شاعره كويتيه لها ديوان شعري اسمه عابره سبيل واشعارها رائعه جــــــــدا ولكن الله شاء ان نفقد هذه الشاعره بسبب مرض السرطان ابعدنا الله عنه وللشاعره 6 ابناء اكبرهم عمره 12 سنه واثناء ما كانت على فراش الموت كتبت هذه القصيده التي تبين مدى ايمانها بالله وان الموت سيكون مصيرها لان هذه ليست اول مره تدخل بها المستشفى بل كانت تدخل وتتعالج ويقوم زوجها بذبح وليمه لشفاءها ولكن المرض دام معها حتى ماتت وكانت هذه اخر قصائد عابره سبيل لزوجها...
ترى الذبايح وأهلهـا مـا تسلينـي=أنا أدري إن المرض لا يمكن علاجه
أدري تبي راحتي لا يا بعد عينـي=حرام ما قصرّت يديـك فـي حاجـه
أخذ وصاتـي وأمانـه لا تبكينـي=لو كان لك خاطر ما ودي أزعاجـه
أبيك في يديك تشهدنـي وتسقينـي=أمانتـك لا يجـي جسمـي بثلاجـه
لف الكفن في يديك وضف رجليني=ما غيرك أحد كشف حسناه واحراجه
أبيك بالخيـر تذكرنـي وتطرينـي=يجيرني خالقـي مـن نـار وهاجـه
سامح على اللي جرى ما بينك وبيني=أيام نمشـي عـدل وأيـام منعاجـه
همي عيالي وأنا اللي فـيّ كافينـي=علمهـم الديـن تفسيـره ومنهاجـه
,,,,,,,,,,,,,,,,,,,,,,,,,,,,,,,,,,,, دمتم بخير.
.................................................. .................... فارس الحرف.
عابرة سبيل 
العرض الشجري
