من قال لي (قُدباي) باقـول (بايـاات) :)

للشاعر/ سالم بن محمد اليامي

اليكم القصيده :

ماحب نـوع الفشخـره والدعايـات=والي على نفـس النمـط لا يجينـي
ودي يجي بينـي وبينـه مسـارات=ويبطـي قسـم بالله لا يحتريـنـي
الثوب لـه (خبنه)وعـدّة مقاسـاات=وانـا مقاسـي غيـر يامبتليـنـي
طيبه وعزت نفس فينـي ونخـوات=وفزعت يساري ماتسـاوي يمينـي
واحب كل الناس (باالـذات بالـذات)=من قال عنهـم خالقـي (والدينـي)
واما الشعر لي فيه صوله وجـولات=((من بحر حبك لين بحر الهجينـي))
بيني وبيـن اللـي يلينـي مسافـات=وياطول درب اللـي وراي ويلينـي
شاعر تراقصلي طيـور وفراشـات=ونجم السماء يلعب على حرف سيني
ساحر ومتفلسف ولي سبع بصمـات=((بس الغـرور الله بينـه وبينـي))
راوي واجيد اسلوب فن الراوايـات=تسمع جماهيري تـردد ((ياعينـي))
اغوص في البحر الحمر والمحيطـات=وجو السما هو بس مـن يحتوينـي
تميزي في رسـم نهـج االخيـالاات=كن الشعـر مخلـوق منـي وفينـي
انثر حروف الشعر واروح بسكـات=واجمع حروفه بين قبضـت يدينـي
تصريح شاعر له مسـار وحكايـات=(ماهمني شبل الأسـد والحصينـي))
والا انت يلي لك بروحـي مسـارات=مابيـن شريانـي ومابيـن عينـي
خذيتني بسلوب (بسمـه وغمـزات)=وتوهتني مـن قُبلتـك فـي جبينـي
حسيت في حبـك ملـذه وسكـرات=وحسيت انك بـس مـن يهتوينـي
وسويت لك في وسط جوفي محـلات=ولا قلت لك فـي يـوم لا تجرحينـي
لا والله الـى حطـي القلـب كيـات=وان كان ودك (تحرقيـن احرقينـي)
ثم جمعينـي وسـط قلبـك حُبيبـات=تم انثريني فـي الهـوى واجمعينـي
ثـم ارفعينـي ليـن حـد المجـرات=وفي ظرف لمحة عين لـك رجعينـي
وفي شعرك الدافي ابو خمس خصلات=مابين خصلات الشعـر ((دثرينـي))
ومابين نبع (الثغـر خلينـي اابـات)=وبين البرد والجمـر (لا تحرمينـي)
سويبي اللـي يعجبـك كـل لوقـات=مانـي بقايلـك خـلاص اتركيـنـي
حرام حُـرم الـدم ماقـول أاهـاات=مادام انـك صـدق بتمـوت فينـي
معشوقتي لو طالعت فـي المرايـات=كـن المرايـه سولفـت (كسرينـي)
لو تجمعون اهـل الدلـع والعبايـات=((راحو وطي ياشيب راسي وعيني)
ماهو بدالـك كـل لحضـه وحـزات =سويـه فينـي فـي بقايـا سنينـي
بس افهمي ان لي مع الناس ميـزات=وميزه وحيـده (وقفـي وافهمينـي)
من قال لي (قُدباي)باقـول (بايـاات) =ماني بقايل مثل غيـري (اخذينـي)

سلمت يمينك اخي ابن منيديل ونقل موفق

وانتقاء لقصيده غايه بالروعه تقبل مروري

اخي / قاهر الاحزان

مرورك فاخر جدآ ومميز ياقاهرهم

لك جزيل الشكر على مرورك

مابك حيله يامحمد قلبك خضر

اختيار مرهف الله يعينك على هالقلب الهواوي

لعب بنا هاليامي الله يهب له فشله

سلمت يمينك وصح لسان ابن يام

صح لسان الشاعر

وسلمت يمينك على هذا الاختيار الرائع

دمت بخير يبو محمد

صح لسانه بدع اليامي ولو أنه طوّل


أحسسنت الإختيار ابو تركي

لاعدمناك

طبت وطاب اختيارك يابوتركي
وصح السان اليامي

خلف الفريد

شاكر لمرورك يالغالي ولاهنت

وقلبي مغلق للصيانه يابو عبدالعزيز ولست هواويآ


اخي منصور الوسوس

شكرآ لمرورك وردك الجميل


عبدالله بن غنام

اتمنى انها عجبتك حتى لوطالت ابياتها

شكرآ لمرورك الجميل


ابو بندر

الإهم في إختياري هو ان ينال اعجاب ذائقتكم

وشكرآ لطلتك الجميله