بيت أعجبني عن ألف بيت

تاهت مشاعرنا ورى حبر الاوراق
مره نجيب الشوق .. مره يعصانا
لاشك ما هو عجز في شرح الاشواق
بس البلا لا صار شـوق وعمانـا
نشوف كل الشعر وحروف الاعماق
تتعب توصل كيف شوقـه طوانـا

يـا عازف العود جرحي باللحن غنّــه
مـــن خافـقٍ بالقوافي يكتب هـمومه

القــلـب هايم وهاجوس المساء دنّـه
على وليفٍ يزين الشعر بقدومــــــه

بــيــن التمني وبين الوجد والونّــه
ليـلٍ سرابي وليـلٍ طابت حلومـــــه

جـاريت جـرح الغـرام اللي ضحك سنّه
وعيني تخــايـــل لبرقٍ لاح بغيومـه

لـي غاليٍ مـتفـقٍ ظـني عـلى ظـنّه
اللـه يجيره صدوف الوقت وسهومـــه

اسري مع الهاجس اللي ما بعد نامي
واصور الماضي لنفسي و اسليها
اخالف العمر اراجع سالف اعوامي
وانوخ ركاب فكري عند داعيها

النفـس دايم تعشق الخير والطيب
لو الزمــن يـانـاس قصّر معـاهــا


بس البلا لاصـار طيبــك عذاريـب
وش حيلتك والنـاس ذا مستواهـا

لا ترتقي في مديح الشيخ والتاجر
عن كلمةٍ حره تبقـى بمعانيهـا

بضايعٍ لو ربحت بسوقها خاسر
إن ما كسبت الكرامة في مراقيها

الناس مهما شريت لعينها خاطر
تاطاك تاطاك لو حنيت رجليهـا

]يوم هبّ الوقـت وأعمانـي عجاجـه
الفرج عيّا .. وأنـا بالصبـر راهـي



ويوم مال وطـال ميلـه وأعوجاجـه
رحـت أدوّر شـي ٍ يشـد إنتبـاهـي



وشفت زولك مقبـل ٍ مثـل إنفراجـه
كنّه اللـي جايـبٍ عـزّي و جاهـي



يـاه ياضيقـات صـدري وإبتهاجـه
تذكر آخر مرة ٍ شفتك ..متى هـي



سولف الليلـه علـى قلبـي و ناجـه
من بقى لي غيرك أفخر بـه وأباهـي



يابعـد مـن كـدّر غيابـي مزاجـه
ويابعد من مـرّت حروفـه شفاهـي



رغم حيرة قلبـك ورغـم إنزعاجـه
الزمن .. ماغيّـر احساسـه تجاهـي



ورغم وحشة بعدك وقسـوة سياجـه
كل حاجه فيـك ظلّـت مثـل ماهـي



الخجل فـي وجهـك أول مـانتواجـه
والبراءه في عيونـك وأنـت ساهـي



وبسمتك لامن بغيـت تقـول حاجـه
وغيرتك لاشفت كنّـي عنـك لاهـي



قبل أشوفك .. والزمن عاقد حجاجـه
أسأله : وش فيك ؟! وألقى العذر واهي



ويوم شفتك قلت للوقـت وعجاجـه
هيه ياللي في طعونـك كنـت راهـي



أنت لـو غيّـرت فينـا ألـف حاجـه



القلوب البيـض تبقـى مثـل ماهـي[

صمت عن زلّات الاقراب حشمه
والصمت عن زلّة معاديك حقران

يعني بكل احوالك الصمت حكمه
اما يجيك بربح ، او منت خسران

دخيل الشعر في نبع الحروف ودرّها المسكوب
................ اذا صادف لـِمـَس جرح القلوب وبلسمه فنّه

لقيت اقصاه في دم الوريد وقيده المحجوب
................... عن عيون النسيم وهيضَة الاشواق واللّنَّه

دخيل الله على شعر(ن) فتح غير القلوب جيوب
..................على مهجة مساري شيعة الخفّاق والسنّه

الـتجـاهل .. والتـغلي .. والـغيـاب
ضيـقـت صـدر الـمواصـل وامـتحـق

ان بـخلـتي مـاعلى المقـفـي .. عتـاب
وان عطيتي ( من كريم لـ مستحق )

فوحت دمي لين صار أشقر اللون
وأخذت من مجراه فنجال دله

ماغير أغني فيك لو كنت مغبون
يا مل قلبي من غرامك يا من له

دايم ضحايا العشق لإجله يضحون
كم فاض من كثر الضحايا سجله

وأنا غديت بحكم فاتن ومفتون
راضي بحكم الحب والحكم لله

وأن قام يكبر بيننا شاسع البون
أرفق علي وشاسع البون قله

عزالله أن الشك ماهوب مامون
سيف الجفا البتار يمكن يسله