قولت نعم يا قلها في وفاها

قولة نعم يا قلها في وفاها
هذه القصيدة مهداة إلى أخي الكبير أبو سلطان : منيف بن خلف العسم الحربي أطال الله في عمره
في مناسبة رجوعنا من رحلة الربيع التي قضيناها سوياً في شرق محافظة المجمعة وفي نفود الدهناء في هذا العام 1428هـ وهي اول قصيدة بدأت فيها مشواري الشعري

لا والله اللي قطــــع القلب فرقـــــاك =وقامت بنا الأيام تمــــــــشي وراهـــا
وعزاه يا قـــــــلبٍ تولع بطريـــــاك=طريا السعد والعود الأزرق سماهــــا
ابن عسم لحل بالأرض طـــريـــــاك =قولة نعم يا قـــــــــــــــلها في وفاهـــا
نعم و نعم أقولهـــا في مــــــحيـــــاك =الف نعم والـــفـــــــــــين تبرى معاهــا
منيف أبو سلطان يا طيب مـــــجناك =راع اليمين الطـــــــــايله من صخاهـــا
تسلم يمين اللي على العز ربــــــــاك = سلمت يمـــيــــن ٍٍ عــــزها في رجاهــا
يا منيف قلبي مـــــوْلع ٍفي ملاقــــاك = لا تلومني والنفــــــــس تبدي خفاها
يا منيف بلغ لي لهادي الـــيــــا جــاك= عز الســــلام من القـــســـومي براهــا
وسعود لا تنساه لا لا عدمنــــــــــاك = يا طيبها خــوّه و يا ما حـــــــلاهـا
خوتك تكـتب بالذهب لا بكــــيـــنــاك = الخوه اللي ســــاســــهــا من بـناهـــا
عز الله انه طيّب الصيت شــــرواك = والطيب ساســــك و أنت دايم وفاهــا
واسلم و سلم لي على أقصاك وأدناك =وتسلم يمينك عــــــــزها في هواهــا

أخوك / صالح بن هلال القسومي الفريدي

القسومي



صح لسانك ايها المبدع دائما


شكراً لك ولا عدمناك اخي الكريم



وفقك الله لما يحب ويرضى

صالح القسومي

صح الله لسانك لاشك إن الممدوح يستاهل ولاشك إنك شاعر قادم بخطوات ثابته

يسعدنا تواجدك وشعرك في مجالس ربعك

دمت بعون الله وتوفيقه

اخوي / صالح بن هلال القسومي

والنعم فيك ، والنعم فيك ، والنعم فيك

من قصائدك شهادة على وفائك وطيب معدتك

صح لسانك ويستاهل منيف بن خلف

اكرر لاتبخل علينا بشعرك

القسومي صح لسانك وبيض الله وجهك على هذه الرائعة لاعدمناك

أخوي / احمد الحماد .
اخوي / مقبل النمران .
اخوي / مشعل الفريدي .
مشكورين على ردودكم الجميلة ولا نستغني عن مقترحاتكم وملاحظاتكم .

*********** اخوي / ابن منيديل . ************
ما عليك زود ,, ماعليك زود ,,, ماعليك زود ,, وجميع الحضور .
يسعدني مرورك الجميل , ويشرفني اقتراحك الجزيل ,
بيض الله وجهك ..

الاخ صالح

قصيدة طيبه خصوصا وهي البدايه وموجهة لصديق عزيز يستاهل المدح

صح لسانك وقصيده تستاهل التنسيق
ننتظر الاحسن
لك حبي

اخوي خلف الفريد مشكور على التنسيق الجميل وجزيت خيراً
والظاهر ان الصلاحيات سوف تسند على راعيها (( انت ))

ويا حبذاء لو تغير لون الخط في قصيدة بنات الحي لان الخط الاحمر يسبب للقلب هيجان فالمطلوب الخط الابيض مع التنسيق الاحمر ,
تحياتي لك
وردودك وسام فخر لي

صح لسانك يالقسومي

بداية رائعة وقصيدة جميلة للغاية

ويستاهل ابن عسم

صح لسانك وبيض الله وجهك على هذه التحفه الرائعه اخوي القسومي