قصيده مجهول شاعرها

ياعلي قـول ولا لـواردك ملطـوم =ياراعي الخرمـة حديـد البقومـي
عندي علوم وخابـر عنـدك علـوم =وتبـي تعلمنـي وتاخـذ علـومـي
لا كن انا ماني رفيـق لـك اليـوم =أنـا رفيـق للشقـاء والهمـومـي
البارحـة واليـوم ماجانـي النـوم =بيني وبينه مثـل حـرب النجومـي
سهران طول الليل لا أرقد ولا أقوم =أقالـب الجنبيـن تقـل محمـومـي
وأن نمت صحاني من النوم جاثـوم =للي يصحـي غارقيـن الحلومـي
الله على اللي مقدمـه تقـل مبـروم =شد الخواجـه مـابديـه هشومـي
ماجِيب عـند السمكرييـن مصـدوم _=ولا قيل هـو مسيـوم ولا نسومـي
مقوس الصـدام وجنوطـه كـروم =فكسار منوة كـل راعـي لزومـي
إلى مشى بالخـط والخـط مزحـوم =يروج مثل السيـل بيـن العقومـي
بالوصف كنه فـارس يمنـع القـوم =يرخي العنان ولا يحـزم الكمومـي
فـارس وشيـخٍ للمغاويـر زيـزوم =قـدام شيخـان العبـي والختومـي
شيخ بكفه رمـح مسقـى ومسمـوم =اما من الدوشان وإلا الفرومي
وإلى أعترض خطه لشعبان وحزوم =يشبـه لسبـاحٍ يغـوص ويعومـي
ما قص له لوحات بحروف وأرقوم =إلا سند جمـرك بدفـع الرسومـي
أبيه عن دارٍ بهـا الصـدر مكتـوم =يبعد مسايـه قبـل أمـزع هدومـي
لأرضٍ يساقيها من الشبـط ديمـوم =ومن أول الوسمـي عليهـا قدومـي
فياض وجبالٍ لهن طـور ورجـوم =ملس المراقي مكنعـات الخشومـي
ما فقست بلجوفهـن بيضـة البـوم =مرفا الحرار مخاشرات السهومـي
ماكنـي إلا عايـشٍ دايـم الــدوم =إلـى رقيـت مناطحـات الغيومـي
أرتاح وألقى متعة الطيـر بالحـوم =يوم الهوى ينفض شماغـي وتومـي
وياعلي أنا قبلك عن الشعر أبا أصوم =زينه وشينـه مبعـدٍ عنـه حومـي
وش عاد ابا بالشعر والشعر مظلـوم =وإلى سمعت الناس ردوا عزومـي
اللي ليا سمعـوا شريـط أم كلثـوم =من الطرب كـل ٍ يطـق البهومـي
هيضتني يا ذخر مـن يذبـح الكـوم =في ساعةٍ فيهـا البخيـل مهزومـي
يقلط وهو كنه على الوجـه مرثـوم =يطيح وجهه مع وجيـه الرخومـي
وأصل البخيل خمام معطى ومحروم =وكفه ليا جـات اللـزوم محزومـي
والنـاس بالأفعـال فايـز ومذمـوم =وإلى النواصي ما عليهـا وسومـي
وأنته مع أهل الطيب لك حظ وقسوم =وعن الردى في كل حال محشومـي
لك مسهمٍ بالطيب ما هـوب مثلـوم =ياطيب الرفقـة شريـف السلومـي
وتم الكلام اللي من الراس منظـوم =وعسى حياتك ( يازميلي ) تدومـي
وإن مت جعلك من سنا النار معصوم =في جاه غفـار الذنـوب الرحومـي

هذي جبتها لكم لكن ياعيال راشد ابي اسم شاعرها
هو حربي وخواله مطران يعني قريبتلكم الحروه

انا والله مدري منهو لكن انتظر ردودكم

مايبي لها كلام ياولد الذيب

لشاعر الكبير عبدالله بن زويبن الحربي

تسلم على هذا النقل

دمت بصحه وسلامه

مشكور اخوي ماقصرت على ردك
وانا افحط لي مده ودي اعرف من له

عبدالعزيز العبلان الله يبيض وجهك من البارح رقدنا مافيه تفحيط

من يوم ولد الذيب عرف الشاعر

ولد الذيب انت مطنوخ كل الشعر اللي تنزله يدل على ذلك

الف شكر على هذا المجهود وننتظر منك المزيد

ياللي تفحط على هونكـ
تعال بحكيلكـ شوية حكايا
يعجبني الطرح واعجبني اسلوبكـ
قد قالها العبلان ماهي خفايا


تحياااتي سـ ع ـودي العز

جتني ياحبيبي ردودك
مثل طعم العسل ياغلايا
ابسدح المواضيع لعيونك
واعذرني لان هذا جدايا




هههههههههههههههههه
سعودي عز الله اعلم اني صرت شاعر بعد التفحيط

يعطيكم العافيه جميعا والشكر موصول الى صاحب الموضوع المتألق والمبدع ولد الذيب

دمت لنا ثانكس يالغلا

يعطيك العافيه

ياولد الذيب وعز الله إنك ذيب

قصيدة في غاية الروعة والجمال

شكراً لك على هذا النقل والإستفسار وبيض الله وجه بن عبلان

وأرجو المعذرة على التدخل بتنسيق القصيدة ,,,,,,,,,

صح لسان


الشـــاعر ومشكور

على


النقــــــل