شوي شوي على روحك
يامن تجي على جيب فكس ار وقبل تصل للمنزل اللي عازمينك (((((((( تدق بوري ))))))))))) كأنك تقول ::
تراي جيت استقبلوني بالعود الازرق ولافيه مانع تصفون برزانكم
اقول لاتنس ان الجيب مبيوع عليك اقساط وتراك متأخر بالأقساط وراعي الأقساك موجود بالمجلس ورجل متواضع جالس في احد زوايا المجلس والعجيب انك تريده يستقبلك ويسلم عليك حتى ما أشرت بيدك بالسلام عجبي !!!!!!!!!
عجبي يامن راز نفسك في وسط المجلس وكأنه يرى كل اللي في المجلس حشرات صغيرة بعد .... لاويبي الشيبان يجون عنده ويسلمون عليه وكانه جاي من كوكب آآآآآآآخر اقول لك هون عن نفسك وفك ازاريرك لاتقطع حلقك واعلم انهم يرونك مثل ماتراهم
يكفي مهايط يالحبيب عجبي !!!!!!!!!
يامن يقطع حديث المتحدث ويجيب سالفة معترضه مالها دخل بالموضوع ويرى في قرارة نفسه انه هو من يستحق ان يتحدث وباقي المجلس يجلسون مثل جزمهم اكرمكم الله ولا احد يرفع خشمه ... عجبي !!!!!!!!!
يامن اذا جلست في مجلس بدأت تتحدث عن التعاملات والناس غالبها مخادعين وفيهم وفيهم وانت جوالك حاطه على الصامت عندك عمال مطنشهم ماعطيتهم حقهم واحدهم امه بالمستشفى يريد ان يسافر وانت معطله لا ولك وجه تكمل سالفتك وتنصح والأعجب ان الناس عارفينك وبعضهم يضحك لزميله وانت تتكلم لأنه سبق وذاق المر منك . عجبي !!!!!!!!!
يامن تتكلم عن الكرم انه يغطي كل العيوب وان الكريم قريب من الله قريب من الناس وانت بيتك له اكثر من نصف سنه ماطبه ضيف ولاقيل لرياجيل فيه يالله حيهم ... عجبي !!!!!!!!!
يامن اذا جلست بالمجلس قعدت تعدد بطولاتك المزيفه وانك فعلت وفعلت واغلبها عن مجال عملك اقول عيب عليك هذه اسرار عمل وكل ماقمت به واجب ديني ووطني لايجب ان تتفاخر به اهجد ازعجتنا الله يزعجك ... عجبي !!!!!!!!!
يامن تتكلم عن الوطنية وانت مزعج الناس في اليوم الوطني ومسوي قلق للمسئولين ولو يطلب منك اي خدمة في سبيل بلدك اول من يتهرب انت الله لايحدهم على أمثالك عجبي !!!!!!!!!
يامن تأكل من خيرات بلدك وتعيش في رغد العيش والأمن وتصل للأراضي المقدسة وانت في اتم راحة وتأدي عمرتك وتصلي فرضك ومع هذا كله لايقنعك شي اقول يكفي مهايط انت ناكر للجميل قي ختام موضوعي اقول وبالله التوفيق
انا لا انكر على من تكون سيارته فكس ار لكن انكر على من يرى انه رجل ولا كل الرجال وفخر لقبيلته كلها طبعاً سيارته فكس ار اقول هون عليك فكم هم اللي يستاهلون كل خير وسباراتهم فخمة
لكن يأتون بكل تواضع وسبحان الله هم يستقبلونهم الناس بكل حفاوه لأنه كل من تواضع لله رفعه محور الحديث هل الخطأ هو من هؤلاء الأشخاص اللي اكلين مقلب في انفسهم ؟؟؟ او السبب نحن اللي طهبلنا لهم حتى اوصلناهم النجوم ؟ ونحن في المقابل نضحك بهم في غيابهم ؟؟ هل نحن المهايطيه ام هم ؟؟ هل في رأيك اننا اذا وجدنا مثل هذه النوعيات اننا ننصحهم ونعطيهم قدرهم وننفس عنهم لاينفجرون من الأنتفاخ ؟؟
او نتركهم ونطهبل مع الناس وكل مطرود ملحوق ؟ هل ترى ان كبار السن هم السبب في هذه الطهبلة لهؤلاء الجهلة ؟ وان الشباب يعون هذا الأمر ؟ انا هذا رأيي ؟ فما رأيك ؟ إضاءه لهؤلاء
سأل رجل اولاده قال لهم كيف ترون الناس في أعينكم قال احدهم : اراهم مثل الذر
وقال الآخر :
اراهم مثل الأسود قال : والدهم هم يرونكم مثل ماترونهم ... كذلك اقول
اعلم ان حبيبك صلى الله عليه وسلم كان ولي امر المسلمين وقائدهم ومعلمهم ومربيهم ويحكم جل الجزيرة بأكملها وهو قبل ذلك رسول رب العالمين
ومع هذا كله تأخذه الجارية بيده لتحكي له مشكلة عندها
نعم كان خلقه القرآن صلى الله عليه وسلم
واعلم ان جزاء المتكبر الجزاء من جنس العمل يدعس في الأقدام مثل الذر لأنه يراهم مثل الذر اعتذر عن الإطالة وهذا الأمر دائم يضايقني فأحببت ان اعرض ذلك لكم لأستنير بما عدكم ومنكم نستفيد
والله ولي التوفيق والسداد
اقول يالمهايطي تراك عند الناس مثل هذا مالك قيمة شوي شوي على روحك
احسن لك حل سو مثل هذا وابدا صفحة جديدة مع نفسك ومع ممن حولك لعلها تتغير النظرة عنك
نهاية مهايطي 
العرض الشجري
