلـى جـبـل و لا تـطـيـح=الـجـبـال تـــذرّي الـلــي حـولـهـا
والصراحة مزعجـة وأنـا صريـح=تزعـجـك مــا تزعـجـك بآقـولـهـا
شاعرٍ موهـوب و لسانـي فصيـح=وسابحٍ عـرض البحـور و طولهـا
و الأفاعـي روسهـا تـنـدح نـديـح=والعـقـارب سمّـهـا فــي ذيـولـهـا
مـا علـى الدنيـا ضميـرٍ مستريـح=كـــل خـلــق الله تـعــن خـيـولـهـا
ذا يــون و ذا يـحـن و ذا يصـيـح=و ذا يخطّـف راسـهـا و رجولـهـا
والشعـر .. هـذا قبيـح و ذا مليـح=وكـلـبـوهـا ســــاريٍ مـفـعـولـهـا
اجلـد القبـيـح فــي وجــه القبـيـح=وقول وش رايك؟ و أقول أصولها
و إلا أنا ما قـد مدحـت إلا المديـح=الجـمـال الـلــي تـشـيـل حمـولـهـا
و الصراحة مزعجة و أنا صريـح=تزعـجـك مــا تزعـجـك بأقـولـهـا
و إلا تدري ما يصح إلا الصحيـح=خـاطــب الـعـالـم بـقــد عـقـولـهـا