يالضيط ابرسلك من الشعر ذوقه

السلام عليكم ورحمه الله وبركاته

اعضاء وزوار منتدى مجالس الفرده يسعدني ويشرفني الانضمام لديكم
في هذا المنتدى الجميل والذي يبعث الحماس والفخر في قلب الفرد
من هذه القبيله العزيزه

و في البدايه اقدم لكم هذه الرديه بيني وبين الشاعر //سلطان الضيط
واتمنى ان تحوز على اعجابكم وارائكم تثريني

..

	يالضيط ابرسلك من الشعر ذوقـه والشعر فنه في معاليكك تــــوااق يا شاعرا شعره قطايف عذوقــهه يبلل من الجزل نشفات الاريــااق الشعر من جزلك تلامع بروقهـــه وغطت حدايقها زهورا بالارنـــاق يالضيط والمعنى غدتبه طروقــه كلن يبا يبدع وللبدع ما طاق الشعر من تالي تساوت فروقـــه كلن على ذيك الميادين نعـــــاق وانا ليا جات المعاني شـــــفوقه احتار بالجزله وللجزلـــــه انساقق حقه عليه اني انصــــف حقوقه وارقى بحرفه في عجـب كل الاذواق وحقي عليه ان جاء مجاله وسوقه يبري خفايا خاطري كــــل ماضــــاق اسخر من القاف عســـره واسوقـــــهه على مسامع من على الشعر مشتاق ماني بخثروق بيـــــوته تعوقــــهه يحدها للقاصـــــي الين ما تطاق

وهذا رد الشاعر //سلطان الضيط

	هلا بمزنن بل صدري صدوقه : لين أنبتت قصايدة وسط الأعماق !! ي شاعرن تحلى لسمعي طروقه : جتني وأنا عنك مقصر ومشتاق !! الشعر حرن مطلقاتن سبوقه : في كف صقارن يهده ليا ضاق !! ويحفظ مواثيقه ويحفظ حقوقه : ويبادله بالحب وأنواع الأشواق !! واليوم ماهو حر .. بانت فروقه : مثل الحمام اللي يبيّع بالأسواق !! والآدامي ضاع انتباهه وذوقه : شعرن ماعاد ينول عذبات الأذواق !! وأنا فريد وهجن شعري سبوقه : الشعر عندي ملحقه ضمن الأخلاق !! شاعر وشعري طيّباتن عموقه : وكلن على ما أكتب من الشعر تواق !! واللي على الجزلات مافيه طوقه : لو حاول الإعلام يبرزه ما طاق !! واقبل تحيات الصديق (الصدوقه) : وانته ياعبدالله لك الجزل ينساق !!