أغلى حبيبة

اغلى حبيبه

28/3/1427هـ

ادري انك يا فتــاة الحســــن ليه=بودك الخالص على جهره وغيبه
ومؤمن انك ميـــزك رب البريه=بالشرف والعقل واوصافٍ غريبه
نجـمـةٍ للبيض وغيــرك مهمهيه=واشهد انك كيف من جيتي نصيبه
يـا غـنــــاة الــروح ياحره وابيه=يــا وســــام يغتبــط من يدعي به
ياغريب الوصف يالــروح النقيه=يــا حصين ويــا رزين ويا أريبه
ويــا عـيــون مــا تهــاديني هديه=لـــوعـنـي واثــــرن في العــطيبه
مهره في عسفها صلـــفى عصيه=اسلســت لي العنـــــان بدون ريبه
مارقولي وش بـعــد يــا (الغشمريه)=يــــوم قلبي صد انا وش حيلتي به
صــدة الــزعــلان صـد بمكرهيه=وانتي اقفيتي بجــرحٍ مــا دري به
وكـــــل منـــا ينظـــر بعينه خويه=مــارضى باللي جرى لكن نصيبه
وساقت سنين على الفــرقى جريه=طولهــــا ياطــولها الجردا الجديبه
وجرحها الصالي ليــــالٍ سرمديه=كيف طـــاولني مع العمـــر بلهيبه
احـســب ان الــوقت لاطول مديه=يجلي جـــروحٍ عـن الروح الكئيبه
واثـــره ان طـول تقاصى للقصيه=ســـالبٍ حتى النظــاره في مشيـبـه
فكـــرةٍ في خـاطــري كانت غبيه=مــن نتــايج غلطتـك قلبي غدي به
وماضي اللي راح شمنا عن خفيه=لا نـقـــول ولا نـعـيــــد ولا نجيـبه
يـا فتـــاة الحســن وش لي وعليه=جــاوبيني يــا عنــا قـلــبي وطبيبه
كــــانك اللي قلتي ان الصـلح نيه=انا اضيف : ان العمر ما ينصخي به
ادمحي الزلات وانسى لك خطيه=وانتي راس المال ولي اغلى حبيبه

عبدالله بن غنام

شــرف أول

الله الله الله

لا فض فوك

صح لسانكـ مدد بلا عدد

جزلة غارقة بالغلا . . تلامس الوجدان . . تحاكي شعور الأنقياء

فيما تقل الحكمة في شعر الغزل هي لا تخلو من الحكمة أيضاً :

احسب ان الوقـت لاطـول مديـه=يجلي جروحٍ عن الـروح الكئيبـه
واثره ان طـول تقاصـى للقصيـه=سالبٍ حتى النظـاره فـي مشيبـه

وأيضاً

كانك اللي قلتـي ان الصلـح نيـه=انا اضيف : ان العمر ما ينصخي به

بعبق الأصاله نرتوي هنا

دم بالوجود

تقديري

المشاركة الأصلية كتبت بواسطة مقبل بن نمران

شــرف أول

الله الله الله

لا فض فوك

صح لسانكـ مدد بلا عدد

جزلة غارقة بالغلا . . تلامس الوجدان . . تحاكي شعور الأنقياء

فيما تقل الحكمة في شعر الغزل هي لا تخلو من الحكمة أيضاً :

احسب ان الوقـت لاطـول مديـه=يجلي جروحٍ عن الـروح الكئيبـه
واثره ان طـول تقاصـى للقصيـه=سالبٍ حتى النظـاره فـي مشيبـه

وأيضاً

كانك اللي قلتـي ان الصلـح نيـه=انا اضيف : ان العمر ما ينصخي به

بعبق الأصاله نرتوي هنا

دم بالوجود

تقديري

ابو ياسر لاهنت على المرور الحافز

وشهادة علم بالشعر مثلك لهذه القصيدة ، هي بمثابة شهادة تخرج

أشكرك أبو ياسر على روح الأخوة الطيبة عندك ، وعلى حسن ظنك بأخوك ، وعلى المحبة الظاهرة

وعين الرضى عن كل عيب كليلة كما يقال .

الف شكر والف تحية لمرورك العلم .

صح إلسانك , ولاطاحت اسنانك , ولاكسر بنانك
قصيدة في غاية الروعة

مهره في عسفها صلفـى عصيـه اسلست لي العنـان بـدون ريبـه
مارقولي وش بعد يـا (ال....يـه) يوم قلبي صد انا وش حيلتـي بـه
صـدة الزعـلان صـد بمكرهيـه وانتي اقفيتي بجرحٍ مـا دري بـه

أخوي أبو زياد

صح بدنك ولا هنت

مجرد مرورك العلم على هذه القصيدة وسام تكسبه هذه الصفحة

الف شكر وكل التقدير

كانك اللي قلتـي ان الصلـح نيـه=انا اضيف : ان العمر ما ينصخي به
ادمحي الزلات وانسى لـك خطيـه=وانتي راس المال ولي اغلى حبيبه

القدير عبدالله الغنام
صح لسانك

صح لسانك

على القصيده الطيب يالطيب

بيض الله وجهك

ابو عزام

صح السانك

(زد غبا تزد حبا ) انت زد غبا تزد لمعان لا فض فوك

سلمت يمينك

لك صادق الود

أبو عزام


صح لسانك واعتلا شانك

ويعطيك العافية

قصيدة في غاية الروعة والجمال

ابن رغيان

الف تحية والف تقدير لك


يسعدني أن القصيدة أعجبتك

شاكر ومقدر مرورك الطيب

دم بالوجود