|
ديوان الشاعر والراوي نايف بن رشيد أبو زوايد الفريدي الحربي مما قاله الشاعر والراوي نايف بن رشيد أبو زوايد الفريدي الحربي: ابتجه بالدرب لو كان خالي واخر زماني جاني الدرب معكوس عكس الطريق من الرفيق المثالي عاف الشماغ ولابسٍ قبع كبوس قاله سبيل بوقتٍ اقفى وزالي غوار بدا سبّق الحصن بتيوس غوار ماحاش الثناء والكمالي لانافعٍ ربعه ولاحاش ناموس عساه ينقّسكم سريع الزوالي يالشله اللي قلتو النجر ناقوس النجركملة كيف روس الرجالي روس الرجال اللي على روسها طوس روس الرجال اللي تفك التوالي راحت محشمةٍ لحاها عن الموس |
رد: ديوان الشاعر والراوي نايف بن رشيد أبو زوايد الفريدي الحربي أرسلت هذه القصيدة من قبل الأخ سلطان قالط الجليدي إلى الشاعر والراوي نايف بن رشيد أبو زوايد الفريدي الحربي: ابطيت عن وصل الرجال العزيزين اهل الكرم والطيب واهل الشجاعه ربعٍ لهم عندي معزه وغالين ذخر لنا بالوقت في كل ساعه ميقافهم تشيب منه السلاطين والكل منهم شاش ورها ذراعه شرواك يانسل الشيوخ الكريمين بالمرجله والطيب ما شح باعه قبل يشق النور طلق الحجاجين والكيف وايضا الضوء يجذب شعاعه مدهال لاهل الطيب ريف الوفيين عز الضيوف وعز كل الجماعه يفدونه اللي في زمنهم رديين اللي على ماقيل مامن طماعه فكان رده كالتالي: هات القلم واكتب بيوتٍ مثامين لها عن الميلات عز ومناعه يامرحبا من صافي الفكر واهلين والفين ترحيبه بقول الوقاعه من واحدٍ يافي على العسر واللين ويجعل رفيقه في طويل الرفاعه اطلب وحنا بالطلب مستعدين وبشاية الله ماتشوف انهزاعه قولك يابن قالط على الراس والعين ماقلت ياسلطان سمع وطاعه ياكاسب الطولات ياموفي الدين يامعتني بالطيب ترفع شراعه هذا ويا نجل الرجال العريبين لاجيت زان الجو وإخضر قاعه |
ومما قاله الشاعر نايف بن رشيد ابو زوايد الفريدي في الجمس: ومما قاله الشاعر نايف بن رشيد ابو زوايد الفريدي في الجمس: بكيت يا منصور عصرٍ لنا فات وبكيه يا منصور ماني بغادي قم هات لي من صافي الجمس قم هات وتنك الظهر بده على كل بادي ومر الغميز وركب معاونيات حط اربعه من غير شد البلادي والجمس شكمانين مابه مراوات لاتشتري غيره تقول اقتصادي يشفيك بالضيقات وقت المهمات هو منقذ المزحوم غاية مرادي هو منوة اللي حس بالقلب لوعات اليا صفق حد الحجر بالزنادي والاغريب شاف بالوقت ميلات حاديه من ميلات الايام حادي مايشتريه اللي يكد البقالات يشرونه اللي يعتبون الطرادي ولم عليه وضربه خط عمرات وانا الدليله كان منته جوادي واختر عصامين على الدرب فوات صميل قيض كل قوله وكادي عصفور وقتٍ من رجال البدوات اياك واي اللي ربى بالبلادي تلقى السعد له في حجاجه علامات والطيب دايم كل مشيه سنادي ياداج من كيفه ديار الحويطات اقول ما يلحق عليك السوادي ليا بغيت القيل يجن زافات يغوش في قلبي سوات الجرادي في ساعة الضيقه مهو كل ساعات يجي لهن وسط الضمير اجتلادي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر والراوي نايف بن رشيد أبو زوايد الفريدي الحربي: راسي ماهو متعود للمخده عودت راسي للسهر والمساري كم ليلة فيها قمر مجرهده وكم ليلة فيها ظلام غداري يوم الردي معتاش من ورث جده عشنا بحوش كفوفنا من جباري ابعد عن المنان وعاف مده لو كنت جيعان ولو كنت عاري خطو الولد مافصل الثوب قده تضحكه دنياه ماهوب داري عند العجايز بس هاته ووده بالقيض ظل وبالشتاء بالمذاري يدله مع اللي ينكرن الموده في ثوب نوم وفوق جيب سفاري ما ذاق موح السهله المجرهده مع خوة اللي ياصلون المحاري |
