قصيدة ثناء في الشيخ/ علي بن محسن بن مغضب الفريدي

هذه القصيده رد ثناء بالشيخ/ علي بن محسن بن مغضب الفريدي

المدح بأهل الطيب ماهو حسايف=ومدحٍ بغير اهله حرام وحسوفه
سر ياقلم واكحل بياض الصحايف=بسلام احلى من روايح قنوفه
سلام تسليم الوفاء والطرايف=باللي غمرنا في جميل معروفه
سلام مني لغريب الوصايف=لعلي بن محسن مكرّم ضيوفه
حيث ان ابو تركي عزيز الطوايف=من روس ربعن في وفاها معروفه
حرٍ طليق وماكره بالنوايف=اشقر قطامين بكامل وصوفه
ولمدح ابن مغضب تراني مهايف=من غير ما اسمع فيه عيني تشوفه
ماني بمداحٍ بمدحه مسايف=يمدح خطا من شان قاسي ظروفه
ولاني بسبار ولاني بحايف=ولاني من اللي كل شيٍ يطوفه
وعلي كريمٍ مابجوده قضايف=وهذا الرفيق اللي يعزك وقوفه
شيال صعبات الحمول الكلايف=وعلى عدوه مابقلبه مروفه
دون المراجل مانوى بالنكايف=يقدم على المعروف لو به كلوفه
راعي مغاتيرٍ زهتها السفايف=فيها على زين المغاتير نوفه
نقوة مغاتير لصوته ولايف=لاوحت رفيع الصوت جتك مخفوفه

الشاعر / غريب بن فهيد بن ناحل

صح لسان الشاعر

وفى وكفى وابو تركي يستاهل المدح بيض الله وجهه

مع جزيل الشكر لك اخوي محمد على الاضافه لاهنت