احاسيس وجدانيه

انا ما اتسلا بالقصايد اليا غنيت=اغني من الحره بحاسيس وجداني
يخفف وهجها بعض الأحيان لاسجيت=مع ارض خﻻ ساري مع الليل وحداني
بعيدا عن الشرهات ومقابل ألقتيت=ولا شي يزعلني ولا شيا" ارضاني
وليا شفت يانفسي مع الناس وش سويت=تبين من المجني عليه ومن الجاني
قبل كنت اجامل واجرع المر والحلتيت=وهالحين والله ما اتحمل ولا اداني
يوسوس لي الشيطان واقول ماسميت=ابا اصد حتى عن ربوعي وجيراني
انا حارس المرمى وشيطاني الشويت =الا يالله انك تمنع اهداف شيطاني
تناقض فكر محسوس في عالم التصويت=لنا الله كلا" يرفع آلصوت من داني
وعلى كثر ماعيش بتناقض ورحت وجيت=لقيت ان طب جروح الارواح مجاني
اداوي جروح الناس بالبيت تلو البيت=ولا فيه مخلوقا" من الناس داواني
ليااخطيت كلا شد حيله يقول اخطيت=واذا اصبت كلا صد عني وخلاني
اسوق المطيه للمطايا مثل ما اوحيت=وعلمن يبين لي.... وعلمن تعداااني
وانا دام اصلي وادعي الله لياصليت=عسى الله يسلم والديني وياقاني
ولاخنت عشرة كل طيب وجار البيت=ولاترتخي كفي عن مصافح اخواني
عسى من فدا بروحه عن اخوه حي وميت=يرجح بميزانه على كل ميزاني
واذا كان ماكفيت معكم ولا وفيت =لعل الردي ومقرد الخلق للفاني

صح لسانك يابوهلال

وعلى كثر ماعيش بتناقض ورحت وجيت=لقيت ان طب جروح الارواح مجاني


انشهد و صح لسانك ي نواف

صح السانك يابو هلال
قصيدة جزله تبقى وتبقى الجزاله الشعرية

ابو اثير ....الشاعر عبدالله بن زمل ......
أخي مشعل المجالس :مشعل بن مطيع
صحة ابدانكم والإبداع تواجدكم لاخلا ولاعدم
وبيض الله وجيهكم على المرور الذي عطر ابيات القصيده
وزادها جمالاً