وللشاعر نايف بن رشيد أبو زوايد الفريدي (ردية بين المسافر والذيب) ( ردية بين المسافر والذيب ) قال المسافر: ياذيب ياذيب الخلا يابن سرحـــان ذيب وعلامك ليه مبطن بجوعي انته من اول ما تخوف من الضأن تقدم على الحايل جسور هزوعي تفرس عصوب الحيل واذناب خرفان وتشبع على تالي عشاك التبوعي قال الذيب: هذاك طبعي من قديمٍ الى الان لاكن من وقتي غيوض جزوعي الوقت ماجالي على مثل ماكان حدوني اللي يخلفون الرموعي وان قلت كلمة حق كني جليدان اصير انا المغلوب والغلب طوعي خليت ماشوفه وانا انظر بالأعيان وسكرت عن بعض المقاله سموعي الوقت الاول حال دونه عويجان اللي ليا جرد شطير(ن) لموعي |
هذه الأبيات أهداها الشاعر نايف بن رشيد أبو زوايد إلى الاخ سلطان بن قالط الجليدي هذه الأبيات أهداها الشاعر نايف بن رشيد أبو إلى الاخ سلطان بن قالط الجليدي: قم يانديبي جبت لك ماتمنيت من فوق من يقطع بعيد البعيدي وليا لفيت اهل المزاين وسجيت تلقى الرجال اهل المقام الحميدي اللي لهم بالمرجله والكرم صيت سلم عليهم دون عد وعديدي و سلم على سلطان قالط ليا جيت الطيب الممدوح ولد الجليدي يستاهل اللي يمدحه طيب الصيت اللي بعال المرجله له رصيدي ان قلت بالمعنى لوني تقصيت اقول ما يافي بحقه قصيدي من لابةٍ وقت الملاقاء عناتيت لطامة الخصم اللدود العنيدي وإسلم وسلم لي على ماترويت واقبل تحيات الوفاء مع جديدي |
رد: ديوان الشاعر والراوي نايف بن رشيد أبو زوايد الفريدي الحربي مما قاله الشاعر نايف بن رشيد أبو زوايد الفريدي الحربي: عصير يوم ارقبت طعسٍ بداليهمٍ يلايعني وهمٍ يزلي في ماقعٍ ماسومٍ اول وتالي غرب الحمودية شمال المصلي عليه من نوء الثريا مدالي ومن العقارب جاه وبلٍ يعلي في مرقبي متذكرٍ وش غدالي وعندي خبر ما طاب لي ما حصلي ماشفت ماعينت بالقفر خالي رجلي تسوج وخاطري مستملي شفت المراح وتو ما ضاق بالي وهلت دموعي واقفٍ في محلي يادار وين اللي يحاض الدلالي اللي ليا جاء المسير يهلي ابو معلى مدهلٍ للرجالي سوالفه عن كل همٍ تسلي عز الله اني يا تذكرت خالي افز فزت خايفٍ مستذلي رفيقي اللي بالصداقه صفالي رفقة غلا ماهيب رفقة تغلي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: سلام من قلب موّدٍ بلا ريب دافع وداد وما يكنه ضميري ارسلت لك يامنقع الجود والطيب الدمعه الحمراء كتاب السديري للطيب اللي ما بطيبه عذاريب سلطان ابن قالط رفيقي عشيري حيثك فهيمٍ يازبون المواجيب بشرح الكتاب ومايقول الاميري |
رد: ديوان الشاعر والراوي نايف بن رشيد أبو زوايد الفريدي الحربي هذه الأبيات أهداه الشاعر نايف بن رشيد أبوزوايد الفريدي إلى الأخ / وسيم بن سعد بن حامد: اسمك وسيم وللمراجل وسيمي وللطيب والمعروف تحمل وسامي معروفكم يبقى في نفسي مقيمي ولا يفعل المعروف غير الكرامي ومشكور ياراعي الضمير السليمي واقبل تحيات الوفاء واحترامي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: قم يازبون اللازمه سم وراكب منته على وارد عراوي على جيب اشهب وعليه اشهب ومع دو(ن) اشهب لاقام يهذل بالبراري تقل ذيب نبي عليه ندوج بالخد الاجرب نقضي غرض وانكافتن للمعازيب والجيب حطو فوقه السيف الاحدب خفر السواحل ناطحين المواجيب |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: نوبٍ على عزم ونوبٍ على ياس وصد عن من صد عني وشومي وقابل المقبل بترحيب واحساس واضحك بوجهه واحترم له وأقومي لاصار معرفتي قليله مع الناس لحتجت يفرجها العزيز الرحومي اصبر ولايكشف على السر هلاس من شان مايلقى عليه ثلومي وليا رمى المخطي بلا عرف وقياس ما يذبحنًي مخطيات السهومي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: هات القلم والبوك واكتب تماثيل قسمه وفيها جمع واكتب يساوي شايب ولي لحية واحب التعاليل مطوع(ن) مذن وشاعر وراوي واشفق على اللي مدهلٍ للرياجيل لعلوم دسمين الشوارب مهاوي وياما لفيت الطيبين المشاكيل اكون عن كل الوضاعه غناوي |
