ابن جدلان / .. اللي هي الا يالهبوب البارده ..

بسم الله الرحمن الرحيم


هذي قصيدة ابن جدلان




.. اللي هي الا يالهبوب البارده ..

الا يالهبوب البارده عجلي هبي=على جاش من قامت هواجيسه أتلوبه
انا مرة ٍ اصحى ومرة ٍ يغيبي=واسرح معا كثر الطواري بغيبوبه
الا يا دهر ماهوب حق تلاعبي=وخليتني لمقرد الخلق لعبوبه
اعباد مغفلها الزمان وتعجبي=يحسبون قل المال فالرجل عذروبه
وانا قانع باللي علي كاتب ٍ ربي=ومومن بمقدوره وقانع بمكتوبه
ولا ابغى عمى الاريا برايه يجربي=وهو ماعرف ماجوب ربي وماجوبه
هذور المجالس راعي المدح والسبي=وهو بالخلا لو جاه بنت خذت ثوبه
يقولون لي جز من تصرفك وتحبي=وانا توتبي من مجتمعهم هي التوبه
ديار الوبا من طبها راح متوبي = وقرابة الجربا على الحول مجروبه
انا عارف منصاي الا من بدا نبي=وعارف طريقي والذي باتجه صوبه
وانا اعرف من اعادي وانا اعرف من احبي=وبه ناس لا تعرف ولا هي بمحبوبه

وسلامتكم ..