وعن مقعد الهون بطن القاع يبلعني

يلي بجمع الهروج العوج متمادي=بالله جنب ترا كبدي تلوعني
من هرجةن غاديه ويقولها غادي=يسمو مقامي عن الهزله ويرفعني
ليا صار مالي ومال الناس وحيادي=وما جابه الله من المقسوم مقنعني
وادل درب الرشاد وربي الهادي=والستر ظافي وقدي ثوب ياسعني
ورزقي يجيني رغم عن انف حسادي=ولايمكن اللي كفل رزقي يضيعني
ولا امد كفي على زاد ماهو زادي =كرامة النفس تاقف لي وتردعني
وهداج لا يبست الارياق ميرادي=وعن مقعد الهون بطن القاع يبلعني
اقولها من صلافة راس وعنادي=كبدي ليا اوحيت بعض الهرج توجعني.
الشاعر / سعد عبدالله الفريدي