رد: ديوان الشاعر والراوي نايف بن رشيد أبو زوايد الفريدي الحربي هذه الأبيات مهداه من الشاعرالمعروف سلطان النحاوي العازمي الى الشاعر نايف بن رشيد أبوزوايد الفريدي الحربي بمناسبة شهر رمضان المبارك 1436هـ: سلام تسليمة وفاء ترفع الراس من عقبها مبروك شهر رمضاني ياطيب السيره وياطيب الساس ياطير شلوى ياسهيل اليماني باركت لك بالصوم وانت اول الناس لنك صراحه تستحق التهاني |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: ياحن قلبي حنت الشاحنــاتي ياحملن من مينت السير ابو كلب يامس قلبي مست الوايرتـــي لا مسهن بسبانته ميت القلب اصبر واجاحد ميلة المايلاتي وشوف عجفات الليالي بها غلب وكم واحدقبلي مسوي سواتي سود الليالي من قديم لها ولب ان اقبلن ايامها حالبــاتي وان ادبر ايامها مابها حلب ليا ضحكت توريك حسن الرواتي وان كشرت في نابها نابها صلب |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: ياراكب اللي ليا مشى يمرس مراس امراس شيهانٍ تقفى حباري ليا تعلى مع مياهيف الاطعاس يفرض عليهن الاراده اجباري ماكنه الا فارسٍ يرفع الراس يجيه مع زود الشجاعه حماري شيخٍ ولد شيخٍ على قب الافراس ترثت شيوخٍ ياصلون المحاري بالرمي دفاقٍ وللخيل مدباس يخوض غبات الجموع انتحاري تفوز فيه اللي زهت زين الالباس توخذ وهي بفعل ابوها تماري |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: ياغاب فالح يكفي طيبه الماضي وليا حضر فالح الريس يقهوينا وليا نسانا نسير يم ابو راضي قرم النشاما يهلي كل ماجينا وبعض الجماعه بغير قصور وبغاضي لو يفتح الباب عنده ماتقهوينا |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: يالله يالمعبود يا عالي الشانياواحدٍ فوق السموات عالي يا هادي الهدهد يكلم سليمان ويا مفهم سليمان معنى المقالي نطلبك يالمعبود عفوٍ وغفران تمح الذنوب وتستجيب لسؤالي يقول نايف من تماثيل الالحان ابو زوايد يوم جاله مجالي اقول حق ومنكر الحق غلطان وجنب الهزله عن الانهزالي منصاي شيال الثقايل بليهان اللي ليا دني له الحمل شالي نبي نسير للطهيمي عليان رجال جود ومن موارث رجالي من لابةٍ يثنون في كل ميدان لا طال في بعض الامور الجدالي اولاد راشد يوم حزات الاكوان ضد البعيد وعز عين الموالي يشهد لهم راع المروات فجحان وابن دغيشم قال نعم الرجالي والدوسري قال بطويلين الايمان نعمين اللي تحتمون التوالي حنا قبايل حرب من نسل عدنان يشهد لنا التاريخ باول وتالي منا البلالي بالخوي بان له شان مفهوم ماسوى دخيل البلالي اثنت عليه ام المطيري بما كان قالت فدى بعمره شريدة عيالي ونويشي اللي للخوي حط ديوان قص اربعه واثنين وانهاء المجالي سته ويد خاله عشى الذيب سرحان وينويشي الحربي فدوك النذالي وابن رشيد لسايله قال غلطان اسال نويشي ياخبيث العمالي ترفع له البيضاء على مر الازمان ياحي والله فعل رجلٍ مثالي وقولٍ بلا فعلٍ على غير برهان وقولٍ بفعلٍ هو خيار المقالي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: هات القلم واكتب من القيل مبداه لاصار انا في نظمة القيل ملزوم الطيب واضح والعوارف لها