يوم جيت خصيبه شفت تعميره ........... للشاعر / مبارك بن حديد

يقول الشاعر مبارك بن حديد امد الله في عمره زرت خصيبه في احد الايام و
عجبت من تطورها العمراني الجديد ولكن ذلك العمران لم ينسيني ماضيها
ومبانيها القديمة التي ازدانت بها ولم انسى كذلك خيرة من الرجال فأعادتني
الذاكرة لذلك الزمان المجيد وأولائك الرجال الابطال وقد شدني واثارني
ماشاهدت من باقي الأطلال والاثار والمباني القديمة وقد اسعفتني الذاكرة
بهذه الابيات راجيا عدم المؤاخذه على عدم ذكر كل من يستحق الذكر في
هذه البلدة ماضيا وحاضرا واليكم الابيات :

يوم مريت وتذكرت بالديره=رجعتني ذكرياتي الماضيها
يوم جيت اخصيبه شفت تعميره=وشفت تال اطلالها وين بانيها
وين شيخٍ للقبيلة وللديره=وين مسس مجدها وين راعيها
وين ابوحديد لاعدوا الخيره=كل ميزات الرياجيل حاويها
وين هداج الكرم طيب السيره=به صفات ٍ معجزه مقدر احصيها
ما امهلت له لكن اعيش في خيره=سمعته هي عزنا وافتخر فيها
وين ابوصالح راع الطيب والجيره=بالكرم له معجزاتٍ يسويها
شبته في مقدم البيت كالنيره=يوم خطوا اللاش ناره يخفّيها
وين ابوعياد مونس مساييره=ريف اهل هجنٍ عنا البعد محفيها
لالفوا له ليلةٍ عنده اقصيره=للنشامى كنّس الحيل يشريها
وين ابو سالم راع الدين والغيره=له يمينٍ بالمكارم محنيها
وين ابوعلي مكرم خطاطيره=دلته دايم على النار جاذيها
وين علي اللي حكيمٍ بتفكيره=حاجة المحتاج لاجاه يقضيها
يوم مر الشمري واقفٍ حيره=شال بيته والمواشي يسقيها
وين من سامركتاب الله وتفسيره=الطميشا سيرة الطيب ماشيها
وين زيد وعيد وفرحان مع غيره=وين ربعٍ يرفع الراس طاريها
المباني غِيّرت والنخل صيره=ما بقى الا بعض رسمٍ لثاريها
والزمان ودورة ايامه مثيره=كم تغدا وكم تعشى بلياليها
ماتطيرنا ولا تاجب الطيره=ودبرة الله كل مخلوق راضيها
قانعين بحكمة الله وتدبيره=وكل نفسٍ يومها عند واليها
والسموحه كان بالقيل تقصيره=الكمال لخالق الخلق محصيها

اما بالنسبة لقصة الشمري فان كان في مكان مهلكة ومقطعه يقال له
( اللبة ) شمال الغوطه ولما قرب الماء ينتهي قال لاهله سوف اذهب اعس
لكم اقرب مارد للماء وتأخر على اهله وحلاله واثناء ذلك مر
( علي بن سليم بن دبيان ) على سيارته فلما شاهد العرب جاهم واذا هم
هلكى من العطش هم وحلالهم فقام بسقياهم وشددهم لاقرب عد للماء
وانقذهم الله به من العطش وقد قال الشمري قصيده منها الابيات التالية :

والله ما انسى جمايل حرب=اللي لحقوا بيت عوماني
ابن سليم انثنى بالدرب=علي على الطيب شفقاني

الهوامش مرتبة
- شيخ شمل الفردة الشيخ / ذعار بن حماد رحمه الله
- ناصر بن حديد والد الشاعر رحمه الله
- هلال بن ضبيان رحمه الله جد الشاعر لأمه .
- كنعان بن غديفان رحمه الله .
- عبدالمحسن بن سالم بن دبيان رحمه الله وهو جد العضو البارز في مجالس حرب والفردة ( ابن راشد ) لأبيه .
- نغيمش بن فراج الهبيره رحمه الله .
- علي بن سليم بن دبيان رحمه الله . وهو عم العضو البارز في مجالس حرب والفردة ( ابن راشد )
- سبق شرح قصة الشمري .
- عبدالهادي بن عبدالله الطميشاء رحمه الله .
- زيد بن ناصر بن مزرم رحمه الله .
- عيد بن محسن من الزبن رحمه الله .
- فرحان القداح من المواسى رحمه الله .
ودمتم بخير وعافيه

صح لسان أبو ناصر أعادنا إلي إلي تاريخ جميل لاينسي
نسأل اللة أن يغفر لهم جميعآ وشكرآ بو محمد نقل
رائع

منصور الوسوس

صح لسان أبو ناصر

وسلمت يمينك على النقل

تاريخ مشرف يستحق الوقوف وماضي اصيل برجاله أهل الوفاء والنخوة

والحاضر إمتداد لأصالة الماضي

تقبل شكري وتقديري

الأخ الفاضل منصور الوسوس


أتقدم لك بجزيل الشكر على نقلك لهذه القصيدة الرائعة


للشاعر مبارك ابن حديد ..


هذه القصيدة من روائعه حقاً لأنها حوت اسماء ورجال ورموز من رموز هذه القبيلة العريقة فكل واحد منهم مضرب المثل في كل المعاني والقيم السامية و الأصيلة ..

الله يرحمهم جميعاً ويسكنهم فسيح جنانه ..

ابن راشد

حمدان بن جضعان

مقبل بن نمران

ابن راشد

احسنتم فيما قلتم فقد افتقدنا رجالاً ولكن نحمد الله سبحانه وتعالى

انجبوا رجالاً حذو حذوهم بالطيب والعلم الغانم وما يسر الخاطر .

شكرا لمروركم وتعليقكم واطلالتكم الجميلة وتقبلوا خالص التحايا .

مشكور ياتاج راسي على هذا النقل

وصح لسان الشاعر : مبارك بن حديد

ادام الله عزكم يا عزوتي

حياك ربي يالقسومي

مرحبا فيك واجمل تحية على مرورك العاطر

رحم الله الجميع واسكنهم فسيح جناته

كانوا مجموعة من نوادر الرجال دين ودنيا

صح لسان ابو ناصر وادام الله صحته فهو شاعر مرهف الاحساس صادق الشعور

والشكر كل الشكر لك ابا محمد على هذا الاختيار الكريم والجهد المميز

لاهنتم جميعا

ابومحمد
اعادتني القصيده الى ذكرى هؤلاء الرجال الافاضل من اهل الديرة ماعاد الشيخ ذعار رحمة الله فاني لم اطلع عليه.
ناصر بن حديد رحمه الله
- هلال بن ضبيان رحمه الله .
- كنعان بن غديفان رحمه الله .
- عبدالمحسن بن سالم بن دبيان رحمه الله
- نغيمش بن فراج الهبيره رحمه الله .
- علي بن سليم بن دبيان رحمه الله .
- عبدالهادي بن عبدالله الطميشاء رحمه الله .
- زيد بن ناصر بن مزرم رحمه الله .
- عيد بن محسن رحمه الله .
- فرحان القداح من المواسى رحمه الله .
وغيرهم كثير من شيوخنا وربعنا رحمهم الله رحمة واسعة مما لايتسع المقام هنا لذكرهم.



وبلغ سلامنا لشاعر وقله صح لسانه وماقصر وقف واستوقف وتذكر فذكر .

ابوبندر

سلامك يصل باذن الله يبو بندر سلمت ودمت

صح بدنك ودامت ايامك ياهلالالالالالالالالا