نخوة حرب قصيده لـ الشاعر محمد بن حمد بن شعيبان الفريدي

(( نخوة حرب ))
وكل القبايل والشعب السعودي
للشاعر العلم محمد بن حمد بن شعيبان الفريدي

‎يالله ياربي عليك التياسير=‎يامن عبيده كلها تلتجي له
‎يافزعت اللي شاف ضيق المعابير=‎قدام عينه ماله ايات حيله
‎ينخاك ثم ينخا الوجيه المسافير=‎اهل الوفاء من كل دار و قبيله
‎متأملينن في رجال الوفاء خير=‎وبالذات حرب اهل الفعول الجزيله
‎فزعاتهم دايم تجيب التباشير=‎تثلج صدور مدورين الجميله
‎خالد محمد يالحروب المناعير=‎يفخربكم ويعد يومه وليله
‎يادرع جنبه بالليال المعاسير=‎اهل المواقيف الجزال النبيله
‎اليا تذكر بذلكم للدنانير=‎تخيل السجان مخلٍ سبيله
‎فزعاتكم يالابتي وصفها غير=‎تقضي على فعل السيوف الصقيله
‎من طبعكم ماتعرفون المعاذير=وقت الامور الكايده والثقيله
‎في رادت المولى ولي المقادير=‎ماخاب من رب الخلايق وكيله
‎واللي يبي عن ماحصل نوع تقرير=‎اعطيه عن ماصار نبذه قليله
‎سبت خلافٍ ماله ايات تبرير=‎الا الجهل بين الزميل و زميله
‎ولافيه شك لصغر الاعمار تاثير=‎على العقل وبليس جيشه وخيله
‎مجهزه للشر من دون تاخير=‎يفرح لامن الزند ناش الفتيله
‎وشكراً لكم حق ومعزه وتقدير=‎والله يوفقكم لفعل الفضيله