جاه ومن خلقة الدنيا قوانين وسلوم واللاش ماله بالمراجل مجاراه يموت وجهه لو حوى علم دبلوم تمد له يمناك ويمد يسراه ويقولك مافيه مشكل ومعلوم وليا نهيت اللي خبيثه نواياه اخاف حبلات السوالف تلد توم ياعل رجل مايوجه مطاياه يم الفضيلة ويتباعد عن اللوم تاطاه عجفات الليالي وتقصاه ويبدي عليه من القصاء كل مثلوم وإن راح جعله روحة مقيط ورشاه ياعل شكله مع هل الأرض معدوم راحت رجال يحتمون المخلاه يوم العمار بسوقها يرخص السوم الله من قلبٍ همومه تدالاه اسهر ليا منه رقد تاجر النوم عسى السحاب ليا ارتكم ونتثر ماه جعله من شرابث ليا حد زلوم حيثه مرب لكل وضحاء محلاه اللي بها زين القلاده وبرشوم |
رد: ديوان الشاعر والراوي نايف بن رشيد أبو زوايد الفريدي الحربي قصيدة الشاعر عوض ضبيب الحربي بالشاعر نايف بن رشيد أبو زوايد الفريدي: يامرحبا ترحيب غالي بغالي عداد ماخط القلم بين سطرين بالشاعر اللي من دياره عنالي بيني وبينه رفقتن توفي الدين نايف ليا عدو زحول الرجالي يحسب من اللي يلحقون المخلين ليا ثار عج الخيل مثل الخيالي يومن به العقال مثل المجانين ونادوا براشد صاملين العيالي دون البكار مقوسات العرانين ابوزوايد فعله اول وتالي يشهد له التاريخ مبطي وهالحين وصـلاة ربي عـد رش الخيالـي وعداد مـن حجو لمكـه ملبيــــن |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي: والله ماروح لواحد مايبيني بعز ماتهوى النفوس التزمنا عشاي مما حوشنه يديني يسوى ذبيحة واحد ماعزمنا الشين ماهو مكسب الطيبيني ومن مد لي يمناه نعطيه يمنا ومن صد..عنه أصد سمعي وعيني لاصد عنا واحد مالزمنا وليا بغانا بالوفاء حاضريني عند اللوازم بالمواجيب قمنا وراع النميمة لو تبين بشيني غصب على راعالحكي يحترمنا |
رد: ديوان الشاعر والراوي نايف بن رشيد أبو زوايد الفريدي الحربي هذه القصيده للشاعر نايف بن رشيد أبو زوايد الفريدي وقد وجهها لإبنه (علي) : ياعـلـي لاتـرافـق رديـيـن الانـجـاس ارفـــع جـنـابـك يـانـزيــه الـجـنـابـي لجوك اهل هجن من القفل يبّـاس يبـس الشنـون محتتـيـن الزهـابـي يبون من يبـرا الضـرم هـو والاتعـاس فنجـال بـن وكـبـش ضــان ٍ يجـابـي لاتـلـتـفـت للهيــنــه والـتـغـومــاس إرم الـشـحـم بـالـلازمــه لاتـهـابــي لـو تاخـذه دينـه تــرى مابـهـا بــاس رزقك على منشي ثقيل السحابي عقبـت لـك نجـر ودلــه ومحـمـاس وابريق اسود من سنا النـار صابـي وصينية ٍ تثني بهـا العصـب بالـراس وإبيـك لامـن غبـت تقـضـب غيـابـي مامات من خلـف وريـث مـع النـاس لابـــد مـايـرجــد عــلــي الـتـرابــي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد ابو زوايد الفريدي: يامتعب اتعب في مصالى اللهيبي اسرف بشبة نارها عن دخنها تابع عليها من جزيل الخشيبي كثر حطبها وطرف الجمر عنها وهات الدلال وهات زين القنيبي نجر يصوت للسباع بلحنها وحمس ودوبك جعل فالك يطيبي واصحى لها عن كل عذروب صنها حتى يجي فنجالها ياللبيبي اخضاب غطروفٍ هواها شحنها لاشفها شرابها ما يعيبي يقولك عن كل عيبٍ ضمنها من حب خولان الخضر له نجيبي لا صد عنها اللي تغالا ثمنها عزالله اني من زماني مريبي وبعض المجالس خاطري جاز منها اصد عن خطو الهذور الحضيبي اللي ليا جاب السوالف طعنها ياصار سرحه مايلايم عزيبي ولا درت الزرقاء تغانم لبنها قلبي يتوق لكاسبة كل طيبي مع درب سلفانٍ تقافا ضعنها اللي ليا قالو كلام مصيبي اللي يعرفون الثمين وثمنها |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبوزوايد الفريدي: يامل قلب(ن) هواجيسه يتلنهتل النداوي سبوقه وقت مطلاعه شاف الحباري طيار ويوم شافنه اقفن وراهن والصقار ماطاعه يبي وينوي دروب مار فاتنه يبا الولع واختلف من بعد مرماعه |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبوزوايد الفريدي: يقول نايف هاجسي واحتمالياني بتفكيري على حد حيره كني بصحصاح من الناس خالي واشعرت بالوحده وانا وسط ديره لوني امشي مع الطريق العدالي اشوف من بعض الجهات الخطيره يهب ذعذاع النسيم الشمالي ويسكن ويبدي لك هبوب المثيره واللاش لاش ولاطلع راس مالي لو ماله اكثر من نفود الفجيره (1) كم من صديق(ن) لي عدو(ن) موالي يضحك وهو يخفي خبايث ضميره يقِبل عليه ويتصفح حوالي ويقفي ويذكر مايشوفه لغيره يالله لاتجعل للانذال تالي هل النقيلي بايحين السريره (1) الفجيرة بالأمارات. |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبوزوايد الفريدي: يقول نايف عادتي شبة النار هذا هوايه وانبساطي وكيفي لو كنت انا مسبوق مع درب شعار قدمي يقول القاف بدر الحويفي الله على اللي يوم لوح على القار يطلع عليه بدون فتحة رصيفي ياحلو سجه من ورى ضلع عمار قاض(ن) لزومه ونهزم للنكيفي عليه من يفهم مواجيب الاسفار ماجر ثوب النوم وقت المصيفي ركب وتلطم ماتسمع للاشوار ضار(ن) على قطع الطريق المخيفي يمد من دار ويصبح ورى دار يصبح دياره من ديار الشريفي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبوزوايد الفريدي الحربي: لاضاق كيف النفس من بعض الاوضاع ولف الطريق وغبشن الليالي دقيت سلف الجيب مع جرهدي قاع للشــــرق والا متجه للشمــالي ابيه ياخذ له مع البر مطلاع يبعد وضربته دروبٍ سمالي يا ما حلا في خايعٍ فيه مرباع فل الفراش وشب ضو الدلالي مع خوة اللي خوته تبر الاوجاع وسوالفٍ مع طيبين الرجالي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبوزوايد الفريدي الحربي: لا كيّف الفنجال خطو السنافي يجلى عماس اللي على الكيف ضامي اللاش ما للكيف عنده ملافي يكفيه ماقاله رشيد الزلامي قلبه عن الطولات فيه انحرافي ماهو برايه طاع راي المدامي يكفيه وجبة سندويشه وكافي ماله مع اهل الطايلات التزامي عليك باللي بالمروات يافي شبلٍ على درب المراجل يحامي |
رد: ديوان الشاعر والراوي نايف بن رشيد أبو زوايد الفريدي الحربي ومما قال الشاعر نايف بن رشيد أبوزوايد الفريدي الحربي يسند على الشاعر براك نافل الغرابي الحربي: يقول نايف دام انا بالوجودي مثايلٍ لا قلتهن ما يعصيني جربت من عزرات الايام سودي وجربت بيض ايامهن وتعبني وصبرت لين الصبر عد الحدودي مدري علامي غلق الصبر مني اسباب ناسٍ يدبلون الكبودي تجزاء على المعروف رمح المطني وش رأي نافل عريب الجدودي براك كانٍ الحكى كملني شاعر مانيب بكل قول محمودي والرأي يؤخذ من مقال المسني ياريف ضيفه يازبون الشرودي ان جاء نهارٍ فيه الإرياء انعمني الرمح مركاء وصقيل مغمودي وخيول حزب مسيلمه يلعبني والرجلي فوق كتفه عمودي يشرَه على الفارس عسى مايثني يبي يقاوم مرهفات الحدودي الفارس اللي للاصيلة يعني وقتٍ على ماقال راع البرودي قافٍ على معناه حلياه مني(1) (1) راع البرود هو متعب بن مضيان له بيت من قصيده طويله : هذا وقتٍ زين مار فيه مافيه خطير فيه ان الغنم تاكل الذيب |
رد: ديوان الشاعر والراوي نايف بن رشيد أبو زوايد الفريدي الحربي سأل أحدهم الشاعر دغيم بن غيام المطيري لماذا لاتغير منزلك إلى محل أفضل فكتب هذه القصيدة يمدح فيها جاره نايف بن رشيد أبو زوايد الفريدي الحربي يثني عليه بما هو أهله.. جايـز لـي منزلـي منشـان نايـف لـو يقـولـون الـعـرب خــدك رديــه اسنافـي دايـم أعلـومـه طـرايـف لــه أعـلــوم بالمـعـانـي يافـعـيـه قربت الطيب مثل نبـت الحتايـف من بكـور الوسـم ماجتـه الرعيـه وللـعـدو ســم ذحـاحـي عـزايـف ويسقي الأضداد سم السقطريه يفعـل الماجـوب بكبـار الصحايـف في مجال الطيب له يمنا سخيه مـن ولـد راشـد مرويـة الرهايـف ساعة فيهـا الـردي ينسـا خويـه فعلـهـم ماينحصـلـي بالـوصـايـف الـرجـال الـلـي مواقفـهـم جـريـه جمعهم في قمة العليـا مهايـف في سنام المجد شيـد لـه بنيـه يتلي ابن حماد حمـاي الطرايـف مقـدم الهيـجـا وزيــزوم السـريـه قلتها مالـي ورى قولـي هدايـف الصحـيـح يـقـال والـنـيـه مـطـيـه |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبوزوايد الفريدي الحربي في دخيّل الخلف الدخيّل الخمشي: دنياك لي فيها تجارب وميعاد واللي جرا لي بالتجارب يكفي واللابه اللي من قديم لنا سناد نصف صفى منهم ونصف مقفي دنياك بادت قدمنا والجهد باد وبان الرفيق وبان كل متخفي وقعدت لينه ملني كل كقعاد ومشيت لين من الحفا باد خفي ولاكل عياد يجي مثل عياد ولاكل من صافيت ياقف بصفي إلا أنت ياعد الرواء وآف الأمجاد العـــد يـــورد والمناقع تجفـــي يابو محمد يامواريث الأجواد يفداك من عن لازماته مقفي يفداك منهو بالرخاء شيخ وسداد وبالضيق عن قالة رفيقه يلفي |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر رشيد بن نايف أبو زوايد الفريدي الحربي: يقول نايف يوم قيله شرع فيه كلٍ بهمه والهموم اقلقني حن الحوار وحن قلبي يباريه وله عادة يفخت عن امه يحني والقلب توه قام تدعي دواعيه من حر مابقصى الحشاء مستكني دواعي درب الهوى مامشت فيه من اين ماهب الهوى يقفلني وقلبي اللي لاهب الهم يكويه حرق معاليق الحشاء واحرقني والله لولا الرجم يوم ابديه ابدع من القيفان وارقب واغني لقنب قنيب اللي قصا الجوع طاويه جر العواء يوم النجوم ادبحني على رفيق كل ماحل طاريه يجوض قلبي وانسبى العقل مني رفيقي الصافي وقلبي مصافيه سمر الليالي في رشاها امرسني اطلب من المولى كدرهن يصفيه يصفي كدرهن عقب ماكدرني الله على اللي راعي العرف ناقيه من باخرة جمس الضحى نزلني ممتاز لونه لاق بعرف راعيه ادهم يميل من الحمر لون بني لاداس بنصه سايقه قام يعطيه تقل يقول من السطر هاك عني من صافي الممتاز تحرق بواجيه يعجبك يامن السيور اقنبني مادام ماقدر على العبد ياتيه والطيب ماجاء بالحكي والتمني والله يمين لوصل الحمل راعيه ان كان سود ايامها ساعفني نفسي تهقويني على طاري اطريه ومعيه دروس من ليال مضني ماني من اللي بالشوارع مرابيه قلبي مع اللي للفيافي طوني |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر رشيد بن نايف أبو زوايد الفريدي الحربي في قصيدة وجهها إلى الشاعر الكبير بدر الحويفي بعد أن زار الحويفي في منزله وأهداه أحد دوواينه الذي حمل على الغلاف صورة طير: سر ياقلم واكتب سلام وتحيه تحية مقصودها نية الخير لبدر بن عواد حق عليه دافع وفاء ماقلتها مقصد غير اخذت من بدر الحويفي هديه هدية عنوانها صورة الطير فزيت في مدت حميد السجيه حيث ان له عندي معزه وتقدير يمتاز طاروقه عن العايديه بفعل الوفاء ومساجلات المناعير تلقاه دايم واقف قهوجيه في مجلس فيه الوجيه المسافير ومن الكرم به ميزة حاتميه واظن به ميزة صلابة من الزير يفداه من ينسى مواقف خويه واللي يبين بالقصير المعايير نعمين ياللي تحتمون الرديه يوم اجتوال معسكرات المسامير اللي لكم تأثير في كل هيه بأفعالكم تفخر بنات غنادير قاله اجهاد اللي علومه طريه اللي يسجون النظى بالمسابير والمعذرة قدام تنقد عليه تراي ما اجيد المثل بي تقصير |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر رشيد بن نايف أبو زوايد الفريدي الحربي: يقول نايف وافتخر في مقالي يومن كلن يفتخر في مقاله ارضى على الطيب وطيب الرجالي وازعل ليا هضمت دروب الرجاله وردها للي يعرف العدالي اللي يجيد المرجله والشكاله ياعلي جبت الجيب لو كان غالي ماجبت مستعمل شرينا وكاله ابي ليا بان الطريق وطرا لي ابي قدم مسراه مست حباله مافيه داعي للخوي ياحلالي ضره على قطع الفيافي لحاله مع خايعن مبطي من الناس خالي نبعد العفيه وريح الزباله قلبي معلمني على كل حالي ويتوق مع طاروق وقتٍ مضاله يقوم بالماجوب قرم العيالي ويقصر عن الماجوب حثل الحثاله الا والله الا جردن الليالي ذيب الغداري ماحصل لي وصاله الصاحب اللي باللوازم صفالي اللي لصار اللزوم ارتكاله لاسامعن مني طرايف سوالي ولو هو قريب ماتجيه الرساله تكانفه موحشات الليالي لين قطعهن من مقابل عياله والامر في دبرة عزيز الجلالي مادبر المعبود للعبد جاله |
رد: ديوان الشاعر والراوي نايف بن رشيد أبو زوايد الفريدي الحربي القصيدة التالية هي رد الشاعر براك نافل الغرابي الحربي على قصيدة الشاعر نايف بن رشيد أبو زوايد الفريدي الحربي والمنشورة سابقا ومطلعها: يقول نايف دام انا بالوجودي مثايلٍ لا قلتهن ما يعصيني إلى أن قال: وش رأي نافل عريب الجدودي براك كانٍ الحكى كملني رد الشاعر براك نافل الغرابي الحربي : سميت باسم اللي يحل العقودي اللي خلق بالكون انسٍ وجني وجبت القلم والبوك واحضرت جودي مثايلٍ مني تشوق المغني مني لابو رشيد عريب الجدودي قول ابو نافل وانسب العلم عني اقضب دروب المرجله لو تكودي واحرص بهن وان قربن وابعدني وارفع مقامك عن خطاة الهبودي قل مانيب جوك وانت منته بمني بالجنس مسلم والطبايع يهودي يجيب علمك ويجيب لك العلم مني والربعه اللي يدبلون الكبودي خل الذيابه دونهم يقنبني شيوخ العوافي باردين العضودي ان جاء نهار فيه مد ومني لايهمك النمام هو الحسودي عطهم قفى كانك تبي الراي مني عطهم قفى واهنهم بالصدودي سكر سموعك تقل مايسمعني والصبر زين وللرجال محمودي من كانت الدنيا لين انه تفني الا لتعدو عليك الحدودي مايلحقك لوم الردي حسب ظني لاغيرو لك بيض الايام سودي وشرهو على شبر دماره يعني وشان الجواب وحك عود بعودي وقامت ايديهم للحاء يلمسني اضرب بسنان مرهفات الحدودي لين اليدين الطايله يقصرني ومن غير وجهك ماتسمى شرودي اللازمة وجهك والمشاكل تعني ومن قاف ابو صرداح عندي شهودي يوم المزيني بالمثايل يغني (1) - (1) قاف ابو صرداح المزيني من قصيدة الألفية التي قال فيها: الثاء تثاث عن كل قاله الا اللي ينوش الوجه عجل ردودها اقتباس:
|
رد: ديوان الشاعر والراوي نايف بن رشيد أبو زوايد الفريدي الحربي القصيدة التالية قالها الشاعر نايف بن رشيد أبو زوايد الفريدي وذلك بعد تلبيته دعوة من الشيخ قالط الجليدي لحضور إحدى المناسبات لديه وتم خلالها عرض مجموعة من إبله الوضح أمام المدعوين... يقـــــــول نايــف مــن كـــلامٍ وكيــدي لا قلـت مـا قول المثايل علــى مـــــاش مبـــــروك يا وضــحٍ عرضــها الجلـيدي يمشــي لـها في مــا تريد ابــو عمـــاش وبطيـب قالــــط ما يوفــــي قصيــدي عرضه نظيف ووجهه أبيض من الشاش بنى البيـوت وفــــَرش زلٍ جــديـــــدي وغدّى الضيوف الوافدة تسعة أكبــاش عســاه بالدنـــيا صحيــح سعــيدي وبـالآخره جنـة لــه لحاف وفراش العمــر يفنـــى و المدائـح تـزيـــدي وكــلٍ على فعله ويذكـر بمــا حاش هــذا كـــــلامٍ مــن كــلام الفــريـــدي أبوزوايـد يــوم حـرك به الجــــــاش |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبو زوايد الفريدي الحربي: يامحسـن افهـم والتـزم بالمواجيـــــب ابعد عن النمام لاتصير حولـــــــه اللــــــي مهاراته بشذب العراقيـــب افـــعال خبث ويعتبرها بطـــــــــوله اقضب دروب اللي تبي المدح والطيب احرص عليها وقل ابويه يقـــوله جربت بالدنــــيا كثير التجاريب وامضيت مشـــــوار بليا ميوله وليا حفظت الدين جملة وترتيب اهم ما عندي لزوم الرجولــــــه اشباط راح وجاك وقت العقاريب نبي لنا نــاخذ مع البر جوله من فوق ما يسهم كما سهامة الذيب مع خايع يزمي رفاع ونزولـــــه وشوله ابقعد وانـــا مشـتري جيب ابا تفضى دام عمري عـــــدولـــه |
رد: ديوان الشاعر والراوي نايف بن رشيد أبو زوايد الفريدي الحربي ومما قاله الشاعر نايف بن رشيد أبوزوايد الفريدي الحربي في رسالة ودية إلى الأخ عماش بن قالط الجليدي الحربي: يقـول نايـف يوم غنى بقافه يصير له عند أهل العرف مقدار وفيت ياعماش لي بالضيافه لاهنت ياخلفة وفيين الأشبار ماردنا عنكم بعيد المسافه دارين لاجينا على بهار وكدار كيف من البن المبهر كيافه وحط السحر والقلب في جاضع النار ريف الضيوف ولايهاب الكلافه عز الرفيق وللمعادين مسمار يالله ياوال المقادير عافه عسى الجليدي من طويلين الأعمار انكفت والمنكف يقول اعترافه ولابد عقب انكافتي رد الأخبار اسلم وسلم لي سلام اللطافة على الوجيه اللي هاك الليل حضار لاصار في بعض الأمور اختلافه دفانة الركبه بعيدين الأنظار |
رد: ديوان الشاعر والراوي نايف بن رشيد أبو زوايد الفريدي الحربي مما قاله الشاعر والراوي نايف بن رشيد أبو زوايد الفريدي الحربي: لاتخاو الباهشه مالك وماله عند وقت اللازمه تبرد زنوده مثل اللي حاطٍ السيكل زماله كل ماجاء مرتفع حوّل يقوده السوالف مالها عنده شكاله وان بغيت مساعده كلش يكوده منحرف عن كل درب به رجاله مع طريق الطيب مايثبت وجوده قاعدٍ له مقعدٍ مقعدْ رزاله وان مشى في هيكله يازين عوده الليالي علمتنا كل حاله علمتنا الحراره والبروده |
رد: ديوان الشاعر والراوي نايف بن رشيد أبو زوايد الفريدي الحربي مما قاله الشاعر والراوي نايف بن رشيد أبو زوايد الفريدي الحربي؛ رداً على قصيدة الشاعر سلطان بن قالط الجليدي بمناسبة عيد الفطر: يامرحبا والعود الأزرق لها غلاف وفنجال بنٍ يمنع الليف هيله بمعايد اللي كامل كل الأوصاف سلطان ابن قالط عزيز القبيله جتني بيوتٍ مابها عيب ونظاف من قول من جاد المثايل بقيله رسالة من شـاعر يبدع القاف سلطان شوق اللي تقض الجديله جتني وأنا جالس ولها قمت وقاف ومن شدة الفرحه رقيت الطويله له في معاني القيل مبدأ وميقاف يقدى كلامه لايجي فيه ميله وانا على زين التماثيل ميلاف اشفق على شوف الجليدي وقيله عساه طيب مايجي عنده خلاف يبقى بها الدنيا حواله جميله |
رد: ديوان الشاعر والراوي نايف بن رشيد أبو زوايد الفريدي الحربي مما قاله الشاعر والراوي نايف بن رشيد أبو زوايد الفريدي الحربي: مايستوي هرجٍ على غير مصلوح الباب هجه واردمــــه بالبلكـــه إرم الحطب بالنار والباب مفتوح واصحى لفحات الهواء لا تصكه حتى اليا جاء عاني الضيف مايروح يدخـل على الترحيب مـن غير شكــه |
| الساعة الآن 07:31 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir